Државниот завод за ревизија во денешниот извештај открива дека Управниот одбор на Фондот за пензиско осигурување го именувал за в.д.директор Дритан Беџети, кадар на Алтернатива на Африм Гаши, без согласност од Владата.  

Беџети така работел од јуни 2022 до март 2023, кога Владата „се сетила“ да не даде одобрување на неговиот избор и бил поставен нов директор.

„Во јуни 2022 година по спроведен јавен конкурс и постапка, со Одлука на Управниот одбор именуван е директор на Фондот на која Владата нема дадено согласност, што не е во согласност со Законот за ПИО и влијае на начинот на извршениот избор. Во март 2023 година, по девет месеци, од страна на Владата донесено е Решение за не давање на согласност на одлуката на УО од јуни 2022 година за именуваниот директор на Фондот од страна на УО што влијае на квалитетот на раководењето и работењето како и на начинот на реализација на правата и должностите на директорот утврдени со закон“, констатира ревизорот во денешното соопштение до медиумите.

Инаку Беџети во меѓувреме доби и кривична пријава за своеволно вработување на нестручни кадри кои не ни доаѓале на работа. Овој период на работење на ПИОМ покажал многу недостатоци за државниот ревизор. Во 2023 биле вработени со договор на дело повеќе од 200 лица, но немало евиденција што и како работеле.

„Во текот на 2023 година ангажирани се 206 физички лица со договор на дело за период од 2 до 12 месеца, за кои Фондот има обезбедено согласности од министерството за финансии, за извршување на работни задачи согласно систематизацијата на работни места, за кои се исплатени средства во износ од 50.377 илјади денари. Ревизорите укажуваат дека не постои евиденција за присуство на ангажираните лица поради што постои можност од исплата на парични средства на лица кои не биле присутни на работните места и не ги извршувале работните обврски. Во договорите не е предвидена обврска ангажираните лица да доставуваат извештаи за извршената работа, што не обезбедува уверување во однос на исполнувањето на нивните работни задачи и обврски за кои се ангажирани при што поголем дел од договорите не се потпишани од страна на извршителите“, објаснува ревизорот.

Спорна била и една од јавните набавки за реконструкција и одржување на објектите на Фондот, иако за некои сегменти од работењето имало и други понуди кои биле до 22 пати поевтини.

„Во текот на 2023 година, спроведенa e набавкa за тековно одржување и изведување на градежно занаетчиски работи на деловни објекти на Фондот во централата, филијалите, деловниците и пензионерските домови за кои склучени се договори и анекси кон договорите во вкупен износ од 35.883 илјади денари за коja ревизорите утврдиле слбасти во нејзиното спроведување и реализација. Имено за позициите за кои била понудена минимална цена, во текот на реализација на договорот не се извршени нарачки. Договорот се реализирал за само неколку работни позиции кои во споредба на понудите на останатите економски оператори кои биле оценети како неприфатливи, кои за истите позиции имале од 2 (два) до 22 (дваесет и два) пати пониски цени.“, се вели во ревизијата.

За Беџети има пријава од МВР дека преку ПИОМ плаќал кирија за изнајмување на објект, а парите на крајот завршувале кај неговата сестра.Нешто слично открива и ДЗИ. Одтаму реагираат дека склучен е договор за закуп на деловен простор на 20 години без спроведена соодветна постапка.

Извор: Faktor.mk

Фондот за пензиско и инвалидско осигурување во текот на 2023 година ангажирал лица кои добивале плата, ама постои сомнеж дали тие се појавиле на договорените работни места. 

Ова е една од забелешките на Државниот завод за ревизија, од каде укажуваат на бројни недоследности во работењето на Фондот. Сепак, еден од аспектите кои се особено проблематични е вработувањето на над 200 граѓани кои добивале плата преку Фондот, но работните задачи не ги извршувале. 

– Во текот на 2023 година ангажирани се 206 физички лица со договор на дело за период од 2 до 12 месеца, за кои Фондот има обезбедено согласности од Министерство за финансии врз основа на член 9 од Законот за трансформација на работен односсогласно кој институциите можат да ангажираат лица над 1 процент од вкупниот број на вработени и со поголемо времетрање врз основа на обезбедена согласност од МФ. Лицата се ангажирани за извршување на работни задачи согласно систематизацијата на работни места на Фондот, за кои исплатени се средства во износ од 50.377 илјади денари– се појаснува во ревизорскиот извештај на ДЗР.

Ревизорите укажуваат дека на поголем дел од ангажираните лица договорите им престанале со важност во јуни 2024 година. Но, притоа нагласуваат дека со извршениот увид во доставената документација биле утврдени бројни нерегуларноти. 

– Иако лицата се ангажирани за извршување на работи и работни задачи согласно актот за систематизација не е извршено соодветно пополнување на испразнетите работни места при што на одредени работни места постои недостаток, а на други превработеност. На ревизијата не и е презентирана евиденција за присуство на ангажираните лица поради што постои можност од исплата на парични средства на лица кои не биле присутни на работните места и не ги извршувале работните обврски во Фондот во согласност со склучените договори– објаснуваат од ДЗР. 

Воедно додаваат дека овие лица немале обврска да достават месечни извештаи за работа, што е уште еден показател дека најверојатно само земале плата, без да се појават на работното место. 

– Во договорите не е предвидена обврска ангажираните лица да доставуваат месечни извештаи за извршената работа, што не обезбедува уверување во однос на исполнувањето на нивните работни задачи и обврски за кои се ангажирани. Поголем дел од презентираните договори не се потпишани од страна на извршителите. Ангажирањето на лица по договор за дело на редовни работни обврски во Фондот не е во согласност со член 30 од Законот за административни службеници со кој е утврден начинот на пополнување на работните места и создава можност од субјективен пристап при одлучувањето на изборот на лицата и влијае на квалитетот, сигурноста и одговорноста за извршените работни задачи – се нагласува во ревизорскиот извештај.

Ревизорите исто така посочуваат дека начинот на кој се реализирани овие расходи не се во согласност со член 2 од Законот за извршување на буџет за 2023 година согласно кој буџетските корисници се должни, буџетските средства да ги користат наменски, рационално, економично и ефикасно.

Поради сето ова, ревизорите препорачуваат одговорните лица за управување и раководење на Фондот да преземат мерки и активности за трајно решавање на проблемот со испразнетите работни места во Фондот и истите да ги пополнуваат со вработени лица во редовна законска постапка.

Од друга страна Фондот утврди и други недоследности, меѓу кои и изборот на в.д. директор на Фондот, од страна на Управниот одбор на Фондот за пензиско осигурување без согласност од Владата. 

Извор: Faktor.mk

Зголемување на плати, делење на награди, бонуси, можности за работа од дома, скратено и флексибилно работно време. Се смета дека сето ова ќе помогне работниците да се чувствуваат дека се вреднувани, во ситуација кога има одлив на работната сила од државата. Некои работодавачи нудат бонуси за своите вработени по повод верски празници, годишнини од основањето на фирмата и слично. Граѓаните велат дека работниците мора финансиски да бидат стимулирани за да не си заминат од земјава.

„Работникот прво мора да ја сака својата работа, да работи посветено, но и газдата треба да го награди со некој бонус. Не мора секој месец, но кога има некој повод, да додели бонус или нешто како 13-та плата“, вели граѓанка. 

Друг постар човек чии три деца се иселиле, објаснува дека газдите треба да бидат подарежливи и според него, неколкупати годишно треба да ги наградат работниците со бонуси.

Целиот текст на Faktor.mk