Tag Archives: плати

Македонија

Повеќе од 65% од македонските граѓани не можат да си дозволат да одат на одмор

Последниот податок на страната на Еуростат за Република Македонија се однесува на 2020 и изнесува 55% од Македонците дека не можат да дозволат годишен одмор. Од 2020 до 2022 година светот беше затворен поради пандемијата и туризмот беше сведен на минимум.

Од декември 2021 наваму инфлацијата е во постојан раст, а куповната моќ на македонските граѓани секој ден опаѓа. Оттаму, повеќе од 65% од граѓаните на Македонија не можат да си дозволат еднонеделен одмор на море, езеро или планина.

Најзагрозени се семејства со еден родител, семејствата со повеќе деца, работниците со месечни примања помали од просекот и пензионерите.

Последната анкета на Евростат која е спроведена над 40 000 испитаници, граѓани на Европската Унија, за тоа колку од нив не можат да си дозволат барем една недела одмор надвор од местото на живеење покажа дека просекот е нешто на 28% жители. Најлош е просекот во Романија (62%), Бугарија (48%) Грција(43%) и Хрватска(42%).

Ако се земат предвид просечните плати на споменатите држави (Романија 810 евра, Бугарија 773, Грција 936 и Хрватска 1130) се поставува прашањето колкав процент од македонските граѓани не можат да си дозволат седумдневен одмор надвор од местото на живеење, со оглед на тоа што македонскиот просек на плати е многу понизок.

Правото на одмор од минимум 20 работни дена во годината е законски регулирано право. Работодавачот е должен да го даде, а работникот не смее да го одбие. Исто така правото на годишен одмор не значи само дека работникот се ослободува од работните обврски туку и право и можност да влезе во туристичките текови, да го напушти своето постојано живеалиште и да се упати кон одредена туристичка дестинација. Но повеќе од 65% од македонските граѓани тоа не можат да си го дозволат.

https://www.facebook.com/photo/?fbid=860059842143748&set=a.490794192403650

Македонија

Потпишан Општиот колективен договор – 130 илјади вработени во јавниот сектор од септември со 10 отсто повисоки плати

посочи, се прави системски исчекор во воведување на методологија за раст на платите која во себе ќе вклучува индексирање на платите по формулата просечна бруто плата помножена по коефициентот на сложеност која ќе стапи во сила од март 2025 година. 

Второто системско решение е воведувањето и во делот на исплатата на регресот за годишен одмор, односно К-15 кое во наредната година ќе изнесува најмалку 30 проценти од просечната нето плата.  

– Со цел наредната година животниот стандард на вработените во јавниот сектор да биде заштитен од евентуален инфлаторен бран согласно Колективниот договор се предвидува доколку инфлацијата надмине 3 отсто, тогаш ќе добие зголемување на платата кое ќе биде еквивалентно во процентни поени на нагорното нејзино отстапување од овие основни 3 отсто. Или, илустративно – ако инфлацијата изнесува 7 отсто, тогаш зголемувањето на платите ќе изнесува 4 отсто, појасни Битиќи.  

Повисоките плати во јавната администрација, според него, се клучни за подобруваање на квалитетот на услугите кои се испорачуваат кон граѓаните и бизнис секторот, поттикнување на продуктивноста и иноватиноста, намалување на корупцијата, промовирање на економскиот раст, привлекување професионалци и демонстрација на вредности и посветеност во заштитата и унапредувањето на јавниот интерес.  

Министерот за финансии Фатмир Бесими го оцени договорот како историски успех, со кој се вопставува здрава и солидна основа за економско-социјален дијалог меѓу Владата и вработените во јавниот сектор.

– На 130 илјади вработени им се подобруваат статусот и условите за работа, а со тоа ќе се подбрат и услугите што им се нудат на  приватниот сектор и на граѓаните. Целта е да подобрат условите за вработените во јавниот сектор и услугите што ги нудат. Со постигнатиот договор се зајакнува неависноста на јавниот сектор од политички влијанија, а платите ќе се уредуваат системски, рече Бесими, додавајќи оти се постигнува во време на сериозни кризи – економска, ковид, финасика, безбедносна.

Дел од синдикатите кои учествуваа во преговорите за општиот колективен договор, сепак, денеска не ставија потпис на договорот.

Македонија

МАКЕДОНСКИ ПЛАТИ: Дури 306.944 работници или близу 60 отсто од вработените земаат помалку од просечната со која се фали Владата

Овој износ е далеку од потребите за задоволување на минималната синдикална кошничка за четиричлено семејство, за која Сојузот на синдикати на Македонија пресмета дека за април 2023 изнесува 49.384 денари.

Како што објави еконосмкиот портал Пари, процентуално пресметано ова значи дека 59 отсто од вработените се за 4.925 денари под просекот за нето-плата што го пресмета Државниот завод за статистика.

Целата статија за „сармата, месото и расолот“ со македонските плати може да ја прочитате ТУКА.

Македонија

Не си ги зголемивме сами платите – Уставен суд ни ги зголеми

Она што се зборуваше на Економскиот совет е платите на функционерите да се намалат. Но исто треба да биде јасно дека платите на функционерите не сезголемија самите, туку тоа го стори Уставниот суд“, рече министерката за труд и социјална работа Јована Тренчевска во емисијата „24 анализа“.

„Одлуките на Уставен суд мора да се почитуваат. Досега зедовме една зголемена плата. Ќе најдеме решение за оваа ситуација и тоа ќе биде решение за сите работници, вклучително и функционерите, и тоа ќе биде системско решение“, рече таа.

Професорот Лазар Јовески коментира дека е неетички работниците да добијат зголемување на платите до 2028 година додека функционерите веќе имаат зголемена плата.

– Револтот кај сите вработени е голем, а другите вработени се чувствуваат понижено, вели тој, додавајќи дека еден професор има плата од 30 илјади денари, која сукцесивно се зголемува минимално.

„Ние како Влада сме расположени да разговараме и да преговараме со работниците за платите“, рече на ова Тренчевска.

Според професорот Јовески, овој проблем кој предизвика револт во јавноста, треба да се реши со закон со „европско знаменце“. Тој го посочува примерот со Шведска каде соодносот меѓу најниската и највисоката плата е 1 спрема 5 (што кај нас би значело дека никој во државната служба не би требало да зема плата повисока од 100-на илјади денари).

Македонија

„Функционерите си го гледаат само НИВНИОТ ИНТЕРЕС, затоа си ги зголемија САМО НИВНИТЕ ПЛАТИ!“

Минималните трошоци на едно четиричлено семејство во април изнесувале 49.384 денари. Најмногу пари или 19.224 денари биле потребни за храна и пијалоци, како и за режиски трошоци (13.423 денари). 

Од Сојузот на синдикати на Македонија, кои ја изработуваат синдикалната потрошувачка кошничка, велат дека еден функционер со неговата плата покрива три синдикални минимални кошнички, а еден работник со две и пол минимални плати не може да ја покрие потрошувачката кошничка. 

И покрај сите мерки на Владата, трошоците за храна и пијалоци за само една година се зголемени за 2.766 денари, а во 2023 година ниту еднаш не е намалена вредноста на храна и пијалоци во делот на Синдикалната минимална кошница што покажува дека функционерите си го гледаат само нивниот интерес и знаејќи го овој факт си ги зголемија нивните плати за 2000 денари дневно или за 78 проценти месечно, велат од ССМ.

Македонија

За функционерите 78% покачување, а ние се молиме за 3 илјади денари: Лекарите стапуваат во „бел штрајк“

За функционерите 78 проценти покачување, а ние се молиме за три илјади денари.

Ваква е реакцијата на лекарите, кои се револтирани бидејќи не го добиле ветеното покачување најавија порадикални мерки и генерален штрајк.

Глувоста на властите не тера да стапиме во „бел штрајк“, велат лекарите.

Министерот за здравство тврди дека ова се шпекулации и дека за неколку дена ќе се исплати договорената сума.

Двата синдиката за задравство на 30 март се договорија со претставниците на министерството за зголемување на платите. Медицинските сестри требаше да добијат по 3000 денари зголемување, а останатите вработени во здравство по 2.000 денари.

Македонија

1 милијарда денари годишно ќе не чинат ПЛАТИТЕ НА ФУНКЦИОНЕРИТЕ

Покачените плати на функционерите граѓаните ќе ги чини 80 милиони денари месечно или близу 1 милијарда годишно.

Над 1000 именувани функционери, меѓу кои шефот на државата, премиерот, спикерот, министрите, нивните заменици, пратениците, судиите, јавните обвинители, директорите и градоначалниците од месецов добија по 1000 евра повеќе на своите сметки.

Министерот Бесими вели дека овие пари не се предвидени во буџетот за годинава, туку дека секоја институција ќе крати средства од други ставки. Одлуката на Уставен мора да се почитува.

„Се врши пренамена од други позиции. До крајот на годината во однос на ова законско решение, ќе треба да го примениме законот. Секоја институција треба да си направи пресметка. Овие пари ги нема во буџетот бидејќи не е план на Владата туку одлука на Уставен суд“, вели Бесими.

Со 166 000 денари спикерот Џафери е најплатен функционер во државата, веднаш зад него е Пендаровски со 165 илајди, а на трето место премиерот со 2500 евра месечно.

Најавите за законски измени кои треба да намалат месечните примања на функционерите засега се само декларативни. Ниту власта ниту опозиицјата не поднесува конкретна иницијатива.

Европа, Истражување

ЗАМИСЛЕТЕ СААТНИЦА ОД 50 ЕВРА – Каде се заработува најмногу?

Платите во Германија се сè уште повисоки во споредба со оние во повеќето други земји од Европската унија.

Минатата година просечната саатница во индустријата, вклучувајќи ги и дополнителните трошоци за плата, изнесуваше 44 евра, објави во средата Федералното биро за статистика, пренесува ДПА.

Тоа е за 44 отсто повеќе од просекот на 27-те земји на Европската унија, кој изнесува 30,50 евра. Со овој час, Германија е на четврто место.

Во услужниот сектор платите во Германија биле 26 отсто над просекот на ЕУ, со 38 евра по час работа, што е шесто место.

Севкупно, германските трошоци за работна сила од 39,50 евра на час во 2022 година беа околу 30 отсто над просекот на ЕУ и, како и претходните години, на седмото место.

Според статистичките податоци, платите биле највисоки во Луксембург со 50,70 евра на час, а потоа следат Данска, Белгија, Франција, Холандија и Шведска.

Лани работната сила била најевтина во Бугарија со 8,20 евра на час.

Во споредба со 2021 година, трошоците за работна сила во Германија се зголемени за 5,6 отсто, нешто повеќе од просекот на ЕУ (плус 5,2 отсто).

За 10 години работната сила поскапе, особено во источна Европа. Процентуално, трошоците за работна сила најмногу се зголемија во Бугарија, Романија, Литванија и Латвија, каде што се зголемија повеќе од двојно.

Најмали зголемувања се забележани во Шведска и Италија. Грција беше единствената земја од ЕУ која пријави пониски трошоци за работна сила на час во 2022 година во споредба со десет години (-7,6 проценти).

Германија беше над просекот од 25 отсто, со плус 29,5 отсто, пренесува Фактор мк.

Македонија

Кој колку заслужува: Конгресмени, лекари, плати, пратеници …

По најавите за енормно зголемување на платите на функционерите за дури 78%, но не и за оние кои со професионалност и труд заработуваат за живот, д-р Нико Беќаровски со пример како на тој план стојат работите во други земји.

Конкретно, кој е соодносот на платите на конгресмените наспроти лекарите во една Америка:

„Бруто платите на американските конгресмени и сенатори се 174.000 $ годишно.

Просечната бруто плата исплатена на докторите специјалисти во САД е 234.000 $ годишно за специјалистите по јавно здравје до 554.000 за пластичните хирурзи.

Од денес нето платата на македонските парламентарци без патни трошоци, без пресметан стаж, без дневници за патување итн е само 110.000 денари.

Ајде да го земеме американскиот модел за исплата и во македонското здравство“, пишува д-р Беќаровски на Фејсбук.

Македонија

78 % НЕ НЕ’ РЕЦКА НИ 2 %

Авторот на колумната за Маркукуле е професор по предучилишно образование и воспитување – вработена во 00У,,Блаже Конески,, Прилеп

Во Франција ескалираат демонстрациите против пензиската реформа која беше усвоена минатата недела. Притоа францускиот пензиски систем, во меѓународна споредба, е прилично великодушен.

Застрашувачки приказ на антивладини протести во Израел на жени во темноцрвена облека и бели капи, наведнати глави и споени раце. Тие се облечени како ликови од дистопискиот роман на Маргарет Атвуд „Приказната на слугинката“ и истоимената ТВ серија.

Штрајк на синдикатите во Грција. Катастрофалната железничка несреќа ги извади жители на Атина, Солун и на останатите градови на улица, гневни и незадоволни од државата бидејќи дозволила да се случи големата трагедија во која досега животот го загубија 57 лица.

Околу половина милион луѓе ќе учествуваат во протестот со барање за зголемување на платите во Белика Британија, најголеми демонстрации од 2011 година. Учителите, државните службеници, граничарите и машиновозачите ќе излезат на улиците на британските градови. Владата ја предупреди јавноста дека ќе има значителни нарушувања во сообраќајот.

Ова се актуелни протести во изминатиов период во различни земји! Само во нашево кутро земјиче, нема протести. Се’ е вo ред во Р.Македонија!
Во ред е кога те крадат, колку можат и како можат! Во ред се сите клевети, неоправдани, кутар работник што пристојно не може ни до тоалет да појде. Во ред е кога обичниот човек, мизерува да преживее од плата до плата или пензија! Во ред е кога обичниот смртник, нема пари да си ги земе лекарствата! И тоа е во ред!

Во ред е кога тендерите се поважни, од она што не може и не смее да чека! Во ред е кога се пренаменуваат финасиските средства во било која институција (од шупливо во празно)! Во ред е кога ,,она е наше дете,,! Очите опулени! Во ред е кога на полициските униформи фалат да се прикачат сите јазици на кои се зборува во цел свет! Во ред е кога се испуштаат вработени од фирмите, а нив нема кој да ги заштити!

Во ред е кога те прислушкуваат операторите под наредба на туѓа држава, не само нивното ,,величество,, политичарите, туку и нас обичните смртници! И тоа е во ред! Во ред е кога истополовите бракови треба да станат репер за среќно семејство, уништувајќи го традиционалното вековно македонско семејство!

Во ред е млади ,,жолтоклунци,, да ги предводат фирмите! Во ред е да не се плаќа радиодифузна такса! Во ред е Арачиново да не плаќа електрична енергија! Во ред е кога умираат деца по болниците! Во ред е кога арамија те краде дома, а ти не смееш да дејствуваш! Во ред е кога дрогата станува највносниот бизнис во Македонија! Во ред е што лагата во Македонија е поголема од вистината!

Р.Македонија беспрекорно функционира ! Пофалбата на глупоста ја премина и сатирата и иронијата. Но тие 78 % НЕ НЕ’ РЕЦКА НИ 2 %!!!

Наздравје македонче, ти врзувај крај со крај, а тие што сме ги избрале и се во (ПАРТАЛментот) ќе ти го искубат и последното пердувче и не им е гајле ни 2 %!

Павлина Звездоска МАРКУКУЛЕ