Connect with us

COVID 19

До крајот на 2021 Македонија може да вакцинира 1/6 од граѓаните

Published

on

Министерот Филипче пред два дена најави дека на дневно ниво, со работа на пунктовите за вакцинација со полн капацитет очекува да се вакцинирааат од 2000 до 2500 граѓани.

Ако се земе средната бројка 2250 од тие што ги дава како максимални бројки Филипче тоа значи дека за 26 дена месечно (без неделите) во Македонија може да се дадат 58500 вакцини односно дас е вакцинираат 29250 македонски граѓани.

Ако вакцинацијата започне на 10 овој месец што е најдобро можно сценарио тоа значи дека до крај на 2021 година во Македонија нема да може да се вакцинира ни една петина од населението кое е цел на вакцинацијата.

До крајот на 2021 година остануваат 325 денови односно околу 275 дена без неделите и државните и верски празници кога не се работи.

Ако оваа бројка се помножи со средниот број од тие што ги дава Филипче излегува дека оваа година вкупно може да се дадат околу 619 илјади вакцини.

Но бројот на граѓани кои можат да се вакцинираат е двојно помал затоа што секој што ќе прими вакцина по 21 ден ќе мора да се ревакцинира во истите здравствени капацитети каде се врши и првичното вакцинирање.

Тоа ја намалува бројката на можни вакцинирани граѓани за половина односно на околу 300 илјади луѓе што е околу една шестина од вкупниот број на население според гласачките листи кои се слична база и за имунизацијата која засега не опфаќа деца под 18 годишна возраст.

Во најдобар случај ако Филипче го реализира ветувањето за максимални 2500 вакцини дневно тогаш бројката е околу 340 илјади вакцинирани граѓани, повторно многу мала во однос на сите кои имаат право и сакаат да се вакцинираат.

Според неофицијални анкети околу половина од граѓаните не сакаат да се вакцинираат што сепак остава бројка од околу 900 илјади луѓе кои би сакале да се вакцинираат.

За Македонија да ја спроведе целосната имунизација кај тие што сакаат да примат вакцина ќе и бидат потребни речиси 3 години.

Ако од здравствени или други причини биде донесена политика за задолжително вакцинирање со постоечките капацитети ќе ни требаат најмалку 5 години за вакцинација на целото население без децата до 18 години.

Овие бројки се базираат на тие што официјално ги дава министерот Филипче за максимален број вакцинации, на неговото ветување дека ќе стигнат доволно вакцини и дека системот за имунизација навистина е на високо ниво како што тврди тој.

Доколку еден од елементите што ги наведува министерот потфрлат Македонија може да има проблем да вакцинира и далеку помала бројка граѓани овие 300 илјади годишно – пишува Експрес.

COVID 19

ЈАС И ПРОФЕСОР ПАНОВСКИ, ТРИ ГОДИНИ ЏАБЕ ТРОШЕВМЕ ЗБОРОВИ И ВРЕМЕ: Никому ништо не му влегло во глава!

Published

on

Докторот Драган Даниловски, во гостувањето на ТВ Сител, се огласи по повод новиот ковид бран за кој што медиумите се повеќе пишуваат.

Линк до постот на професор доктор Даниловски:

https://m.facebook.com/story.php?story_fbid=3455421298043933&id=100007282895748&mibextid=Nif5oz

Continue Reading

COVID 19

Прва тужба во Германија поради последици од вакцината на Фајзер против ковид

Published

on

Фармацевтската компанија Бајонтек утре ќе се појави на суд во Хамбург по тужбата во која Германка бара отштета поради тешки последици од нивната вакцина против ковид-19. Ова е првата во низа можни тужби во Германија поради нуспојави од вакцината.

Жената го тужи германскиот произведувач за најмалку 150.000 евра за нанесување телесни повреди и надомест за неодредена материјална штета, се наведува во барањето за отштета кое го решава општинскиот суд во Хамбург.

Тужителката тврди дека поради вакцината имала болки во горниот дел од телото, отечени нозе и раце и нарушено спиење. Нејзиниот адвокат Тобијас Улбрих кажа дека планира да ја оспори проценката на германскиот регулатор и Европската агенција за лекови (ЕМА) дека вакцината на Бајонтек има позитивен сооднос на корист и штета.

Според германскиот закон, произведувачите на вакцини и лекови се подложни на тужби и отштетни барања ако „медицинската наука“ покаже дека нивните производи предизвикуваат несразмерна штета или ако упатствата за лекот се погрешни.

Бајонтек, кој вакцината ја разви во соработка со американски Фајзер, ја смета тужбата за неоснована. Таа вакцина, истакна компанијата, ја примиле 1,5 милијарди луѓе низ светот, вклучувајќи над 64 милиони Германци.

ЕМА тврди дека вакцината е безбедна и дека во првата година од пандемијата помогнала во светот да се спасат речиси 20 милиони животи. ЕМА, меѓутоа, признава дека по вакцинирањето постои мал ризик од развој на миокардитис и перикардитис, два вида на воспаленија на срцето и дека во голема мера ги погаѓаат младите мажи.

Агенцијата досега примила околу 1.7 милиони жалби за нуспојави кои се развиле по примањето вакцина против ковид-19. Станува збор за 0,2 случаи на 100 примени дози.

Во Европската економска зона (ЕЕА) се примени 768 милиони дози вакцини против ковид-19. Најчестите и вообичаени нуспојави се главоболка, треска, замор и болка во мускулите.

Continue Reading

COVID 19

СКАНДАЛОЗНО ТВРДЕЊЕ – Шефот на ФБИ вели дека коронавирусот веројатно потекнува од лабораторија во Вухан

Published

on

Во интервјуто за Фокс њуз, шефот на ФБИ, Кристофер Вреј, рече дека Кина „дава сè од себе за да се обиде да ги спречи и замати“ напорите за идентификување на изворот на глобалната пандемија. Како одговор на наодите на ФБИ, Пекинг го обвини Вашингтон за политичка манипулација.

Директорот на Федералното биро за истраги (ФБИ), Кристофер Вреј, изјави дека бирото проценило оти ковид-19 најверојатно потекнува од лабораторија во Вухан – градот од каде што вирусот започна да се шири кон крајот на 2019 година, по што прерасна во глобална пандемија, јави Би-би-си.

„ФБИ веќе подолго време проценува дека потеклото на пандемијата е најверојатно потенцијален лабораториски инцидент“,

изјави Вреј.

Во интервјуто за Фокс њуз шефот на ФБИ рече дека Кина „дава сè од себе за да се обиде да ги спречи и замати“ напорите за идентификување на изворот на глобалната пандемија.

Коментарите на Вреј доаѓаат еден ден откако американскиот амбасадор во Кина ја повика земјата да биде поискрена околу потеклото на коронавирусот.

Претходно и американското Министерство за енергетика изјави дека пандемијата на коронавирусот е предизвикана од кинеска лабораторија. Други американски владини агенции донесоа различни заклучоци со различен степен на доверба за наодите на ФБИ. Некои од нив со ниско ниво на сигурност рекоа дека вирусот не започнал во лабораторија, туку бил пренесен од животни на луѓе.

Портпаролот на Белата куќа Џон Кирби во понеделникот рече дека американската влада не постигнала конечен заклучок и консензус за потеклото на пандемијата.

Како одговор на наодите на ФБИ, Пекинг го обвини Вашингтон за политичка манипулација.

„Кина остро се спротивставува на сите обиди за политичка манипулација под превезот на потрага по потеклото на коронавирусот. Бараме САД да ја почитуваат науката и фактите и да престанат да го политизираат прашањето за потеклото на коронавирусот“,

рече портпаролката на кинеското Министерство за надворешни работи Мао Нинг.

Тензиите во билатералните врски меѓу САД и Кина се зголемија по неодамнешната сага за кинескиот балон кој се појави над САД.

Покрај ова, Соединетите Американски Држави директно ја предупредија Кина дека ќе ги таргетираат и ќе воведат санкции за нејзините фирми или луѓе вклучени во какви било напори за испраќање воена помош за Русија, односно за руските војници кои се вклучени во инвазијата на Украина.

Continue Reading
Advertisement
Advertisement

Трендинг

Copyright © 2021 Булевар.мк