Мундијалот во Катар е специфичен поради повеќе работи, а една од нив е тоа што навивачките не смеат разголени да се појавуваат на стадионите, но сепак најзгодната Хрватка реши да ги покаже облините надвор од спортските боишта.
Хрватката во Доха реши да позира во секси бикини за еден моден магазин и така ги возбуди нејзините обожаватели.
Португалскиот ас Кристијано Роналдо е предводник на нападот на својата селекција против Гана, а натпреварот го одбележа интересен момент.
Во еден од воведните напади на натпреварот, Роналдо се обиде да постигне погодок со глава. Она што импресионира беше неверојатниот скок на ветеранот кој и на 37 години покажа дека е во врвна форма.
Сите останаа одушевени од скокот на Кристијано, а Ганците споредено со него изгледаа како да се мали деца…
Јапонија вчера го приреди второто големо изненадување на Светското првенство во Катар кога ја совлада Германија со 2:1, но место да продолжат да слават, јапонските навивачи покажаа дека добрите манири и навики се на првото место, без разлика на ситуацијата.
По завршувањето на натпреварите, трибините вообичаено се полни со отпадоци, најчесто од храна и пијалаци, зашто навивачите сметаат дека има кој да зачисти зад нив. Јапонците не се однесуваат така.
Додека нивните фудбалери го напуштаа теренот, јапонските фанови зедоа пауза од славењето со цел да го соберат ѓубрето од стадионот „Халифа“. Тие го правеа истото и на последното Светско првенство во Русија, па дури и по првиот меч во Катар, кога Јапонија не ни играше, туку домашната селекција против Еквадор.
Во Јапонија, чистењето е дел од културата и оваа навика им се всадува на луѓето уште на рана возраст.
„Чистењето е начин на кој Јапонците ја демонстрираат гордоста со нивниот начин на живот. Собирањето ѓубре по фудбалски натпревари е само продолжување на основното однесување што го учат во училиште, каде што децата редовно ги чистат училниците и ходниците“, вели Скот Норт, професор по социологија на Универзитетот во Осака.
Пратеникот во Собранието на Македонија, Јован Јаулески на својата Фејсбук страница постираше фотографија од навивачи сликани со македонското знаме од Кутлеш.
Тој напиша:
Американскиот новинар Грант Вал, кој работи за „CBS Sports“ и има напишано книга за Дејвид Бекам, бил приведен на стадион во Катар поради носење маица со боите на виножитото пред почетокот на натпреварот САД – Велс на Светското првенство на стадионот „Ахмед Бин Али“ во Ал Рајан.
– Кога дојдов на стадионот облечен во маичка со виножито за поддршка на ЛГБТ заедницата, редарите ми забранија да влезам. Ме задржаа 25 минути и бараа да ја соблечам маицата. Твитнав за тоа. Еден момент подоцна, еден од чуварите насилно ми го грабна телефонот од раце. Помина речиси половина час. Чуварите одбија да ми го вратат телефонот и рекоа дека мојата маица е „политизирана“ и бараа да ја соблечам. Јас одбив.
Мојот пријател Ендрју Дас, новинар на „Њујорк Тајмс“, минуваше и му кажав што се случува. Го уапсија и него. На крајот чуварите ме натераа да станам и да се свртам кон безбедносната камера. Еден од чуварите праша: „Дали сте од Велика Британија? Јас одговорив: „Од Њујорк“. Ова почна да ме нервира. Конечно го ослободија Енди.
И тогаш ми пријде шефот на обезбедувањето. Тој рече дека ме пуштаат и ми се извини. Се ракувавме. Еден од редарите ми кажа дека само се обидуваат да ме заштитат од навивачите внатре кои би можеле да ме повредат поради носењето на маицата. Подоцна ми се извини и претставникот на ФИФА. Но, оваа епизода ме натера да размислам како им е на обичните Катарци кога целиот свет не гледа во нив, напиша американскиот новинар на својата веб-страница.
Светската фудбалска асоцијација (ФИФА) донесе забрана за било какво носење симболи или пароли, од страна на националните тимови, новинарите но и навивачите, за поддршка на ЛГБТ-популацијата, почитувајќи ги законите на земјата домаќин на Мундијалот.
Тоа го можат само Јапонците. Иако Јапонија не играше на првиот ден од Светското првенство, туку играа Катар и Еквадор, нивните навивачи по завршување на мечот го чистеа ѓубрето од трибините, кое го оставија фановите на двете селекции.
Ова наиде на големо изненадување кај домашните фанови кои постојано ги прашуваа зошто тоа го прават, тие одговорија дека Јапонците не оставаат ѓубре, па макар тоа не било нивно.
Англија отвори на спектакуларен начин, па навивачите на оваа селекција имаа причини за задоволство и славје, па и на еден чуден начин.
Овој пат во центарот на вниманието се најде навивачка на англиската репрезентација. Девојката која под маичката не носеше градник, по громогласните овации на фановите кои ја опкружија, ги воодушеви покажувајќи им ги градите. Тоа е мала радост за Британците кои поради ограничувањата во Катар не можат да го консумираат алкохол.
Репрезентацијата на Бразил ќе го освои престојното Светско првенство во Катар.
Ова го покажа математичкиот модел на научникот од Оксфорд, Џошуа Бул во специјално испитување пред почетокот на Мундијалот.
Британскиот математичар направи уште интересни прогнози како:
-Белгија за прв пат во историјата ќе стигне до финалето на Светското првенство.
-Германија повторно ќе има разочарувачко издание и ќе биде елиминирана од Белгија во осминафиналето.
-Англија ќе загуби во четвртфиналето од Франција
-Бразил во полуфиналето во израмнет меч ќе ја елиминира Аргентина.
За да стигне до овај резултат, математичкиот модел користеше податоци за сите репрезентации и ги симулираше натпреварите 1 милион пати, па ги зеде во предвид најчесто среќаваните резултати.
На почетокот од мечот меѓу Еквадор и Катар, кога беше поништен голот на Еквадорците, за малку ќе се случеше инцидент на трибините.
Еквадорски навивач кој седеше меѓу Катарци, гестикулираше дека судиите се потплатени. Тогаш еден од домашните навивачи му се закани вербално, му рече да замолчи и да седне.
По извесно време излезе ново видео во кое двајцата кои се расправаа се смирени, а Еквадорецот се извини за неговата гестикулација.
На полувремето од мечот меѓу Еквадор и Катар, навивачите на селекцијата од Јужна Америка го побараа тоа што му фали на ова Светско првенство – пиво.
Катарските власти на два дена пред почетокот на Светското првенство решија да го прекршат претодниот договор и да забранат точење на пиво на стадионите.
На полувремето од мечот меѓу Катар и Еквадор, еквадорските навивачи скандираа: „Сакаме пиво, сакаме пиво“.
