Хрватската планинска спасувачка служба во саботата и помогна на жена да се породи во објект во Националниот парк Пакленица.
Денеска во 14 часот и 51 минути, нашите дежурни спасувачи добија пријава за породување во објектот Лугарница во Националниот парк Пакленица. Пред пристигнувањето на тимот на Хрватската планинска спасувачка служба младата странска државјанка со помош на работници од Националниот парк родила девојче“ се наведува во соопштението.
Мајката и новороденчето безбедно се префрлени и предадени на екипата на Итната помош. Комуникацијата за време на породувањето била отежната поради прекините со мобилниот сигнал
Кавадаречкиот градоначалник Митко Јанчев ја поднови својата сопруга Веселка со нов автомобил од марката Range Rover. Возилото со бела боја кое пристигнало на нивната адреса ја изненадило Јанчева, со која градоначалникот е заедно од рана младост.
За „Фокус” тој вели дека секоја жена заслужува љубов и почит од страна на својот сопруг, бидејќи според него жената е столб на семејството.
-Со сопругата сме заедно 25 години и таа секогаш стоела покрај мене, во добро и во лошо. Родители сме на три деца, заедно ги воспитуваме на вистинските вредности, а семејството за нас не би рекол дека е приоритет, туку дека е се! Новиот автомобил кој и го подарив на сопругата е само гест на внимание, на благодарност за сето она кое таа значи за мене и за нашето семејство, за нејзината пожртвуваност. Растен сум во фамилија каде семејните вредности се светост, ја продолжуваме таа традиција- вели градоначалникот.
Додава дека не е важен подарокот, туку вниманието пред се, и за него мажите кои си ги почитуваат своите сопруги и кои ја покажуваат својата љубов кон нив, се луѓе во вистинскиот смисол на зборот.
-Жената е таа која од куќата прави дом, која ја дава таа топлина помеѓу ѕидовите, која пожртвувано се грижи за децата, за целата организација на едно семејство. Со сопругата заедно минавме многу години, добри и тешки моменти, како што впрочем се случува во сечиј живот, овој подарок е само еден начин да и покажам колку ми значи нејзината поддршка и посветеност – изјави Јанчев.
Документарната драма на Нетфликс, која ја прикажува египетската кралица Клеопатра како црна Африканка, предизвика контроверзии во Египет, пренесува 24sata.hr.
Адвокат поднесе тужба против Нетфликс за кршење на законите за медиуми и обид да го „избрише египетскиот идентитет“, а најпознатиот египетски археолог инсистира дека Клеопатра била „светла кожа, а не црна“. Дури и продуцентите на оваа драма велат дека потеклото на Клеопатра е сомнително.
Клеопатра е родена во Александрија во 69 п.н.е. и била последната кралица од династијата основана од Птоломеј, генерал на Александар Македонски. Птоломејската династија зборувала грчки.
Идентитетот на мајката на Клеопатра е непознат, а историчарите веруваат дека е можно таа да била домородна Египќанка или од некој дел на Африка.
Келопатра во серијата на Нетфликс ја игра Адел Џејмс, која е од мешана раса и африканско потекло. Продуцентите велат дека тоа е одраз на „вековната дебата за расата на Клеопатра“.
Џејда Пинкет Смит, американска актерка која е наратор и продуцент на оваа драма, рече: „Не гледаме или слушаме често приказни за црните кралици, и многу е важно јас и мојата ќерка и нашата заедница да знаеме за такви приказни.
Захи Хавас, истакнат египтолог и поранешен министер за антиквитети, тврди дека тоа е измислица.
„Тоа е целосна лага. Клеопатра била Гркиња, што значи бела“.
„Нетфликс се обидува да предизвика конфузија со ширење лаги дека потеклото на египетската цивилизација е црно“, рече тој.
Адвокатот Махмуд ал Семари побара од државниот обвинител да преземе „неопходни правни мерки“ за да го блокира пристапот до услугите на Нетфликс во Египет. Тој го обвини Нетфликс дека промовира афроцентризам и го брише египетскиот идентитет.
Вчера околу пладен во СВР Скопје е пријавено дека во с.Ново Село, скопско, во водите на реката Вардар бил забележан женски труп.
Од екипа на противпожарната единица Скопје телото било извадено од реката и по наредба на Јавен обвинител било предадено за обдукција. Увид на местото извршила екипа од СВР Скопје. Се преземаат мерки за утврдување на идентитетот, велат од МВР.
92-годишниот медиумски магнат Руперт Мардок се сврши со 26-години помладата Ен-Лесли Смит, вдовица на кантри ѕвездата Честер Смит.
Мардок за New York Post открил дека за својата партнерка избрал дијамантски прстен, а планираат да се венчаат оваа година. “Бев многу нервозен. Се плашев да не се заљубам, но знаев дека ова ќе биде мојата последна љубов. И подобро е така. Среќен сум”, рекол милијардерот
Дејли Мејл пишува дека парот се запознал во септември минатата година, а Смит ја опишал нивната врска како „божји дар“.
“Јас сум вдовица веќе 14 години. Како и Руперт, мојот сопруг беше бизнисмен. Така, јас и Руперт се разбираме, имаме исти мислења и верувања. Само чекав вистинско време за повторно да се свршам”, рече таа и додаде дека нејзините пријатели се многу среќни за неа.
Инаку, милијардерот се разведе од Џери Хол во август минатата година. Тајкунот со австралиско потекло, кој поседува голем број медиуми, вклучувајќи ги Тајмс, Њујорк Пост, Фокс њуз и Волстрит журнал, се проценува на 17,7 милијарди долари.
Бракот на Мардок со Џери беше негов четврти брак (и четврти развод).
Тој се оженил со својата прва сопруга, поранешната стјуардеса Патриша, во 1956 година. Двојката се разделила во 1967 година, девет години по раѓањето на нивното единствено дете, ќерката Пруденс. Истата година се оженил со својата втора сопруга Ана, новинарка од Глазгов, со која бил во брак 32 години и имал три деца. Тие се разведоа во 1999 година.
По разводот, на Ана ѝ биле доделени 1,7 милијарди долари, вклучително и 10 милиони долари во готовина. Само 17 дена по разводот, Мардок се оженил со претприемачката Венди Денг, со која бил до 2014 година и имал две деца. Мардок за време на нивниот брак имал 68 години, додека Венди само 30.
Една жена откри како ослабела, но на многумина тоа не им се допадна.
Оваа жена на Тикток ја следат речиси 65.000 луѓе, а нејзините видеа се прегледани преку два милиони пати. Таа на сите им е интересна поради фактот што ослабела неверојатни 73 килограми, речиси се преполовила. Видеото што го објави е насловено како: „Како би изгледала кога би ослабела 74 килограми“. Жената која се обидува да маршира на простирката во својот дом тежи над 130 килограми. Нејзината трансформацијата е фасцинантна, а на крајот гледаме сосема поинакво лице, таа е ситна, со пократка коса и позира во црна проѕирна блуза под која носи спортски градник во комбинација со тесни црни панталони.
Видеото е прегледано 1,3 милиони пати, а има близу 130.000 „лајкови“ и стотици коментари.
Оваа девојка честопати објавува снимки на кои отворено нагласува дека воопшто не е лесно да се ослабе толку многу, укажувајќи дека мака мачела со килограмите кои не исчезнале во еден ден. Повеќето нејзини објави им служат како мотивација на милионите луѓе кои сакаат своето тело да го доведат во посакуваната форма.
Со оглед на многубројните снимки во кои таа едвај се движи во болничка ноќница, очигледно е дека кај неа е изведен гастричен бајпас, или операција за намалување на желудникот при што на поединецот кој се определил за ваква процедура му е оневозможено да јаде повеќе отколку што може. Во секој друг случај, речиси е невозможно да се симнат 74 килограми, но постојат услови под кои се изведува ваквата операција, а исто така е важно да се одржува новата состојба и драстично да се намали исхраната, во што оваа дама успеала.
Светот слушна за српскиот дизајнер Марко Митановски во 2009-та година, кога постигна голем успех на конкурсот за млади дизајнери организиран од „Вог“ во рамките на Лондонската модна недела.
И од тогаш имаше затишје. Сите се прашуваа каде исчезна надежниот дизајнер, а тој бомбастично се врати на сцената во октомври 2011 година. Тогаш откри дека повеќе не се вика Марко, туку Миа.
Процесот на промена на полот траеше неколку години, па креаторот претстави ново лице, ново име и најави нова колекција. Сепак, ова последното сè уште не сме го виделе.
Миа изгледа навистина спектакуларно и од фотографиите што ги објавува на Инстаграм, никогаш не би помислиле дека е маж.
Српскиот дизајнер, сега дизајнерка, со години успешно работи низ Европа, особено во Лондон.
Спасувачите успеале да спасат жена на возраст од 29 години по Кахраманмараш, 257 часа по земјотресот, јавува Анадолија. Како што се наведува, станува збор за Неслихан Килиќ (30).
Пред да го слушнат нејзиниот глас од урнатините, нејзиниот зет рекол дека почнал да и’ подготвува гробно место.
-Им кажавме на спасувачките екипи да ја прекинат операцијата, бидејќи ќе ги распарчат телата. И тогаш го слушнавме нејзиниот глас, рекол зетот на спасената жена.
Благодарение на работата на тимот, младата жена била извлечена жива од урнатините и однесена во болница.
Претходно спасувачите спасија 17 годишно девојче по поминати 248 часа под рушевините.
In yet another miraculous rescue, a woman was found alive in the rubble after 257 hours, more than 10 days, of twin earthquakes in southern Türkiye https://t.co/liI9btIFhLpic.twitter.com/40NQU8WSZY
Седумдесет и седум годишна жена е извлечена од урнатините на зграда 212 часа по двата силни земјотреси што ги погодија Турција и Сирија. Тоа беше уште едно во низата чудесни спасувања вчера.
Фатма Гунгор беше извлечена од урнатините на урнатата зграда во турската провинција Адијаман, откако беше заробена речиси девет дена.
Таа беше фотографирана како покажува со прстите кон небото додека болничарите ја носеа на носилки, завиткана во ќебе од фолија и носеше маска за кислород, пред да биде сместена во амбулантно возило.
И сириската тинејџерка Сехер Ганам (15) беше една од најмалку деветте лица кои вчера беа пронајдени живи во турската провинција Хатај – 209 часа по катастрофата, пишува Дејли Мејл, пренесува Дневник.хр.
Во друга спасувачка операција беше спасен животот на наставничката Емина Акгул (26), која беше ослободена од урната станбена зграда во Антакија, главниот град на Хатај, од тим за пребарување и спасување рудници, објави турската државна новинска агенција Анадолу. Спасувачите ја извлекле 201 час по земјотресот.
Сликите покажуваат дека таа потоа била пренесена со хеликоптер во болница во провинцијата Адана – околу 112 километри воздушна линија – на лекување. Сиба Абурас, исто така, беше спасен од урнатините во Хатај по повеќе од 200 часа.
Бројот на загинати во земјотресите со јачина од 7,8 и 7,5 степени според Рихтер, што на 6 февруари се случија со разлика од девет часа во југоисточна Турција и северна Сирија, надмина 39.000.
40-годишна жена е извлечена од под урнатите по 170 часа по разорниот земјотрес во Труција. По една недела од земјотресите кои погодија делови од Труција и од Сирија спасувачките екипи и натаму извлекуваат живи луѓе од под урнатините.
