Tag Archives: полиција

Свет

Викнале полиција оти НЛО им се урнало в двор, излегле вонземјани високи над 2 метри (Видео)

Video

Полицијата во Лас Вегас објави бодикам снимка и аудио повик од полицајците кои реагирале на повик од семејство кое тврдело дека НЛО се урнало во нивниот двор.

Според ABC News, семејство се јавило на 911 на 1 мај за да пријави дека нешто се урнало во нивниот двор и виделе нечовечки суштества во него.

Во објавеното аудио од повикот, повикувачот вели дека тој, неговиот татко и неговиот брат биле во нивниот голем двор и работеле на нивниот камион кога нешто се урнало и почувствувале удар.

„Само видовме во аголот на нашето око како нешто паѓа од небото, и беше со светла, а кога удри имаше како голем удар, и почувствувавме како енергија? И тогаш слушаме нешто како многу стапки блиску до нас. И потоа – имаме, како, голема- голема опрема, и гледаме дека има суштество од 8 стапки (2,5 метра, заб. на прев.) покрај него и друго внатре, и има големи очи и гледа во нас“, повикувачот му кажува на диспечерот од 911. „Многу се големи. Тие се како 8 стапки, 9 стапки, 10 стапки“.

„И не се луѓе. Сто посто тие не се луѓе“, додава повикувачот.

Полицајците реагирале на повикот, но кога по еден час пристигнале немало траги од никакви суштества.

Полицијата соопшти дека полицајците извршиле прелиминарна истрага, но не успеале да откријат ништо. Случајот беше затворен како „неоснован“, изјавија официјални лица.

Сепак, синкав објект како паѓа од небото билк снимен на бодикамерите на локалната полиција. Нема објаснување што е снименото.

Надзорниот комитет на Претставничкиот дом е во „рана фаза“ на подготовка на сослушување за НЛО по непотврдените тврдења дека САД наводно пронашле урнати вонземни вселенски бродови – сметка што Пентагон вели дека е неоснована.

Поранешниот службеник на разузнавањето, Дејвид Груш, во понеделникот тврдеше дека американската влада има тајна програма фокусирана на собирање остатоци од урнати вселенски летала од нечовечко потекло и дека се обидува да ја промени технологијата, објави онлајн технолошкиот центар The Debrief.

Нема јавна потврда за сметката на Груш, а водечкиот републиканец во Претставничкиот дом, претседателот на разузнавањето Мајк Тарнер, исто така изрази скептицизам во врска со идејата дека американската влада собрала остатоци од вонземјански вселенски летала.

Според The Debrief, Груш рекол дека дал докази за таква програма на Конгресот и Канцеларијата на генералниот инспектор за разузнавачката заедница.

Европа, Свет

Франција на раб на вонредна состојба ! (ВИДЕО)

Video

Франција денеска распореди 45.000 полицајци и неколку оклопни возила на улиците поради немирите што ги потресуваат француските градови веќе четврта ноќ поради смртта на 17-годишно момче застрелано од полицаец на семафор. На протестите се запалени згради и возила, ограбени се продавници, а насилството го втурна претседателот Емануел Макрон во најголемата криза на неговото раководство од протестите на Жолтите елеци кои почнаа во 2018.

Момчето денеска ќе биде погребано во Нантер, а неговото семејството побара од медиумите и јавноста да не присуствуваат на погребот.

Немирите се разгореа низ целата земја, во Марсеј, Лион, Тулуз, Стразбур и Лил, како и во Париз каде Нахел М., 17-годишник со алжирско и мароканско потекло, беше застрелан во вторникот во предградието Нантер. Неговата смрт, снимена на видео, повторно ги разгоре долгогодишни поплаки за полициско насилство и расизам на сиромашните и расно мешаните урбани заедници.

Министерот за внатрешни работи Џералд Дарманин денеска изјави дека синоќа се уапсени 270 лица, со што вкупниот број достигна повеќе од 1.100 откако се разгореа немирите. Синоќа се уапсени и 80 лица во јужниот град Марсеј, втор по големина во Франција и дом на многу луѓе од северноафриканско потекло. Повеќе од 200 полицајци се повредени од избувнувањето на немирите и стотици демонстранти и се уапсени, рече Дарманин, додавајќи дека нивната просечна возраст е 17 години.

Макрон претходно ги повика родителите да ги тргнат децата од улица. Тој предвреме го напушти самитот на Европската унија во Брисел за да присуствува на вториот кризен состанок во владата за два дена.

Макрон побара од социјалните мрежи да ги отстранат „најчувствителните“ снимки од немирите и да ги откријат идентитетите на корисниците кои поттикнуваат насилство. Дарманин се сретна со претставници од Мета, Твитер, Снепчет и ТикТок. Снепчет соопшти дека има нулта толеранција за содржината која промовира насилство.

Пријател на семејството на жртвата, Мохамед Јакуби, кој го гледал Нахел како расте, рече дека бесот бил поттикнат од чувството на неправда по инцидентите на полициско насилство врз малцинските етнички заедници, многумина од поранешните француски колонии.

„Доста ни е, и ние сме Французи. Ние сме против насилството, ние не сме ѓубриња“, рече тој.

Макрон негира дека има системски расизам во агенциите за спроведување на законот.

Uncategorized, Европа

ХАОС ВО БРИСЕЛ! Повици да се излезе на улица како во Франција

Запалени автомобили и хаос на улиците на Брисел по вчерашните немири што избија по полициската рација во која биле приведени 10 млади лица.

Портпаролката на полицијата Илсе Ван Де Кеир, изјави дека во текот на денот на социјалните мрежи кружеле повици да се излезе на улица „како во Франција“.

Противпожарната бригада во Брисел ја опиша ситуацијата како „екстремно напната“, а белгиските власти најавија дека на улиците ќе бидат испратени дополнителни 40.000 полицајци.

Во Брисел моментално се одржува дводневен самит на шефови на држави и влади на ЕУ посветен на ситуацијата во Украина и миграциските прашања.

Во Франција избија немири откако полицијата уби 17-годишен тинејџер во едно париско предградие.

Свет

Гори Франција ! (Видео)

Video

Полицијата синоќа уапси најмалку 420 луѓе од кои 242 во реонот на Париз.

Во париското предградие Нантер, каде беше застрелано момчето, демонстрантите се судрија со полицијата, при што се уапсени 19 луѓе.

И во Марсеј стотици демонстранти се судрија со полицијата, додека во Лил, Лион и Бордо беа распоредени специјални полициски сили.

Министерот за внатрешни работи Жералд Дарманен претходно изјави дека поради протестите распоредени се 40.000 полицајци ширум Франција.

Македонија

ФИЛМСКО АПСЕЊЕ на автопатот Гостивар-Тетово: Бегале со 30 килограми марихуана – Полицијата пукала во возилото!

По спроведена истражна постапка, јавен обвинител од Основното јавно обвинителство Тетово поднесе Обвинителен акт против две лица –  31-годишник од Арачиново и 22-годишник од Брест, кои се товарат за кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 во врска со член 22 од Кривичниот законик. Покрај ова, првообвинетиот се гони и за кривично дело – Предизвикување општа опасност согласно член 288 став 1 од Кривичниот законик.

Двајцата соизвршители, на 24 март, во автомобилот неовластено заради продажба држеле 30 килограми и 15 грама наркотична дрога марихуана. Кога пристигнале на наплатна рампа на автопатот Гостивар-Тетово, полициски службеници се обиделе да ги запрат за проверка по претходна дојава. Но, првообвинетиот возач на автомобилот додал гас, обидувајќи се да се даде во бегство, при што удрил во полициско комбе кое му го попречило патот. Со ова тој предизвикал општа опасност на место на кое во моментот имало повеќе луѓе.

Полициските службеници пукале во тркалата на автомобилот и успеале да го онеспособат за движење и да го запрат. Обвинетите веднаш биле приведени, а дрогата запленета.

Јавниот обвинител поднесе и предлог за продолжување на претходно определената мерка притвор за двајцата обвинети.

Скопје

Интервентната полиција спречила самоубиство во Скопје

Интервентната полиција вечерва спречи самоубиство во близина на Центарот за јавно здравје “Пролет”.

Лицето сакало да скокне од железничкиот мост кај Тутунски комбинат, но патрола на интервентната полиција случајно налетала на местото на настанот и спречила несреќа.

На местото на настанот била повикана и екипа на Брзата помош.

Македонија

„Животот ми го упропасти, полицијата не помага, а капка по капка собирам да преживеам“ – Атиџе низ солзи

Кај да одам, што да правам, животот ми го упропасти, а полицијата не мрда со прст, вели низ солзи  хероината од „Медена земја“, Атиџе Муратова, која по којзнае кој пат се жали од проблемите што и ги прави нејзиниот сосед.

Атиџе се жали од него и на полицијата и во медиуми, но овој проблем откако се појави во документарецот и откако сите дознаа за неа и нејзиниот мед, не се решава. Така е и овој пат. Таа се јавила во редакцијата на ММС расплакана и очајна.

-Ми украл кошарина.  Пчелите сами пред 10 дена ми се роеја во куќата, силни беа можеа 10 кила мед да дадат. И ги снема.  Детето на соседот кажало на брат ми дека тој ги земал. Рекло- татко ми ја однесе ама не знам каде. И сега што да правам? Ова не е прв пат. Кај да одам кој да ми помогне? Не е прв пат да ме краде. Кај да одам? Ни полиција реагира ни бутур.  Што да правам? Да одам ли јас  неговите да ги крадам, бидејќи полицијата не сака да го реши проблемот со години. Овој човек животот ми го упропасти. Се му е одобрено и сите не изгоре, сите што таму чуваме пчели. И никој ништо не помага, вели низ солзи Атиџе за ММС и додава:

-Ако нешто се случи полиција не сакам да видам, штом си седат со скрстени раце. Затоа апелирам до сите добри луѓе кои можат да ми помогнат, бидејќи јас многу сум разочарана од полицијата. Се трудиш да работиш чесно и не бива.  Лани ми украде, сега пак. Па јас од што ќе живеам.  Утре ќе одам во Свети Николе во полиција да го пријава. Иако знам, што да одам во полиција, кога не е прв пат, сум го пријавувала и до сега и ништо не превземаат.  Затоа ќе го тужам и него и полицијата. Лани се пожалив ми рекоа не можеме да го најдовме.  И мед ми кардеше, па лаже мигрантите го направиле тоа и тие му веруваат, вели Атиџе за ММС.

ММС и порано информираше дека Атиџе има проблем со соседот, но очигледно дека ништо не е превземено. Според неа овој човек не ја краде само неа, туку и другите, кои во селото Бекирлија чуваат и питоми и диви пчели.

-И овој живот не е живот, ти да работиш а друг да печали.  Кај да одам, кај да бегам, кај да се иселам ова веќе не се трпи. Ми се жалат луѓето што исто така чуваат пчели таму и викаат како да да одиме во полиција, зарем нешто ќе направат. Џабе. Биле и никому ништо. Ќе им речат таков си е што да правиме. Тоа ли е одговор? Сериозно ќе го тужам и него и полицијата.  Еднаш барем да го казнат мислам дека нема да прави така,  ама вака е силен, дека никој ништо не му може и си прави што сака. А јас капка по капка собирам да преживеам. Чесно да живеам. И не бива и не бива. Утре, пак, ќе одам во полиција во Свети Николе да се жалам кај командирот, да го  пријавам по којзнае кој пат. Оти јас навистина нема веќе кај да се обратам. Сите во селото исто мислиме, дека човеков ќе направи поголема беља и после ќе биде доцна за реагирање. Па и екипата од „Медена земја“ рече ќе ми помогне и тие никаде ги нема, ќе му речат да не прави веќе така и толку. Ваков човек не сум видела во животот, штетник, додава на крајот Атиџе за ММС.

Балкан

Полициска шефица од Србија на телевизија во свечена униформа, со наопаку зашиено знаме и еполети го изеде реметот (Фото)

Gallery

Шефицата на полициската управа во српскиот град Смедерево, Весела Миловановиќ, деновиве привлече големо внимание со гостувањето на телевизија и стана „ѕвезда“ на социјалните мрежи, но тоа не е затоа што кажала нешто паметно.

Вниманието Миловановиќ го привлече со деталите од нејзината свечена униформа, на која и српското знаме и еполетите беа зашиени завртени наопаку.

Фотографиите од нејзиното гостување на локалната Телевизија Смедерево брзо се проширија на социјалните мрежи, а реагираше дури и полицискиот синдикат „Слога“ од Ужице, кој ја обвини за „нарушување на угледот на полицијата и кршење на службените должности“.

„Претходната недела во свечена униформа на „Телевизија Смедерево“ гостуваше началничката на Смедерево, Весела Миловановиќ. Темите на емисијата беа сериските убиства во Србија и разоружувањето на српските граѓани. Она што им падна во очи на гледачите на емисијата е елементарното непознавање на Правилникот за униформи, ознаки и опрема на полициските службеници, што го покажа началничката“, се вели во соопштението.

„Шефицата морала да го знае редоследот на боите на српското знаме и како да ги стави еполетите на рамениците. Во овој случај, гледачите можеа да видат дека редовите се превртени, а знамето на Србија е превртено наопаку, па изгледаше како знамето на Руската Федерација. Со ваквото однесување началникот на полициската управа Смедерево направил полесна повреда на службената должност пропишана со член 206 став 1 точка 5 од Законот за полиција’, се вели во соопштението на полицискиот синдикат

Македонија

Кривична пријава и суспензија за полицаецот кој го удри Филип Талески

Како што објави Министерството за внатрешни работи, полицаецот кој го удри со пендрек ракометарот на Вардар и репрезентативец на Македонија, Филип Талески, добил кривична пријава и суспензија од работа до завршување на постапката. Да потсетиме дека настанот се случи за време на финалето до Купот на Македонија во Охрид. Инцидент кој беше еден од најсрамните ако не и најсрамен настан во нашата спортска историја.

Еве го соопштението на од страна на МВР:

Одделот за внатрешна контрола, криминалистички истраги и професионални стандарди до Специјализираното одделение за гонење на кривични дела сторени од лица со полициски овластувања и припадници на затворската полиција при Основното јавно обвинителство за гонење организиран криминал и корупција – Скопје, поднесе кривична пријава против Х.Р., вработен како полициски службеник во полициска станица на подрачје на СВР Охрид, поради постоење основи на сомневање дека сторил кривично дело „малтретирање во вршење на службата“, по член 143 став 1 од Кривичниот законик.

Имено, пријавениот на 13.05.2023 година, околу 20.00 часот во Спортската сала „Билјанини извори“ во Охрид по завршување на ракометен натпревар, при вршење на службата со умисла извршил малтретирање врз оштетениот Ф.Т. на начин што неосновано и прекумерно употребил средства за присилба врз него.

Одделот за внатрешна контрола, криминалистички истраги и професионални стандарди, како овластен предлагач, против Х.Р. ќе покрене постапка за утврдување на дисциплинска одговорност, а работникот ќе бидат суспендиран од работа до завршување на дисциплинската постапка. 

Македонија

Дете избоде дете кај џамијата во Батинци!

На 13.05.2023 полициски службеници од ЕВР Аеродром и Драчево привеле малолетник од с.Батинци, постапувајќи по пријава според која на 12.05.2023 во вечерните часови во с.Батинци, скопско, во близина на џамијата, нападнал друг малолетник од истото село и му нанел повреда со остар предмет.

Повредениот е пренесен во ГОБ „Св.Наум Охридски“ за укажување на лекарска помош, велат од МВР.

Како што информираат од МВР, со пријавениот малолетник во присуство на родител е извршен службен разговор во полициска станица и во координација со Јавен обвинител против него ќе биде поднесена соодветна кривична пријава.