Tag Archives: македонци

Македонија

Апасиев: Рамковна тиранија врз Владата, 11 Македонци, 10 Албанци

Во својата дискусија пратеникот и лидер на Левица Димитар Апасиев рече дека ДУИ дојде до фазата да изврши рамковна малцинска тиранија врз македонската Влада, која од вечерва, ако биде избрана, ќе брои 11 министри Македонци и 10 министри Албанци. „Воведовте башибозук демократија, ние станавме косовски полупротекторат, воведовте апартхејд кога Македончиња и Албанчиња живеат одвоено, имате отворено македонофобство, непочит кон химна и знаме, а вие Османи, внимавајте да не направите тешка стратешка грешка со идно предавство со Бугарија“, рече Апасиев и додаде дека тоа нема да биде простено зашто „Македонија е долга и широка работа“.

Kaко старите добри комунисти, дискусијата за избор на нова влада ќе ја поделам на кадровска и програмска. Во програмската ќе речам дека завршува периодот на Заев во стилот ‘си одам не си одам’, но заевизмот остана. За време на Шарената револуција имавме израз ‘Ружна ви е Владата’, а Шарената револуција потоа беше предадена, а заевизмот пак си остана. Скандал мајсторот Спасовски остана на функцијата, познат и по лажните пасоши, па уште ја протурка и Славјанка во одбана иако биографијата ѝ е празна. Бисера ‘Скафандер’ оди во култура иако најголемо достигнување ѝ е што била преведувач за Фуере и Нано Ружин“, рече Апасиев.

Тој рече дека „момчето од Горњи Милановац“ (Заев, н.з.) ѝ нанесе пораз на Македонија со Грција, Македонците станаа северномакедонци, а потоа ја одведе Македонија пред понижување и пораз со Бугарија со тендеција да не постои македонскиот јазик или да постои со фуснота.

„ДУИ „искина“ осум македонски премиерии, вие Ковачевски ќе бидете деветиот, а во таа влада ќе бидат и натаму Груби и Маричиќ, без Царовска, сите како ангели на Сороз. Додека врескаат за некакво руско мешање, земјата ни стана на нивото на Сенегал. Додека ДУИ лета орли, секое второ дете се раѓа во Шипковица. А во Југославија имаше десет пати повеќе првачиња Албанчиња, значи правите зулум и кон своите Албанци, не излегувате од национал шовинизмот и правите бејрутизација на Македонија“, рече Апасиев.

Тој нагласи дека досега непознатиот мандатар Димитар Апасиев потекнува од црвената буржоазија и по татко од СДСМ.

„За првпат разбравме од вашата биографија дека во Подгорица имало Харвард имал дисперзирани студии. Вие не сте репрезент на работничката класа туку на капитализмот, иако се декларирате како социјалдемократ. Имате три стана од четврт милион евра, автомобили, акции, сеф, можеби внатре чувате дијаманти и друг капитал, што ве прави капиталист“, рече лидерот на Левица.

Професорот Тупанчевски има најчиста биографија, а дипломирал на Ломоносов универзитет, што можеби ќе ви направи проблем, да ве третираат како руски шпион.

„Мачно ќе ви биде во Владата, ќе дојде брзо денот кога ќе ви пукне филмот и ќе си заминете“, рече Апасиев.

Зборот работници во програмата на Ковачевски е спомнат само шест пати, а зборот бизнис дури 60 пати, што само по себе говори за кого ќе работи Владата, рече на крајот пратеникот Димитар Апасиев.

Македонија

Сe бугapизиpaaт Мaкeдoнцитe во Албaниja: Жecтoкa peaкциja – Ja злoyпoтрeбувaтe нивнaтa cиpoмaштиja

Единствената партија на Македонците во Албанија, Македонска алијанса за европска интеграција (МАЕИ) реагираше во врска со, како што наведе, последното однесување на бугарската Амбасада во Тирана, со цел вештачко прикажување на Бугари во областа Голо Брдо.

„Трајно се врежани во меморијата на жителите на Голо Брдо, бугарските злосторства за време на окупацијата на областа на Голо Брдо од страна на Бугарија во Првата светска војна. Елез Кочи, чие име денес го носи средното училиште во Острени, бил убиен во 1916 година од страна на бугарската војска, која жив го закопала кај реката во селото Врница во Голо Брдо“, се наведува во реакцијата.

Жителите на областа Голо Брдо, се потенцира во партиската реакција, очекуваат официјално извинување од Бугарија за злосторствата извршени за време на Првата светска војна.

„Однесувањето на бугарската Амбасада во Тирана, која ја користи сиромаштијата во областите каде што живее македонската заедница во Албанија, прикажувајќи ја како бугарска заедница, е примитивна перверзија и историско искривување на вистината“, констатира МАЕИ во реакцијата.

Македонија

Стојков: И да влезат Бугapитe вo Уcтaвoт, Сoфиja ќе ja ocпopувa Мaкeдoниja

Не случајно е последното барање на Бугарија за тоа Бугарите да влезат во македонскиот Устав, затоа што сите нивни претходни барања во однос на историјата, јазикот… наидоа на лош прием кај меѓународната заедница, вели Стојко Стојков, копретседателот на ОМО Илинден Пирин, нерегистрираната партија на Македонците во Бугарија во интервјуто за јутјуб каналот на здружението на граѓани Нов АСНОМ.

„Сите овие историски барања на Бугарија се апсурдни. Ненаучни. Бугарија сфати дека не може да ја оправда таквата своја позиција. И затоа се префрлија на човековите права и се измисли оваа приказна со наводните проблеми на Бугарите во Македонија.

Во извештаите за човековите права на меѓународните организации изработени во последните 20 години никаде не се споменува проблемот на Бугарите во Македонија. Никаде. Но затоа, во сите тие извештаи се нотирани сериозните проблеми што ги има македонското малцинство во Бугарија“.

Стојков вели дека „сè што бара Бугарија, всушност, индиректно е насочено против македонското малцинство во Пиринска Македонија. Очигледно е дека македонското малцинство многу му смета на бугарската национална елита“.

За договорот за пријателство и добрососедство вели дека тоа не е Договор, туку инструмент за бугарска уцена на македонските евроинтегративни процеси, уцена за постигнување на националистичките барања на Бугарија,

Стојков смета дека бугарското оспорување на Македонија ќе продолжи и ако се прифати барањето на Софија во македонскиот Устав да влезат и Бугарите.

„Тоа нема да значи крај на оспорувањето на Македонија од страна на Бугарија. Бугарија бара редефинирање македонската нација на пробугарска основа. Тоа е така поставено уште во 1963 година од Живков. За нив македонскиот јазик е бугарски, македонската култура е бугарска, нема Македонци пред 1944 година, македонска нација има само во Република Македонија и таа е на пробугарска основа. Сите нивни барања се ненаучни и спротивни на вредностите на ЕУ. Затоа и ја немаат меѓународната поддршка. Ако Македонија сама се откаже од својот идентитет, тогаш за ЕУ ќе нема никаков проблем, тоа за Европа ќе биде самоопределување, сопствена одлука“, смета Стојков.

Македонија

Шecт медали на Меѓународната јуниорска олимпијада по природни науки во Дубаи

„Создаваме вредности“ – на овој начин Друштвото на физичари на Република Македонија соопшти дека македонските учесници на Меѓународната јуниорска олимпијада по природни науки освоија шест медали, односно едно сребро и пет бронзени медали.

Алексиј Тасиќ освои сребрен медал додека Иван Костевски, Андреј Стојановски, Марио Ванчоски, Матеа Митревска и Теона Ана Георгиевска освоија бронзени медали на олимпијадата која се одржа во Дубаи од 12 до 21 декември.

Македонските претставници беа предводени од д-р Ламбе Барандовски кој е претседател на друштвото и професор на Институтот за физика при Природно-математичкиот факултет во Скопје.

На олимпијадата се натпреваруваа 360 натпреварувачи од 59 држави.

Македонија

Вучиќ за Македонците: Ние го прифаќаме нивниот јазик и нација, им посакуваме сѐ најубаво

Претседателот на Србија, Александар Вучиќ синоќа најави дека претстојната средба „Отворен Балкан“ во Тирана ќе донесе многу добри и важни заклучоци, многу придобивки за сите граѓани, јави дописникот на МИА од Белград.

– Веруваме дека се приближуваме до она што многу ќе го олесни движењето не само на граѓаните кои би сакале да патуваат, туку и на бизнисмените и во протокот на стоки, услуги и капитал. Ќе ги поврземе нашите народи кои ќе имаат многу поблиски односи отколку во минатото, изјави Вучиќ во интевјуто за ТВ Пинк.

Во тој контекст, тој потсети дека денес Србија е призната од Македонците како нација и земја која е најблиска до Северна Македонија и нивните граѓани, и тој добрососедски однос мора да го градиме.

– Ние го прифаќаме нивниот јазик, нивната нација. Им посакуваме сѐ најдобро, на Македонците, Албанците, Србите и сите граѓани на Северна Македонија. Ние сме единствените кои немаме никаков проблем со нив, додаде Вучиќ.

Тој истакна дека добил видео од албанскиот премиер Еди Рама од селанец од северот на Албанија кој на пазарот ги објаснува предностите на „Отворениот Балкан“.

Селанецот, како што кажа, рекол дека многу му значи ако може со својата стока да оди во Белград.

– Знаете ли што сѐ би можеле да извезуваме, многу повеќе, а што би извезувале би се сменило, затоа што можеме наместо суровини да извезуваме многу повеќе полупроизводи и финални производи, а тоа се повисоки цени, објасни Вучиќ.

Тој потсети дека на овој начин по вековни војни нордиските земји се поврзаа, што им донело само добро.

Извор: МИА

Македонија

На денешен ден во Костурско 60-тина Македонци биле осудени, поради тоа што ги учеле своите деца МАКЕДОНСКИ ЈАЗИК

НА ДЕНЕШЕН ДЕН во 1945 година, во селото Нестрам (Костурско-Егејска Македонија), грчките власти пред судот извеле 61 Македонци поради тоа што своите деца ги учеле да пишуваат и читаат на свој сопствен МАКЕДОНСКИ ЈАЗИК.

COVID 19

Двајца Македонци ТРЕТ ПАТ прележале Ковид-19

Двајца македонски граѓани по трет пат добиле Ковид-19. За вториот потврден случај пријавата во Институтот за јавно здравје пристигнала вчера и се уште е во тек епидемиолошката анкета. Според информациите од ИЈЗ, едниот примил две дози на вакцина а другиот е со статус невакциниран.

– За едниот е готова епидемиолошката анкета и станува збор за лице со бубрежна болест што оди на дијализа со намален имунитет и по трет пат се заразува, вели Драган Кочински епидемиолог во ИЈЗ.

Освен двата случаи кои по трет пат добиле позитивен тест, досега се регистрирани и 964 реинфекции и според епидемиолозите ги има од сите возрасни групи и со и без коморбидитети.

Од анализите што ги прават во Институтот за јавно здравје повеќе заболуваат жени од мажи, но поголем ризик од смртен изход има кај посилниот пол. Од ИЈЗ досега не проверувале во примероците дали е присутен омикрон во земјата и тоа ќе го прават со следното истражување. Во светот пак новата варијанта веќе ја има во повеќе од 50 земји а се повеќе случаи привајуваат и во Европа.

– Од случаите во Европа станува збор за лица што патувале но има и пријави за локална трансмисија. Засега не ги знаеме сите особености на вирусот како и колку се ефикасни вакцините, вели Михаела Хегерман од Регионалната канцеларија на СЗО во Европа.

И додека чекаме колку е опасен Омикрон, следната недела мисија на СЗО доаѓа во земјата за увид во модуларните болници. Но засега не се знае дали тоа е поврзано со пожарот во тетовската модуларна во која загинаа 14 пациенти.

Балкан

Видео: Погледнете како во Србија се апсеа тpojцa Мakeдoнци, oбвинeти зa тeшkи kpaжби

Пpипaдници нa Миниcтepcтвoтo зa внaтpeшни paбoти вo Бeлгpaд pacвeтлиja пoвeќe kpивични дeлa „тeшkи kpaжби“ и пpивeдoa тpojцa дpжaвjaни нa Ceвepнa Мakeдoниja, oд koи eдниoт имa и cpпcko дpжaвjaнcтвo jaви дoпиcниkoт нa МИA oд Бeлгpaд.

Пoлициjaтa ги yaпcи Б.C. (24), Б.Н.(31) и A.K. (23), koи ce coмничaт дeka вo тekoт нa нoeмвpи и дekeмвpи гoдинaвa пpoвaлилe вo cтaнoви и kyќи нa тepитopиjaтa нa Бeлгpaд oд kaдe co cпeциjaлeн aлaт зa oтвopaњe блиндиpaни вpaти ykpaлe пapи, нakит, чacoвници и дpyги вpeдни пpeдмeти.

Нa ocoмничeнитe им e oдpeдeнa мepka пpитвop дo 48 чaca, a co kpивичнa пpиjaвa ќe бидaт извeдeни вo Тpeтoтo ocнoвнo jaвнo oбвинитeлcтвo вo Бeлгpaд. 

Македонија

ГЕРМАНИЈА воведува ЛОТАРИЈА за добивање РАБОТНА ВИЗА за македонските граѓани

Германските власти најавија дека поради големиот број апликации за виза, според член 26 став 2 од Одредбата за вработување во согласност со Регулативата за Западен Балкан, постојните правила ќе бидат ажурирани.

Според најновото ажурирање направено од Амбасадата, ќе бидат донесени нови правила во врска со процедурата за закажување, бидејќи бројот на апликации го надминува бројот на слободни термини што во моментот се достапни.

„За таа цел, во февруари по првпат ќе се отвори нова листа за регистрација на термини за поднесување барање за визи. Оваа прва листа ќе биде отворена за регистрации за одреден временски период (најверојатно 2 недели). Листата нема да се затвори, како досега, кога ќе се дојде до одредена бројка на регистрации. Наместо тоа, листата за регистрација ќе се затвори на одреден ден и од сите регистрации, компјутерски, по случаен избор по пат на лотарија ќе се избере кој ќе добие термин во март 2022 година. За точните податоци кога ќе се отвори листата, ќе информираме навреме на нашата веб-страница и преку нашиот фејсбук-профил“ велат од германската амбасада во Скопје.

Тоа значи дека секој ќе може да поднесе апликација, сепак, само оние што ќе имаат среќа ќе можат да закажат термин.

Лотаријата ќе се спроведе во германското Министерство за надворешни работи во Берлин под надзор од повеќе лица, а веднаш потоа избраните лица ќе бидат известени од Амбасадата кога ќе биде нивниот термин во следниот месец.

Дополнително, во соопштението Амбасадата нагласува и дека на апликантите не им е дозволено повеќекратно да се пријавуваат, да ја менуваат регистрацијата или да ја префрлаат на друго лице.

Освен тоа, се нагласува дека оние што се регистрирале порано немаат предност во однос на оние што се пријавиле подоцна и дека не е потребен ангажман на трети лица.

Како што се вели, при приложување на потврдата за термин, влез во Визниот оддел ќе биде дозволен само ако личните податоци во пасошот на подносителот на барањето целосно се совпаѓаат со податоците што се внесени во терминот за регистрација.

„Регистрaциите што не добиле термин ќе бидат избришани на крајот на месецот. Ако Вашата регистрација не добила термин, и во тој случај ќе добиете соодветно известување дека не сте извлечени. Од технички причини, може да поминат неколку дена додека добиете известување. Ве молиме да не испраќате мејлови. За да може да учествувате во лотаријата за термини во следниот месец, потребна е нова регистрација. Само на овој начин може да се доделат термини за поднесување виза според Регулативата за Западен Балкан. Амбасадата не дава други посебни термини и од овие причини Ве замолуваме да се откажете од таков тип на прашања“, додаваат од Амбасадата.

Во моментов, сите земји од Западен Балкан – Албанија, Босна и Херцеговина, Северна Македонија, Црна Гора, Косово и Србија – се дел од германската листа со висок ризик за патување во земјата.

Врз основа на сегашните правила за влез во Германија, од патниците од овие земји се бара да пополнат формулар за дигитален влез и да останат во самоизолација десет дена по нивното пристигнување.

Сепак, оние што се вакцинирани со признаена вакцина, како и оние што поседуваат валиден сертификат дека го прележале вирусот, можат да го прескокнат карантинот.

Центар.мк

Балкан

Бугарски европратеник: Во Бугарија НЕМА МАКЕДОНСКО МАЛЦИНСТВО

Бугарскиот пратеник од поранешната владејачка партија ГЕРБ, Емил Радев, со провокативни изјави апелираше до колегите од Европскиот парламент да не се обидуваат да ја промовираат темата за постоењето на македонското малцинство во Бугарија. Како што вели тој, во неговата земја нема македонско малцинство.

-Во Бугарија нема македонско малцинство и тоа е став околу кој не треба да се дозволуваат компромиси. Очекувам дека јас и моите бугарски колеги во ЕП едногласно да го браниме тој став, без разлика на нашите политички убедувања и разлики. Поигрувањето со темата, која си ја дозволува екстремната левица на популисти како ирската пратеничка Клер Дејли, во најмала рака е во спротивност со вистината и во суштина претставува неправеден и пристрасен напад против нашата земја, посочил бугарскиот политичар, а објави сајтот „Епицентар“.