Инфо +

Лекот „Фавира“ пристигна во Македонија – една кутија чини 4300 денари

Published

4 years ago

December 3, 2020

Никој не ги комуницирал за овој лек кој веќе е нареден низ аптекарските рафтови низ земјава. Канал 5 стапи во контакт со неколку матични лекари што не сакаа да говорат јавно, но потврдија оти не знаат ниту дека овој лек е достапен во Македонија. Д-р Ненад Лазаров во писмен одговор за Канал 5 потврдува дека официјален допис за препишување на лекот „Фавира“ не стигнал ниту до неговата ординација.

-Апсолутно немаме никаква комуникација, матичните лекари се безмалку екскомуницирани. Ниту за овој, а ниту за други лекови официјално немаме ништо добиено.-Д-р Ненад Лазаров.

Директорот на Агенцијата за лекови за Канал 5 вели дека „Фавира“ е пуштен во малопродажба, и додава оти Министерството за здравство е институцијата што дава насоки за постапување во однос на употребата на лекот.

Од Агенцијата порачуваат лекот да не се зема на своја рака. Но, од прошетката низ неколку аптеки низ земјава дознавме дека веќе има побарувачка за „Фавира“, па граѓани без рецепт биле подготвени да платат и да го земат.

Лекот „Фавипаравир “ или „Фавира“ …..чини безмалку 4300 денари, ама фармацефтите велат дека без рецепт не смее да се даде иако лекот не е на товар на Фондот.

„Фавипиравирот“ е лек за којшто се водат бројни студии, близу 30 студии во светот, но се смета дека помага во раната фаза на зараза со коронавирусот.

Македонија

Утрово е почувствуван земјотрес

Published

23 mins ago

November 16, 2024

Арлингтон

Земјотрес со Рихтерова локална магнитуда ML3.0 е регистриран изутринава во 5 часот и 31 минута во епицентралното подрачје Дојран-Кукуш, соопшти Сеизмолошката опсерваторија при Природно-математичкиот факултет во Скопје.

Епицентарот бил на 130 километри југоисточно од Скопје. Според досегашните податоци со кои располага опсерваторијата, земјотресот е почувствуван во Дојран и блиската околина со интензитет од III степени според Европската макросеизмичка скала.

Македонија

Уапсен е насилен малолетник: Со нож повредил две деца

Published

26 mins ago

November 16, 2024

Арлингтон

На 15.11.2024, полициски службеници од СВР Скопје лишиле од слобода малолетник од с.Ласкарци, скопско.

Тој се сомничи дека на 28.10.2024 на автобуска постојка кај трговски центар на подрачјето на Карпош со нож нападнал и повредил малолетник од Скопје и дека на 13.11.2024, исто така, на автобуска постојка на подрачјето на Карпош со нож нападнал и повредил друг малолетник од Скопје.

Со него бил извршен службен разговор во полициска станица и по консултација со јавен обвинител, поднесена му е кривична пријава по итна постапка по член 386 од Кривичниот законик.

Судија на претходна постапка на малолетникот му изрече мерка притвор во траење од 30 дена, по што бил пренесен во Казнено – поправната установа Затвор Скопје за издржување на мерката.

Македонија

Затворен патот Охрид – Ресен преку Галичица

Published

53 mins ago

November 16, 2024

Арлингтон

Патниот правец Охрид – Ресен преку Националниот парк Галичица од вчера е затворен за сообраќај за сите видови на возила, информираа од ЈП Македонијапат.

Од вчера започна и законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.03.2025 година, потсетуваат од АМСМ.