Tag Archives: вакцинација

Македонија

Се укинуваат сертификатите за вакцинација во овие објекти!

Комисијата за заразни болести по одржаниот состанок одлучи да се укинат задолжителното поседување на сертификати за вакцинација, за влез во моловите. Сега, повторно ќе има нова кампања за да се поттикне вакцинацијата, но без оваа рестрикција.

„Да се препорача укинување на задолжителните сертификати за во молови, односно онаму каде не е задолжително носење на маски. Ова е олеснување на рестриктивните мерки. Ќе бидеме внимателни“, рече Александар Петличковски, претседател на Комисијата.

Портпаролот Злате Мехмедновиќ рече дека вакцинацијата е на ниско ниво.

„Со потенцирање на вакцинацијата кај ризичните групи, ќе спречиме компликаиции кај оваа група на граѓани. 260 илјади граѓани се во таа група, 130 илјади не се целосно вакцинирани, а останатите нема бустер доза. На тоа ќе се фокусираме за да го подигнеме квалитетот на имунитетот и да биде основа за понатамошно олабавување на мерките“, кажа Мехмедовиќ.

Здравје

КОМИСИЈАТА ЗА ЗАРАЗНИ БОЛЕСТИ ПРЕД НОВА ОДЛУКА – ќе се менува важноста на ковид сертификатите!

Ќе почне ли Македонија конечно да ги следи искуствата од другите земји? Сертификатот за прележаност кој само кај нас е ограничен на 45 дена, најверојатно ќе претпи измени. Ова прашање е една од точките на утрешниот состанок на Комисијата за заразни болести каде членовите ќе дискутираат за проширување на важноста на документот – колку за споредба во многу држави тој се признава од најмалку 4 месеци па до 270 дена.

-Покрај повеќето прашања на утрешниот состанок, да и тоа е една од точките на утрешниот состанок. Ќе дискутираме дали може да има измени во времетраењето на сертификатот за прележаност, изјави д-р Злате Мехмедовиќ, портпарол на КЗБ.

Освен за сертификатите, членовите на Комисијата ќе дискутираат и за големата смртност кај лица кои се целосно имунизирани. Како што веќе објави Сител, врз основа на факти кои ќе треба да ги утврди посебна работна група може да има и мерки за задолжителна имунизација кај лица со коморбидитети.

-Ќе дискутираме за методологијата за пресметувањ ена морталитетот и секако она што го има во дневните извештаи за смртноста, каква вакцина примиле починатите а аимунизирани, колку се со две дози, колку со бустер, колку време поминало од имунизацијата, вели д-р Мехмедовиќ.

На дневен ред е и актуелната епидемиолошка состојба во земјата, а на денешната координација на министерот со надлежние од ковид центрите е констатирано дека слободни места за хоспитализација има.

Спорт

Швајцарката Кумер единствената невакцинирана спортистка на Зимските олимписки игри во Пекинг

Швајцарската сноубордерка Патриша Кумер е единствената невакцинирана спортистка на Зимските олимписки игри во Пекинг, пренесуваат англиските медиуми.

Кумер помина низ задолжителна изолација во Кина во траење од 21 ден.

Одлуката да не се вакцинира пред олимписките игри во Пекинг .

Кумер ја донела уште пред една година.

„Не сум против вакцинација, но имам неколку причини кои сакам да ги задржам само за себе. Не мора никому да се правдам“, изјавила швајцарската сноубордер Кумер за медиумите.

Кумер која е е олимписка шампионка од Сочи во паралелен велеслалом, беше префрлен во Олимпиското село пред само пет-дена.

„Сè уште сум во изолација во собата, можам да тренирам само на снег. Ми носат храна во соба и ме тестираат два пати на ден“, открила Кумер.

Швајцарката на 8 февруари ќе го брани златото од Сочи во паралел велеслалом

Европа

„Владата мора да падне“: Австрија на нозе, илјадници пpoтестиpaa пpoтив задолжителната вакцинација

Илјадници луѓе протестираа во Виена против планот на владата да воведе задолжителна вакцинација против ковид-19 следниот месец.

Владата мора да падне – скандираа на протестот кој веќе е вообичаен настан во центарот на Виена во текот на саботите, објави „Ројтерс“.

Парламентот следната недела треба да гласа за прашањето што ги подели граѓаните бидејќи расте бројот на заразени со коронавирус.

Владата воведе четврто затворање на национално ниво во ноември и најави дека вакцинацијата ќе биде задолжителна за сите Австријци. Австрија е првата земја од ЕУ што донесе ваква одлука.

Анкетата што ја спроведе магазинот „Профил“ покажа дека 51 отсто од испитаниците се против задолжителната вакцинација од февруари, од кои 34 отсто се против задолжителната вакцинација воопшто, а 17 отсто сакаат да почекаат со тоа.

Истражувањето покажа дека 45 отсто од Австријците се за задолжителна вакцинација од февруари.

Свет

Индиец тврди дека СЕ ВАКЦИНИРАЛ 11 ПАТИ

Брамдео Мандал од Индија тврди дека примил 11 дози вакцина против коронавирус во државата Бихар, пишува Би-Би-Си.

Поштарот во пензија рекол дека вакцината му помогнала да се ослободи од болките и да остане здрав, а тврди дека не претрпел никакви штетни последици.

Човекот конечно бил спречен да ја прими, како што тврдел, 12-та доза вакцина минатата недела. Во тек е истрага за да се открие како Мандал, кој живее со семејството, успеал да добие повеќе дози.

– Веќе најдовме докази дека примил осум дози од четири различни места за вакцинација – изјави Амарендра Пратап Шахи, цивилен хирург.

Досегашната истрага откри дека Мандал успеал да прими две дози со разлика од половина час во ист ден, а секоја од тие дози била регистрирана на порталот за вакцини.

– Збунети сме како тоа можело да се случи. Се чини дека се случил дефект на порталот. Се обидуваме да откриеме и дали имало невнимание на лицата кои раководеле со центрите за вакцинација – додава Шахи.

Откако започна вакцинацијата на 16 јануари минатата година, Индија главно администрира две локално произведени вакцини, Covischild и Covacin.

Вакцините со две дози се од 12 до 16 недели и четири до шест недели по првата доза.

– Единствениот начин да се направи тоа е ако податоците за вакцинација од веб-страницата се прикачат на порталот по долго одложување. Но, сепак се чудам како не беше откриено откако толку долго успеа да прими толку дози – објасни експертот за јавно здравје.

Мандал, кој водел детални рачно напишани белешки за датумите, времето и камповите каде бил вакциниран, тврди дека во периодот од февруари до декември минатата година примил вкупно 11 дози.

Тој вели дека патувал во кампови за вакцинација низ неговиот округ, па дури и во најмалку две соседни области, еден оддалечен повеќе од 100 километри, за да се вакцинира.

Тој користел различни лични карти за да се регистрира на местото за вакцинација. Се пофалил и дека бил надри лекар во неговото село пред да ја преземе работата поштар, поради што, како што тврди, „знаел нешто за болестите“.

– Откако се вакцинирав, болките во телото ми исчезнаа. Порано имав болки во коленото и одев со бастун. Не повеќе. Се чувствувам добро – изјави Мандал.

Здравје

„Ни трета ни четврта доза не треба ако првите две дози вакцини не даваат заштита од Oмикpoн“

Нови мерки ни требаат одма, ама не за Омикрон, туку за заштита од Сарс-КоВ 2 вирусот, затоа што сите досегашни мерки кои се носеа и се носат во најголемиот дел се погрешни, научно не издржани и неоправдани. Добро поставени општи превентивни мерки не треба да се менуваат при секоја најава или појава на мутација, вели во разговр за „Локално“, проф.др. Вело Марковски.

-Не сум сигурен дека епидемиолошката состојба со Ковид-19 во земјава е стабилна. Трендовите од 1 септември цело време одат нагоре со околу 38 000 новорегистрирани, и со во просек по околу 20 умрени. Сега во период од неколку дена има помалку новорегистрирани, но во инфектологијата и епидмеиологијата се анализираат подолги периоди за да знаеме дали навистина една епидмеија се повлекува. Од друга страна за добра проценка треба да се анализираат исти параметри, на пример секој ден се прават ист број на тестови (пример 3.000) па ако има отстапки се анализираат. Не може да се анализираат различни параметри, смета инфектологот.

Ако една вакцина не дала антитела тогаш таа вакцина не е добра

Според Марковски голем проблем е што по две години кај нас нема се уште солиден дијагностички протокол за лекување на вирусот.

-Воопшто не направивме систем на детектирање на останатите горнореспираторно инфекции кои можат да одат како епидмеија, пред се грипот, аденовирусите, респираторен синцицијален вирус, како и бактериските миколазма, кламидија, стрептококни инфекции, скарлатината… Вакцинираните против КОВИД-19 може да се разболат од некоја нова ваква инфекција, а да биде протолкувано како инфекција со некоја мутација кон која вакцината не дава заштита. И тоа е голем проблем. Затоа постојано инсистирам на вакцинираните да им се проверуваат антителата. Постои можност ако е некој вакциниран, да не создал антитела, и тој секако нема заштита кон корона вирусите, објаснува професорот.

Доколку во една сезона се очекуваат големи мутации, инфектологот смета дека потребно е да се бара вакцинален сој кој ќе штити и при појава на нови мутации.

-Не, чудна е лицитација со број на примени вакцини, најава дека ќе треба трета, четрвта…Производителот препорача две дози, и после тоа мора да има заштита од инфекција, а не полесна форма. Ако една вакцина не дала антитела, или тие антитела не штитат тогаш таа вакцина не е добра. Добра вакцина е таа што ќе има над 70-90% сероконверзија (човек што немал антитела по вакцинирањето има антитела), при тоа се анализира бенефитот, придобивките од вакцината и з а поединецот и во придонесот кон колективниот имунитет. Ако несаканите ефекти од вакцината ги надминуваат досегашните усвоени китериуми за степенот на дозволиливи несакани ефекти од една вакцина, вакцинацијата со одредената вакцина се прекинува и се бара нов решение. Од друга страна во иста сезона не треба да има голема мутација на вирус, и сегашните вакцини мора да ја фатат и да заштитат при мали мутации. Ако пак во тек на една сезона очекуваме големи мутации, тогаш треба да се бара вакцинален сој кој ќе штити и при мутации. Инаку една ваква голема, најголема досега вакцинална акција со над 8 милјарди вакцини во светот, е фрлена работа во ветар. Така да ни трета ни четврта доза не треба ако и првите две не даваат заштита од Омикрон, или друга нова мутација, објаснува Марковски.

Тој напоменува дека зимските месеци се најнеповолни за сите горнореспираторни инфекции, и секогаш постои реална опасност од појава на епидемии.

-Ги набројавме можните најчести причинители, јас мислам дека посебно треба да се штитиме од грип оваа сезона, бидејќи две години немавме грип, многу веројатно е дека зимава ќе имаме појава на сезонски грип во некоја од епидмеиолошките форми, вели професорот.

Заштитата на деца со маски или вакцини е непотребна

Инфектологот објаснува дека децата имаат многу малку рецептори за кои се врзува вирусот и според сите досегашни искуства од целиот свет децата не се разболуваат.

-Сето ова е потврдено во бројни научни списанија. И кога се разболуваат се разболуваат дома како последни во ланецот. Затоа, заштита на деца со маски или вакцини или со било што од КОВИД -19 е непотребна и остава многу простор за вознемиреност. Континуираното носење маски може да има штета и во психофизичкиот развој на детето, и да биде можност за аспирација и инфекција со сопствената флора. Но, маската штити и од други болести, па можеби треба да се анализир а колку во овој период има болни деца со варичела, скарлатина, и останати горно респираторни инфекции. Мој предлог е да ги заштитиме децата поради опасност од појава на грип и другите горнореспираторни инфекции. Не од корона, реков од КОВИД -19 децата не се разболуваат , а и ако се разболат поминуваат со многу лесн аклиничка слика. Мислам дека треба веднаш, додека е мирна состојбата со грипот и другите респираторни инфекции да се распуштат една недела пред Нова година, да бидат дома цел јануари, или до средината на февруари а потоа со комбинирана и поинтензивна настава да се исполнат наставните планови, вели тој.

Извор: Локално.мк

COVID 19

„Најверојатно ќе треба и четврта доза од вакцината против Ковид-19“

До март се очекува да биде готова вакцината која ќе штити од новиот сој омикрон.

Директорот на фармацевтската компанија Pfizer, Алберт Бурла, истакна дека вакцинирањето со четвртата доза од вакцината против коронавирус може да се случи многу порано од очекуваното.

Тој во изјава за CNBC рече дека прелиминарните податоци од истражувањето покажуваат дека вакцината на Pfizer/BioNTech не обезбедува заштита од сојот омикрон.

Бурла го изјави ова откако Pfizer рече дека три дози од вакцината го зголемуваат имунитетот против новиот сој. Од Pfizer известуваат дека ќе направат вакцина која ќе биде ефикасна против сојот омикрон до март следната година.

-Ќе направиме истражување за тоа каков имунитет се добива со вакцинација со три дози и колку долго трае. Мислам дека ќе биде потребна вакцинација и со четврта доза. Меѓутоа, треба да почекаме малку. Можеби ќе треба да реагираме брзо, рече директорот на компанијата Pfizer.

Македонија

Словенечкиот УСТАВЕН СУД ја прогласи за неуставна одлуката за ЗАДОЛЖИТЕЛНА ВАКЦИНАЦИЈА

Уставниот суд на Словенија ја прогласи за неуставна одлуката на словенечката влада дека во службените простории на државната администрација можат да работат само вакцинирани лица и оние кои се заразиле со ковид-19 и на тој начин стекнале имунитет.

Владата на Јанез Јанша кон средината на септември годинава донесе одлука државните службеници да доаѓаат на работа само доколку се вакцинирани или прележале ковид-19, но таа не стапи на сила, бидејќи синдикатите на вработените побараа од Уставниот суд да ја провери уставноста.

Европа

ЕУ нajaвува задолжитeлна вakцинација во цела Европска Унија

Европската Унија мора да размисли за воведување на задолжително вакцинирање против ковид-19 како одговор на ширењето на новиот сој омикрон, изјави претседателката на Европската комисија, Урсула фон дер Лајен. Ова следува откако Грција најави дека од 16 јануари, со 100 евра месечно ќе ги казнува лицата над 60 години кои одбиваат да се вакцинираат.

„Поради ширењето на вирусот и слабата вакцинација во некои делови од ЕУ, задолжителното вакцинирање мора да се има предвид. Имаме вакцини, вакцини кои спасуваат животи, но тие не се користат адекватно секаде. Тоа си доаѓа со енормна цена по здравствените системи“, кажа Фон дер Лајен.

Според последните бројки, 77% од возрасното население во ЕУ е вакцинирано, односно 66% од целата популација.

„Тоа значи дека една третина од популацијата во ЕУ не е вакцинирана. Тоа се околу 150 милиони луѓе, што е многу. Знам дека не можат сите да се вакцинираат, но големо мнозинство би можело. Мислам дека е разбирливо и соодветно да почнеме дискусија за задолжително вакцинирање“, рече Фон дер Лајен.

Австрија веќе потврди дека ќе почне да го спроведува од 1 февруари, а и идниот германски канцелар Олаф Шолц го поддржува задолжителното вакцинирање.

Македонија

Огромен ризик за нов силен ковид бран – вработените во јавниот сектор мора да се вакцинираат за да одат на работа

Мерките на Комисијата за заразни болести ќе ги предложиме до Владата. Сега ќе видиме што е тоа на што ќе ни укажат синдикатите, изјави вечерва министерот за здравство Венко Филипче пред почетокот на состанокот со претставници на Сојузот на синдикатите на Македонија и на Самостојниот синдикат за здравство, фармација и социјална заштита.

Согласно мерките, сите вработени во јавниот сектор, локалната самоуправа, сите институции за одење на работно место треба да прикажат потврда за најмалку една примена вакцина или да имаат ПЦР негативен тест кој ќе важи најмалку 72 часа, а ќе биде направен на сопствен трошок, тие кои го прележале вирусот ќе треба да приложат потврда за прележан Ковид-19, не постар од 45 дена, а доколку не можат да примат вакцина, ќе треба да имаат потврда од лекар специјалист. Покрај тоа, се предлага вакцинацијата да биде задолжителна за сите здравствени работници

– Искрено верувам дека претставниците на синдикатите ќе сфатат колку е битно оваа мерка да се усвои посебно после денешните резултати од секвенционирањето на вирусот. Четириесет и осум пациенти се испитаа од дијагностицираните во изминатите две три недели и кај ниту еден не е дијагностициран делта плус сојот на вирусот, кој прави голем број случаи и хоспитализации во сите околни земји. Што значи дека не може да го запреме тој сој на вирусот за влезе во земјата. Соочени сме со огромен ризик во периодот што следи да имаме нов силен бран и тоа сериозно да ги загрози капацитетите во нашите болници, рече Филипче.