Во организација на Центарот за подобрување на квалитетот на животот на лицата со интелектуална попреченост и нивните семејства „ПОРАКА НОВА“, денеска во Општина Битола се одржа панел дискусија на тема „Од различна перспектива: Предизвиците со кои се соочуваат родителите на децата со попреченост во новата ера“.

Настанот имаше за цел да ја зголеми свесноста за предизвиците на кои се соочуваат семејствата на деца со аутистичен спектар на нарушување и да ги разгледа потребите за системска поддршка, како и влијанието на новите технологии.

Градоначалникот на Општина Битола, Тони Коњановски, во својот говор истакна дека Општината активно работи на поддршка на лицата со попреченост преку Програмата за социјална заштита, нагласувајќи дека се вложуваат напори за инклузивност и олеснување на нивното секојдневие.

„Во рамките на нашите надлежности, се обврзуваме да обезбедиме поддршка за сите кои се соочуваат со попреченост, како и да работиме на подобрување на нивната социјална инклузија“, рече Коњановски.

Во дискусијата учествуваше и проф. д-р. Владимир Трајковски, еден од водечките експерти за аутизам во Македонија, кој ги презентираше најновите научни истражувања и методи за помош на лицата со аутистичен спектар на нарушување. Присутните имаа можност активно да учествуваат во дебатата и да ги постават прашањата кои ги загрижуваат.

Градоначалникот на општина Кисела Вода, Орце Ѓорѓиевски, успешно го реши проблемот на жителите од улицата „Народни херои“, кои имале несогласувања со ЕСМ Топлификација за ископувањето на теренот за приклучоци на топлинска мрежа.

Ѓорѓиевски ги повикал граѓаните кои протестирале преку мирен протест и им понудил решение на нивните барања. На разговор со градоначалникот бил присутен и директорот на ЕСМ Топлификација, Петар Милетиќ, кој ги слушнал забелешките на жителите.

„На лице место извршивме увид и ја најдовме најдобрата можност за брзо решавање на проблемот. Милетиќ ќе ја забрза динамиката на работата за побрзо да се направат приклучоците, а пристапот на жителите до своите домови ќе биде обезбеден без попречување“, изјави Ѓорѓиевски.

Градоначалникот истакна дека во следниот период ќе продолжат со постојана комуникација со граѓаните за да се избегнат слични ситуации. „Мојот народ е најважен и нема проблем кој не можеме да го решиме, доколку работиме заедно“, додаде Ѓорѓиевски.

Сега подетална анализа околу најавената нова голема промена на времето која ни следува следната седмица, потрочно од среда 20.11.2024. Поради спуштање на многу ладен воздух од север, во среда на Балканот ќе се развие моќен секундарен циклонски систем кој ќе услови голема промена на времето и обилни врнежи кои најпрвин ќе бидат од дожд, а сето ова ќе биде проследено и со бурен ветер (локално со брзина од над 80/90 км/час).

Поради заладување од среда, најпрвин во земјите од регионот врнежите од дожд ќе преминат во врнежи од снег, како на планинските, така  и во населените места (градовите). Меѓутоа, на планините ќе се формира првата значителна снежна покривка за оваа сезона. Помала снежна покривка ќе има понекаде и во градовите.

Овој циклон во Македонија исто така ќе услови обилни врнежи од дожд, особено од среда ноќта  кон четврток и во четврток. Најпрвин ќе дува силен ветер од јужен и од југозападен, а во четврток од западен и од северозападен правец (повремено и локално со брзина од над 80 км/час). Во четврток поради позначително заладување, на повисоките места и на планините ќе има врнежи од снег, со што ќе се формира нова снежна покривка. Повремен снег во четврток ќе има  и во некои пониски места (градови).

Што се однесува до температурите, во почетокот на следната седмица тие ќе бидат во помало покачување, а веќе во четврток повторно нагло и значително ќе опаднат.

Овој ладен бран следната седмица на многу места во регионот ќе донесе многу ниски температури, кои наутро на повеќе места ќе се споуштаат до околу -10 степени, додека на повисоките места и на високите планини тие ќе се спуштаат до околу, па  и под -15 степени. Многу студено ќе биде  и преку ден па така на могу места температурите едвај ќе надминуваат нула степени, а понекаде ќе останат и под нулата.

Што се однесува до температурите кај нас, во почетокот на следната седмица ќе се искачуваат во интервалот од 9 до 15 степени, додека во четврток нагло ќе опаднат и ќе се искачуваат од 3 до 10 степени, а дополнително заладување ќе имаме во четврток доцна попладне  и навечер, па така во петок наутро температурите ќе се спуштаат во интервалот од -7 до 2, а на високите места и планините тие би можеле да бидат и пониски.

После оваа голема промена на времето, следува уште еден продор на студен бран, но овој нов продор барем одсега гледано ќе биде уште посилен и со уште пониски температури.

Понатаму во следните мои метео објави следува нова и по потреба обновена детална анализа токму околу оваа голема промена на времето.