Новиот топловод под мостот „Беласица“ од ноќеска е целосно ставен во функција и обезбедува стабилна и сигурна испорака на топлинска енергија, информира АД ЕСМ.

Новиот топловод под мостот „Беласица“ од ноќеска е целосно ставен во функција и обезбедува стабилна и сигурна испорака на топлинска енергија, информира АД ЕСМ.

Откако вчера најави дека можно е да има прекини во испораката при поврзувањето на топловодот, денеска АД ЕСМ информира дека се поминало без никакви прекини или отстапки во квалитетот на испораката на топлинска енергија.

Соопшти дека поставувањето на новите топловодни цевки е завршено „во рекордно краток период од помалку од два месеца, благодарение на високата ефикасност и посветеноста на тимовите на АД ЕСМ и ЕСМ Дистрибуција на топлина“.

-Иако првично беше предвидено привремено прилагодување на квалитетот на испораката за мал дел од корисниците за време на финалните активности, ефикасната координација и професионалноста на екипите овозможија поврзувањето на новиот топловод со постоечкиот систем за дистрибуција на топлинска енергија да помине без никакви прекини или отстапки во квалитетот на испораката. Задоволен сум што со тимска работа и вложување на натчовечки напори успеавме да го завршиме зафатот за 40 дена и овој капацитет веднаш да го ставиме во целосна функција, истакнува Петар Милетиќ, директор на ЕСМ-Дистрибуција на топлина.

Премиерот Христијан Мицкоски порача до пошироката јавност и медиумите да не ѝ придава важност на реториката со која се служи ДУИ. Тој изјави дека таа ќе биде уште пожестока во периодот што следи, во одговорот на новинарско прашање, за коментар околу последното соопштение во кое се наведува дека актуелната владина коалиција врши егзодус на албанците од државните институции.

Тој смета дека со придавање на значење на таквата реторика, тоа не носи добро на граѓаните.

Ова ги иритира и граѓаните и нашите партнери во меѓународната заедница. Ова работа не треба да се поедноставува. Има случаи во МВР на припадници на одредени политички партии и со различна етничка припадност ја злоупотребиле својата положба и незаконски издавале дозволи за оружје и друг тип на документи. Нормално, тие се санкционирани, рече премиерот.

Тој очекува негативната реторика да се засилува, да биде пожестока и поиредентистичка.

Како што ќе стигнуваме поблиску до криминалците, таа реторика ќе биде пожестока и позасилена. Со првите притворувања и судски процеси овие напади ќе бидат уште позасилени. Ова е борба со криминалот која претходно ја најавив. Некои работи, можеби поспоро одат, но правдата е спора, но доаѓа, рече Мицкоски.

Тој смета дека во ДУИ за да ги заштитат имотите кои ги стекнале нивни членови или блиски до партијата ја користат оваа алатка и побара да се не дава значење во јавноста.

Мицкоски смета дека владеењето на ДУИ во изминативе две децении придонело за иселување на 150 илјади етнички Албанци од земјава.

Според информациите од СВР Скопје, по пријавата, полициски службеници веднаш реагирале и го лишиле од слобода насилникот. По целосно документирање на случајот, ќе следува соодветен поднесок.

36-годишен скопајнец е приведен откако бил обвините дека физички ја нападнал неговата 35-годишна сопруга, како и нејзината мајка.

Инцидентот бил пријавен вчера, а се случил во домот на подрачјето на општина Аеродром, каде мажот ја нападнал сопругата, ја удрил, оштетил дел од покуќнината и ѝ се заканил со остар предмет. Понатаму, се заканувал и на нејзината мајка.

Според информациите од СВР Скопје, по пријавата, полициски службеници веднаш реагирале и го лишиле од слобода насилникот. По целосно документирање на случајот, ќе следува соодветен поднесок.