Ален Зекиров, некогашниот телохранител на ексдиректорот на тајната полиција, Сашо Мијалков го доби судскиот спор против Министерството за внатрешни работи за неговиот отказ, пишува Призма.

Граѓанскиот суд пресече, а Скопска апелација потврди дека отказот што го добил во 2018 година бил незаконски.

Според пресудата, на Зекиров со потпис на поранешниот министер Оливер Спасовски му бил откажан договорот за вработување во 2018 година. Причината за отказот од МВР е што сторил потешка дисциплинска повреда со учество во собраниските настани од 27 април 2017.

„Влегол со толпа граѓани во Собранието на РСМ и не презел дејствија со цел на заштита на животот на полициските службеници, граѓаните и имотот, спротивно на член 13 од Законот за полиција“, пишува во пресудата.

Зекиров бил упорен во докажувањето дека отказот му е незаконски. Првин се обидел преку Државната комисија за одлучување во управна постапка и постапка од работен однос да го поништи отказот и предметот повторно се нашол пред дисциплинската комисија. Таа повторно го потврдила отказот.

Незадоволен од ваквата одлука на МВР, тој во 2020 поднел тужба против решението на МВР. Граѓанскиот суд пресудил дека Зекиров е во право, а апелациските судиите лани во февруари ја потврдиле пресудата.

Денеска, во Офицерскиот дом во Битола, се одржа тркалезна маса на тема „Улогата на заедницата во спречување и поддршка на жени жртви на семејно насилство – можности за вмрежување и локална акција“, организирана од Центарот за образовни и развојни иницијативи „ИНОВА ЛАБ“ во соработка со Комисијата за еднакви можности при Советот на општина Битола. На настанот свое обраќање имаше и градоначалникот на Битола, Тони Коњановски, кој ја истакна заложбата на општината како лидер во поддршката на жртвите од семејно насилство.

„Битола е една од првите општини во земјата која активно се вклучува во борбата против семејното насилство. Со издвојување на 1 милион денари од општинскиот буџет, обезбедуваме континуирано функционирање на Регионалниот советодавен центар за помош и поддршка на жени и деца жртви на семејно и родово насилство во Пелагонискиот регион,“ изјави Коњановски.

На тркалезната маса беа анализирани состојбите и предизвиците поврзани со семејното насилство на локално ниво, при што се истакна потребата за поголемо вмрежување и координирани акции помеѓу локалната самоуправа и заедницата. Градоначалникот нагласи дека Општина Битола останува посветена на зајакнување на механизмите за поддршка и заштита на жените од семејно насилство преку конкретни чекори и мерки во иднина.

„Локалната самоуправа е клучен чинител во справувањето со родово базираното насилство. Нашата обврска е да обезбедиме поддршка, заштита и вистинска помош за сите наши сограѓани кои се соочуваат со оваа сериозна општествена појава,“ додаде Коњановски.

Со ова, Битола потврдува дека е пример за останатите општини, поставувајќи високи стандарди во справувањето со семејното насилство и поддршката на жртвите.

Градоначалникот на општина Кисела Вода и претседател на ЗЕЛС, Орце Ѓорѓиевски, денеска присуствуваше на одбележувањето на Денот на Македонската академија на науките и уметностите (МАНУ).

На покана на претседателот на МАНУ, академик Живко Попов, Ѓорѓиевски изрази чест и задоволство што имал можност да биде дел од овој значаен настан и да поразговара со научната елита од Македонија и пошироко.

„МАНУ е институција со научен и уметнички интегритет, која била и ќе остане чувар на македонскиот национален идентитет, јазик и култура. Таа претставува столб на нашата државност и мост за градење односи меѓу различните национални и етнички групи во Македонија,“ изјави Ѓорѓиевски.

Тој упати честитки до добитникот на меѓународното признание „Блаже Конески“ за оваа година, професорот Мотоки Номачи од Јапонија, кој е член на словенско-евроазискиот истражувачки центар при Универзитетот Хокаидо Сапоро.

Денот на МАНУ беше одбележан со свечена програма, во која учествуваа академици, научници и јавни личности, потврдувајќи ја улогата на Академијата како водечка институција во зачувувањето на македонското културно и научно наследство.