38-годишен жител на тетовско ѝ дал 350 евра на жена која тврдела дека ќе му „помогне“ при полагање, а откако го измамила, случајот го пријавил во полиција, соопшти МВР.

„На 06.06.2023 во 14.00 часот во СВР Тетово, А.Р.(38) тетовско Синичане пријавил дека бил измамен од едно женско лице за сума од 350 евра. Според пријавеното, тие се договориле со жената, вработена во автошкола, таа да му помогне при полагање на возачки испит, но договореното не било завршено, по што таа не му се јавувала на телефонските повици и сфатил дека бил измамен“, велат од полицијата.

Во кусото соопштение нема информација од МВР за тоа дали пријавителот ќе одговара за кривичното дело што го признал со самата пријава – дека дал поткуп, но се вели дека полицијата работи на расчистување на случајот.

Минатата година во земјава се родени вкупно 18.183 деца, од кои живородени 18.073, а мртвородени 110.

-Бројот на живородените деца во споредба со 2021 година е намален за 3,1 отсто. Во структурата според пол, кај живородените деца машките имаат поголемо учество, и тоа од 51,2 отсто, односно на 100 живородени женски деца 104,8 се машки, соопшти Државниот завод за статистика.

Вонбрачни живородени деца се 2.298 или 12,7 отсто од вкупниот број живородени деца

Грабеж утринава се случил во Стопанска банка во трговскиот центар „Беверли“ во населбата Капиштец во Скопје.

Според информациите во банката влегло маскирано лице кое било вооружено со пиштол. Со закана кон вработените, со пиштол вперен кон нив, побарал да му ги дадат сите пари, по што лицето избегало со пленот.

Очевидци за А1он сведочат дека сите вработени од банката излегле надвор, а веднаш стасала и полицијата и екипи на крим техника кои вршат увид. Информацијата за А1он ја потврди и МВР, но засега не споделуваат повеќе детали.