Нема дневник за оценки, нема тефтери на катедрата. Лаптоп и слушалки се сега редовен декор во училниците и сѐ што им е потребно на професорите за од работното место да ја водат наставата на далечина. Наместо со креда на табла, ќе се снаоѓаат со слајдови и презентации и ќе ја користат онлајн-платформата. Така ќе предаваат, а комуникација со ученик наместо со „два прста“ во вис сега ќе биде преку сигнал на копче.

Националната платформа е спремна, тврди министерката

Тимс интеграцијата на националната платформа профункционирала, а наставниците со своите одделенија вчера и денес работат на подготовка на утрешниот ден и училишната година, вели Царовска. Таа истакна дека 30 национални и 1.600 училишни обучувачи ја завршиле обуката за плафтормата, додавајќи дека сега има воспоставен систем на луѓе кои имаат технички вештини.

„Тоа овозможува тие тековно да го надградуваат своето знаење и да го пренесуваат на своите колеги, во еден систем што е организиран и навистина тоа ни дава можност, да понатаму да ги надградуваме нивните вештини и тие да се искористуваат како ресурс во образовниот процес, се со цел во континуитет одиме кон дигитализација на образованието, а со тоа и модернизација на образовниот процес“, посочи Царовска.

Скопје, за жал е град со ниска сообраќајна култура. Тоа особено се забележува преку секојдневното учество во сообраќајот, но и преку паркирање и запирање на простор кој што не е наменет за тоа. 

И само половина час да се задржиш во Скопје, ќе ти стане јасно до кој степен е развиена сообраќајната култура на скопјани. 
Уште во првите училишни денови се учи дека улица се поминува на пешачки премин и кога ќе е зелено за пешаците, а црвено за возилата. Уште тогаш се учи дека се паркира на паркинг, а дека тротоарите се за пешаците, а велосипедските патеки се за велосипедите. 

Но, дали е вака во Скопје. 

Пешаци секојднвени жртви по скопските улици. Дел виновни самите тие, дел виновни возачите. Автомобили паркирани, кој каде сака. Тротоарите често се зафатени со автомобили, па пешаците се приморани да одат по коловозите. На ова често реагираат мајките со количките или пак инвалидите. Велосипедисти по тротоари или пешаци по велосипедски патеки, секојдневна борба во Скопје. 

Сообраќајниот метеж во главниот град од ден на ден е се поголем, а возачите нервозни исто така и пешаците. 

Повеќе https://skopjeinfo.mk/dobredojde-vo-skopje-peshaci-na-kolovozi-i-na-velosipedski-pateki-avtomobili-na-trotoari

Потресно сведоштво кое доби многу коментари на твитер погледнете за што се работи :

Полицијата приведе 45-годишна жена од Теотово, осомничена за продажба на кокаин. Според информациите од МВР, таа ја криела и ја продавала дрогата од дома, но и од работното место.

Вчеравечер околу 18.30 часот полициски службници ја привеле В.Р.(45) од Тетово. Според информациите на МВР, при извршен личен преглед кај неа биле пронајдени 14 паковки со кокаин, подготвени за продажба, а при претреси во нејзиниот дом во Тетово и во објект во центарот на Тетово, во кој пријавената работела, извршен подоцна со судска наредба, биле пронајдени кокаин и бела прашкаста материја, кои ги продавала и додека била на работното место.

В.Р. е задржана во Полициска станица Тетово и против неа ќе биде изготвен соодветен поднесок.

извор: Makfax

Од Сојузот на средношколци денес соопштија дека ќе започнат со онлајн настава, но до моментот кога ќе се подобри епидемиолошката слика во земјава.

Иако средношколците ќе започнат со онлајн настава, од Сојузот најавија бојкот во случај епидемиолошката состојба идниот месец да остане стабилна, а институциите не дозволат враќање на учениците во училница.

„Во случај тоа да не се случи, секој ученик ќе ја бојкотира наставата во ноември. Ова не треба да се сфати како компромис со Владата, туку како ултиматум од еден месец до министерката Мила Царовска и министерот Венко Филипче“, изјави претседателот на Сојузот на средношколци, Бленди Ходаи кој се обрати пред зградата на Министерството за образование и наука.

Твит на место :

Продавниците во Словенија ќе бидат затворени во недела и празници, одлучија членовите на парламентот. Измените и дополнувањата на Законот за трговија, за чие усвојување 72 од 88 пратеници гласаа во Националното собрание во вторникот, со ретки исклучоци, забрануваат работа на продавници во недела и празници.

Продавниците со продажна површина до 200 квадратни метри на бензински пумпи, гранични премини, пристаништа, аеродроми, железнички и автобуски станици и болници се изземени од забраната, пренесува Индикатор.ба.

Исто така, во недела и државни празници ќе се отворат и преостанатите помали продавници со површина до 200 квадратни метри, доколку дејноста ја вршат трговски субјекти, односно нивни претставници, но и студенти и пензионери. Прашањето дали продавниците треба да бидат затворени во недела и празници ја мачи јавноста во Словенија со децении.

Со него се занимаваше Уставниот суд, а во септември 2003 година граѓаните беа прашани за тоа на референдум. Забраната за работа во недела тогаш беше поддржана од нешто повеќе од 57 проценти од гласачите кои излегоа на гласачките места.

Судот во американската сојузна држава Мериленд го осуди четириесет и двегодишниот Шон Маршал Мејер на една година затвор за кршење на мерките за превенција.

Мејер беше прогласен за виновен за кршење на забраната за организирање митинзи со повеќе од 10 лица, што беше пропишано од државата Мериленд среде пандемијата, пренесува BBC. На 22 март тој организираше забава во неговата куќа, на која присуствуваа околу 50 лица, па затоа и полицијата интервенираше.

Седум дена подоцна, полицијата била известена дека Мајерс повторно организира забава со повеќе од 50 лица. Судот сметаше дека претставува отежнувачка околност што тој се скарал со полицајците кои интервенирале и двапати.