Tag Archives: мерки

Инфо +

Од денеска БЕЗ ПОЛИЦИСКИ ЧАС, дозволени се прослави и концерти

Од денеска целосно се укина полицискиот час, угостителските објекти нема да имаат ограничување во работното време, свадбите ќе може да се организираат со повеќе од 100 гости, а дозволени се настани, концерти и забави во клубовите и локали само на отворено, со капацитет до максимум 50 отсто од објектот и не повеќе од 1000 лица. Ова се мерките што ги препорача Комисијата за заразни болести, а вчера на седница ги прифати Владата и стапија на сила од ноќеска на полноќ.

Една од препораките е и измена и дополна на Протоколот за организирање свадби, прослави и веселби.

Последната статистика од вчерашното деноноќие регистрира 29 нови случаи на ковид-19 од направени 2887 тестирања, ниту едно починато лице. Оздравени се во тоа деноноќие 34 лица. Активни се 420 случаи.

Вкупниот број ковид-дијагностицирани лица во земјава од почетокот на епидемијата изнесува 155 568, бројката на оздравени пациенти е 149 676, на починати е 5472. Досега во земјата се направени вкупно 838 323 тестирања на ковид-19.

Според вчерашните податоци на Министерството за здравство, на инфективните одделенија во државава се лекуваат вкупно 96 пациенти позитивни и суспектни на коронавирусот, од кои 30 се во Скопје. Во ковид-центрите има околу 460 празни болнички кревети. Поради намалениот број болни, болниците затворија дел од капацитетите наменети за ковид пациенти.

Вакцинацијата против ковид-19 се одвива непречено на сите вакцинални пунктови низ државата. Интересот за вакцинирање се зголемува. Според податоците на веб страницата vakcinacija.mk, досега во државава се вакцинирале 259 935 граѓани. Бројот на лица кои изразиле желба за вакцинација преку веб-платформата vakcinacija.mk е 450 634 граѓани.

– Вакцинацијата се спроведува согласно Националниот план за имунизација. Се вакцинираат возрасни лица, граѓани кои искажале интерес за вакцинација на веб страницата vakcinacija.mk а се вакцинираат и лица вработени во критична инфраструктура. Масовна вакцинација се одвива во неколку градови во државата и тоа во А1 СЦ Борис Трајковски во Скопје, во спортските сали во Кавадарци, Куманово, Тетово, Штип, Битола, Струмица, Охрид, Велес и Прилеп, посочуваат од Министерството.

Вчера пристигна донација од 20 000 дози вакцини „Астра-Зенека” од Грција.

Грчкиот премиер Кирјакос Мицотакис на крајот од мај од Брисел најави дека се разгледува можноста за директна билатерална помош за соседните земји, а неколку дена подоцна министерот Филипче соопшти дека Северна Македонија очекува 70 000 дози вакцини, од кои 50 000 од Бугарија и 20 000 од Грција. Портпаролката на грчката Влада, Аристотелиа Пелони на почетокот на месецов, одговарајќи на прашањето на дописничката на МИА од Атина на редовниот брифинг со новинарите, потврди дека Грција во координација со Европската комисија, ќе испрати по 20 000 дози од вакцините за Северна Македонија и Албанија.

COVID 19, Инфо +

Укинување на полицискиот час, повеќе гости на свадбите и организација на концерти и забава

Утрово Комисијата за заразни болести предложи олабавување на мерките.

„Утрово на Комисијата за заразни болници се донесоа следните одлуки кои ќе бидат предложени до Кризниот штаб. Од среда, 16 јуни: Да се укине целосно полициски час. Епидемиолошката состојба е стабилна и го дозоволува ова. Да се укине ограничувањето од максимум 100 гости на свадби и прослави. Да се дозволи организација на настани, концерти и забави во клубовите и локалите само на отворено, со капацитет до максимум 50% од објектот и не повеќе од 1000 лица.“, напиша Филипче на Фејсбук.

Инфо +

Чаушевска-Димовска персона нон грата – Русија ја протера!

Русија прогласи еден вработен во Амбасадата на Северна Македонија во Москва како противмерка за персона нон грата, објави руското Министерство за надворешни работи – пренесе Спутник.

„Чаушевска-Димовска, беше поканета во руското Министерство за надворешни работи на 10 јуни, каде што и беше врачена белешка со која се прогласува за персона нон грата во Москва“, се вели во соопштението на Министерството.


Оваа мерка е одговор на немотивираната одлука на македонската страна во мај годинава да се прогласи за персона нон грата дипломат на руската амбасада во Скопје, се објаснува во соопштението.

На крајот на мај, Министерството за надворешни работи на Северна Македонија протера руски дипломат. По ваквиот потег на Македонија, руската дипломатска мисија во Скопје објави дека Москва размислува за контрамерки – пишува СПУТНИК.

Инфо +

Правилник за свадби: 100 гости, не е дозволено гушкање и поздравување, оро на дистанца, сите на тераса со измерена температура

Што предвидува Протоколот за свадби, веселби и прослави на терасите на угостителските објекти: не е дозволено гушкање и поздравување; на гостите ќе им се мери температура на влезот; може да се игра само на дистанца…

  1. Организирањето свадби, прослави и веселби е дозволено во отворениот дел на угостителскиот објект/тераса. Тераса претставува простор кој има покрив и кој е отворен од трите страни. 2
  2. На влезот на отворениот дел од угостителскиот објект/терасата треба да има поставено дезинфекциско средство со видливо известување дека е задолжително да се дезинфицираат рацете при пристигнувањето.
  3. Задолжително е мерење на температура пред влез на гостите од страна на одговорно лице од угостителскиот објект. Доколку кај некој од гостите се констатира покачена телесна температура (температура повисока од 37,5 степени) веднаш ќе бидат вратени и упатени да се јават кај својот матичен лекар.
  4. Организаторот е должен да ги извести гостите дека доколку кај некој од гостите се констатира покачена телесна температура, ќе бидат вратени и советувани да се пријават кај својот матичен лекар.
  5. Доколку на отворениот дел од угостителскиот објект/терасата има поставено прегради/ѕидови направени од плексиглас, пластика или стакло, потребно е да се отстранат или отворат така што просторот на терасата да остане од трите страни отворен.
  6. Бројот на гостите се ограничува на максимум 50% исполнетост на капацитетот на отворениот дел, но не повеќе од 100 гости.
  7. Угостителскиот објект во кој има прослава е должен да ја регистрира и пријави прославата во угостителска комора која води регистар на свадби, прослави и останати веселби.
  8. Задолжително е при влегувањето на гостите истите да бидат спроведени од страна на одговорно лице од угостителскиот објект .
  9. Организаторот има за обврска да достави листа на гости и распоред на маси за седење до одговорниот менаџер на угостителскиот објект кој има за обврска да го евидентира секое лице – гостин на прославата.
  10. Во случај на доаѓање на лица не евидентирани во листата на гости по добиено одобрение од организаторот ќе им се одобри присуство и ќе бидат внесени во листата за евиденција на присутни гости.
  11. Организаторот на прославата има за обврска сите гости да ги запознае со препораките, условите и начините под кои се одржува свадбата.
  12. Задолжително е почитување на општите превентивни мерки и препораки при пречек на гости и за цело времетраење на свадбата (забрането е поздравување со ракување, гушкање или друг вид на физички контакт со гостите).
  13. Само при организирање на свадби дозволено е ангажирање на музичари односно естрадни уметници кои се лиценцирани.
  14. Музичарите треба да бидат оддалечени најмалку 5 метри од најблиската маса за гости, без право на движење и пеење помеѓу гостите.
  15. Јачината на музиката не треба да ја надминува пропишаната граница на јачина во угостителски објект.
  16. Дозволено е играње на подиум за игра со обезбедено простор од 4 м2 по лице при што е потребно да се почитува препорачаната дистанца.
  17. На гостите им е дозволено да влезат во затворениот/внатрешниот дел од објектот при потреба да користат тоалет.
  18. При престој на гостин во затворениот/внатрешниот дел на објектот задолжително е носење заштитна маска за што мора да бидат поставени јасни известувања во објектот.
  19. Вработените во угостителскиот објект задолжително носат заштитни маски преку устата и носот и зачестено одржуваат хигиена и дезинфекција на раце .
  20. Дозволен е максимален број од 6 лица на една маса со задолжително почитување на пропишаното растојание помеѓу секој гостин и растојание помеѓу масите.
  21. He е дозволено послужување на гости на маси за стоење и на шанк.
  22. Задолжително поставување на дезинфекционо средство за раце на секоја маса.
  23. Засилени внатрешни контроли на вработените лица од страна на одговорно лице за одржување на личната хигиена (често миење раце) во сите фази на подготовка, прием и послужување на храна .
  24. По завршување на прославата, задолжително е механичко чистење и дезинфекција со средство кое делува на вируси според упатство од производителот, алтернативно може да се користи 0,05% натриум хипохлорит (5% белило за домаќинство кое се користи во размер 1:100) или 70% алкохол за дезинфекција на горни површини.
  25. Редовно одржување на хигиената во тоалетите со задолжително водење на евиденција за спроведеното чистење и употреба на препорачаните антивирусни дезинфекциони средства.
COVID 19, Инфо +

Од УТРЕ на сила НОВИ МЕРКИ: Свадби, прослави и без маски на отворено!

Главниот координативен кризен штаб на Владата на Република Северна Македонија за обезбедување целосна координација на органите на државната управа, на правните лица основани од државата, како и на единиците на локалната самоуправа, во врска со спречување, внесување и ширење на коронавирусот КОВИД-19 на денешниот состанок ги разгледа и потврди препораките на Комисијата за заразни болести за олабавување на мерките за заштита од КОВИД-19 и ги предлага на конечно усвојување на утрешната Владина седница.

На состанокот на Главниот кризен штаб, по исцрпната дискусија и имајќи ја предвид поволната моментална епидемиолошка состојба со КОВИД-19 во државата, која се карактеризира со намалување на 14-дневна инциденца (бројот на новонастанати случаи) на позитивни случаи, намалување на позитивни тестови за КОВИД-19 во однос на вкупен број тестирани лица, намалување на бројот на активни случаи и бројот на хоспитализации, по препорака на Комисијата за заразни болести, беа донесени следните предлог-препораки за олабавување на мерките, почнувајќи од 1 јуни 2021 година:

1. Укинување на мерката носење на заштитна маска на отворено со препорака за носење на маска кога лицата се во поголема група. Останува на важност мерката за задолжително носењето на заштитна маска во јавен превоз, такси превоз и во сите затворени простори.

2. Да се дозволи присуство на публика на спортски натпревари кои се одржуваат на отворено до 30 проценти, од вкупниот капацитет на посетители, со задолжително почитување на растојание помеѓу посетителите од 1,5- 2 м (три седишта) и со доследно применување на мерките за заштита од КОВИД-19.

3. Се укинува мерката за забрана за групирање на јавен простор на не повеќе од 4 лица.

4. Да се дозволи организирање на свадби, прослави, веселби на отворен простор/летни тераси до максимум 100 лица, но не повеќе од 50 проценти од капацитетот на просторот и до максимум шест лица на маса со обезбедување на препорачаната дистанца помеѓу лицата. Присуство на музичари е дозволено само при организирање на свадби, а согласно соодветен протокол.

5. Се зголемува бројот на лица на една маса во угостителските објекти од четири лица на шест лица со обезбедување на препорачаната дистанца помеѓу лицата на масата.

6. Се препорачува укинување на мерката за работа во смени и од далечина (член 3 т. 14 од Одлуката за превентивни препораки, времени мерки, наредени мерки, наменски протоколи, планови и алгоритми за постапување за заштита на здравјето на населението од заразната болест КОВИД-19 предизвикана од вирусот SARS-CoV-2,случаите и временскиот период на нивна примена („Сл.В.РСМ“ бр.263/20),

7. Продолжува да важи мерката за полициски час до 15.06.2021 година.

Инфо +

Само невестата и младоженецот ќе можат да играат на свадбата?

Само невестата и младоженецот ќе можат да танцуваат, додека гостите на свадбата ќе даваат аплауз од масите, ова го тврди организатор на овие веселби за ТВ21.

Свадбите ќе се организираат само на отворен простор со најмногу 100 гости. Сопствениците на свадбени салони не се задоволни со овие протоколи и препораки. Љуљзим Хасани вели дека предлагањето нови мерки е дискриминирачки бидејќи 80 отсто од местата за свадби немаат летни тераси и отворен простор.

„Тоа е дискриминаторска одлука затоа што не ги вклучува сите наши објекти што се занимаваат со оваа активност. Овде олеснувањето се прави само за објектите што имаат тераси, односно тоа се отворени објекти, додека овде во нашиот регион во Тетово има само 1 или 2 објекти кои имаат таква можност, додека во другите објекти сме повторно затворени “, рече сопственикот на ресторан.

Хасан додава дека е апсурдно да се има музика додека гостите не можат да танцуваат. Министерот за здравство, Венко Филипче најави дека е дозволена музика на отворен простор, додека за затворени простори, како што рече, во следните две недели ќе бидат подготвени соодветни протоколи.

Инаку, овие препораки ги даде Комисијата за заразни болести и за да стапат во сила, се очекува да бидат одобрени од Владата.

Инфо +

Од 1-ви јуни без маски на отворено, дозволени свадби и прослави, но полицискиот час останува

Министерството за здравство ја информира јавноста дека утрово на Комисијата за заразни болести донесена е одлука до Главниот координативен кризен штаб (ГККШ) да се достави предлог за понатамошно олабавување на рестриктивните мерки. Пандемијата стивнува и од недела во недела се намалува бројот на активни случаи. Комисијата до ГККШ ќе ги предложи следните олабавувања:

„Од 1 јуни, заштитните маски да не бидат задолжителни на отворено. Маските на сите затворени места, јавен превоз и секаде каде не моиже да се одржува препорачана дистанца остануваат задолжителни. Да престане да важи забраната за групирање на отворено. При групирање на повеќе лица останува препораката да се носат заштитни маски. Да се дозоволи организација на свадби и прослави на отворено со максимум 50% исполнетост на капацитетот во отворениот дел, но не повеќе од 100 гости. Максимум дозволен број на гости на една маса да биде 6. Спортските натпревари кои се играат на отворени терени да се играат со публика, но со максимална исполнетост од 30% од капацитетот на стадионот.

Да има се дозволи на угостителските објекти да примаат по 6 гости на една маса, додека сите останати рестрикции за нив остануваат на сила. Полицискиот час останува на сила. Во текот на оваа и следната недела, Комисијата за заразни болести во соработка со организаторите на настани ќе работи на прецизирање на протоколите за одржување на настани и концерти на отворено, а по 15 јуни според договорените протоколи ќе бидат дозволена и организација на ваков тип настани.

Состојбата е стабилна, но искуството ни покажа дека многу лесно може да се влоши доколку не се почитуваат мерките онака како што се предвидени. Затоа апелирам до стопанските субјекти и граѓаните целосно да се придржуваат до препораките“стои во соопштението од МЗ.

Инфо +

Дозвола за свадби, неносење маски на отворено, публика на стадионите – Ова се новите мерки кои ги предлага Комисијата

Утрово на Комисијата за заразни болести донесена е одлука до Кризниот штаб да се достави предлог за понатамошно олабавување на рестриктивните мерки.

Министерот за здравство Венко Филипче на социјалните мрежи информира дека пандемијата стивнува и од недела во недела се намалува бројот на активни случаи.

Комисијата до кризниот штаб ќе ги предложи следните олабавувања:

-Од 1 јуни, заштитните маски да не бидат задолжителни на отворено. Маските на сите затворени места, јавен превоз и секаде каде не моиже да се одржува препорачана дистанца остануваат задолжителни.

-Да престане да важи забраната за групирање на отворено. При групирање на повеќе лица останува препораката да се носат заштитни маски.

-Да се дозволи организација на свадби и прослави на отворено со максимум 50% исполнетост на капацитетот во отворениот дел, но не повеќе од 100 гости. Максимум дозволен број на гости на една маса да биде 6.

-Спортските натпревари кои се играат на отворени терени да се играат со публика, но со максимална исполнетост од 30% од капацитетот на стадионот.

-Да има се дозволи на угостителските објекти да примаат по 6 гости на една маса, додека сите останати рестрикции за нив остануваат на сила.

– Полицискиот час останува на сила.

-Во текот на оваа и следната недела, Комисијата за заразни болести во соработка со организаторите на настани ќе работи на прецизирање на протоколите за одржување на настани и концерти на отворено, а по 15 јуни според договорените протоколи ќе бидат дозволена и организација на ваков тип настани. Состојбата е стабилна, но искуството ни покажа дека многу лесно може да се влоши доколку не се почитуваат мерките онака како што се предвидени. Затоа апелирам до стопанските субјекти и граѓаните целосно да се придржуваат до препораките, пишува Филипче на Фејсбук.

COVID 19, Инфо +

ЌЕ СЕ ДИШЕ ЛИ СЛОБОДНО?! Од 1 јуни НЕМА МАСКИ?

Маските нема да бидат задолжителни на отворено од 1.јуни, дознава Локално.мк.

Епидемиолошката состојба во земјава се подобува, бројот на новозаразени лица и хоспитализирани се намалува, па оттука Комисијата за заразни болести најверојатно ќе предложи укинување на оваа мерка.

Министерството за здравство информира, согласно податоците од Институтот за јавно здравје:

Во последните 24 часа се направени 1.418 тестирања, а регистрирани се 7 нови случаи на КОВИД-19 во:
Скопје – 7.

Регистрирани се 71 оздравени пациенти од:
Скопје – 18, Куманово – 15, Битола – 8, Велес – 4, Штип, Кочани и Пробиштип – по 3, Кичево, Радовиш, Делчево и Виница – по 2, Прилеп, Струмица, Неготино, Свети Николе, Валандово, Крушево, Демир Хисар, Кратово и Македонска Каменица – по 1.

Пријавени се вкупно 18 починати лица: 7 лица од Скопје (41г,54г,58г,79г,81г,84г и 86г), по 3 лица од Тетово (69г,72г и 81г) и Гостивар (68г,68г и 77г), 2 лица од Прилеп (80г и 90г) и по едно лице од Виница (76г), Македонска Каменица (77г) и Дебар (92г).
Од пријавените, 9 лица се починати во домашни, а останатите 9 во болнички услови. Пријавените 9 лица починати во домашни услови се од месец април.

Направени се 1.418 тестови преку: ИЈЗ-140, ЦЈЗ Скопје-38, ЦЈЗ Битола-0, ЦЈЗ Прилеп-0, ЦЈЗ Тетово –0, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија–3, ГОБ 8-ми Септември-0, Институт за микробиологија–0, МАНУ-0, Жан Митрев (Филип Втори)-117, Авицена-133, Биотек-194, Систина-353, лабораторија Лаор-0, Синлаб-0, Ремедика-0, Плодност–0, Генеа–0, Никоб лаб-0, ЈЗУ и ПЗУ (рапид тест) – вкупно 440.

Досега во земјата се направени вкупно 778.092 тестирања на Ковид-19.

Вкупната бројка на КОВИД-дијагностицирани лица во нашата земја од почетокот на епидемијата изнесува 155.067, бројката на оздравени пациенти е 146.940, на починати е 5.329, а бројот на активни случаи изнесува 2.798.

Според епидемиолошки анализи во моментов, дистрибуцијата по градови е следна:

Дистрибуција по градови Заболени (вкупно) Активни случаи (вкупно)
Скопје 68412, Активни 1129
Куманово 8805, Активни 257
Прилеп 8283, Активни 122
Тетово 7207, Активни 104
Битола 6286, Активни 183
Велес 5467, Активни 69
Гостивар 5164, Активни 45
Кавадарци 5150, Активни 38
Охрид 4994, Активни 186
Штип 4956, Активни 50
Струмица 4106, Активни 77
Струга 2979, Активни 65
Кочани 2785, Активни 47
Кичево 2550, Активни 74
Гевгелија 2190, Активни 25
Неготино 2182, Активни 21
Свети Николе 1522, Активни 35
Ресен 1233, Активни 33
Крива Паланка 1219, Активни 7
Радовиш 1150, Активни 57
Берово 1027, Активни 4
Делчево 971, Активни 25
Дебар 939, Активни 5
Виница 881, Активни 47
Пробиштип 789, Активни 11
Валандово 665, Активни 4
Богданци 493, Активни 3
Крушево 489, Активни 22
Демир Хисар 397, Активни 18
Демир Капија 396, Активни 0
Кратово 373, Активни 20
Македонски Брод 358, Активни 2
Пехчево 268, Активни 1
Македонска Каменица 249, Активни 12
Дојран 132, Активни 0

Со почит,
Одделение за односи со јавност
Министерство за здравство

Инфо +

Полицискиот час СЕ УКИНУВА ОД СРЕДА?

Во моментов во Македонија на сила е забраната за движење, односно полициски час од 24 до 4 часот по полноќ, а по опаѓањето на бројката на активни случаи и бројот на хоспитализирани, се очекува и дополнително опуштање на мерките.

Поради овие причини од среда најверојатно полицискиот час ќе се укине, пишува Фактор.

Други мерки исто така се очекува да го продолжат работното време на угостителите, додека олеснувања се очекуваат и во други области, каде што се применуваат ограничувања.

За да се проценат мерките за справување со пандемијата, денес се очекува да се одржи состанокот на кризниот штаб на Комисијата за заразни болести, додека Владата во вторник се очекува да донесе нови одлуки кои ќе стапат на сила од среда, 19 мај.