Градоначалникот на општина Битола, Тони Коњановски, денес оствари средба со претставници на словенечката компанија „Фурлани“, која има долгогодишно искуство во изградба на гондоли во скијачките центри низ Балканот. На средбата присуствуваа и секретарот на општината Борче Димитровски, советници од Советот на општина Битола и раководителот на Одделението за економски развој, Венцо Шишкин.

Главна тема на разговор беше подготовката за изработка на физибилити студија за изградба на гондола на Пелистер – проект кој веќе е изгласан во Советот на општина Битола. Како што беше истакнато на средбата, општината планира до крајот на март да изработи проектна програма, по што ќе следува јавна набавка за изработка на студијата.

„Со овој чекор правиме сериозен исчекор кон реализација на гондолата на Пелистер, што ќе значи значителен развој за туризмот во Битола и поширокиот регион“, изјави Коњановски.

По склучувањето на договорот за изработка на студијата, се очекува таа да биде готова во рок од шест месеци. Студијата ќе опфати клучни аспекти како финансиската исплатливост на проектот, вкупната цена на изградбата, можните локации и трасата на гондолата.

По состанокот, делегацијата изврши теренска посета на Ски центарот Ниже Поле и скијачкиот центар Копанки, каде што се запознаа со постоечката инфраструктура и можностите за развој. Исто така, беше остварена средба со директорот на хотелот „Молика“, Горан Исков, кој ги запозна гостите со хотелските капацитети и потенцијалите за идни инвестиции.

Оваа посета на словенечките експерти е резултат на претходни контакти и соработки што битолската делегација ги оствари при посетата на општина Чаетина, ЈП „Голдгондол“ и Златибор во Србија.

Општина Битола продолжува со активностите за развој на Пелистер како туристичка атракција, а градоначалникот Коњановски нагласи дека овој проект ќе биде значаен чекор кон подобрување на туристичката понуда и економскиот развој на регионот.

Американскиот претседател Доналд Трамп го именува Мајкл Елис, правен советник во компанијата Рамбл на бизнисменот Крис Павловски, за заменик директор на Централната разузнавачка агенција ЦИА. Елис беше дел од делегацијата предводена од Павловски која ја посети Македонија во јули, а се сретна со премиерот Христијан Мицкоски и при неговата посета на Вашингтон за време на инаугурацијата на Трамп.

Задоволство ми е да го најавам именувањето на Мајкл Елис како заменик директор на Централната разузнавачка агенција. Во мојот прв мандат, Мајкл работеше во Националниот совет за безбедност на Белата куќа, и помогна да се разоткријат примери на злоупотреба на разузнавачките процеси од страна на администрацијата на Обама, со што започна лажната хајка „Русија, Русија, Русија“. Мајкл беше и главен советник на Комисијата за разузнавање на Претставничкиот дом на Конгресот под Девин Нунес, како и главен советник на Националната агенција за безбедност, пред на корумпиран начин да биде отстранет од таму од администрацијата на Бајден. Мајкл е паметен и високо почитуван правник кој дипломираше на универзитетот Јеил и колеџот Дартмут. Тој е правен советник на Рамбл, компанија за социјални медиуми вредна милијарди долари која силно го штити правото на слобода на говор. Тој ќе работи со нашиот фантастичен директор на ЦИА, Џон Ретклиф, ќе ја среди ЦИА, и повторно ќе ја направи најголемата разузнавачка агенција во светот. Честитки Мајкл!, порача Трамп во порака на социјалната мрежа Трут Соушл.

Трамп веќе го именуваше поранешниот конгресмен Нунес за негов советник за разузнавачки прашања, и го задолжи да спроведе реформа на разузнавачките служби. Трамп ги обвинува директорите на разузнавачките служби како ЦИА и НСА за политизирање на нивната работа и за прислушкување на функционери од изборниот штаб на Трамп и неговиот кабинет.

Со постојаните обвинувања на Трамп дека имал наводни некоректни контакти со Русија, разузнавачките служби предизвикаа низа потреси во неговата прва администрација и ја оневозможуваа да се фокусира на спроведување на својата агенда, обвинуваат луѓе од кругот на Трамп. Поради тоа, реформа на разузнавачките служби е еден до врвните приоритети во новиот мандат на претседателот Трамп.

Извор: radioholidej.com.mk

Ликов што се одѕива на името Боби Илиевски очигледно има проблем со квантумот на бесчувствителност во својата душа, ако воопшто ја има, па почнува безочно и мизерно да напаѓа човек кој е во центарот на емотивен вулкан…

… и за кого терминот овоземски живот повеќе нема да има исто значение.

Кога целата Македонија дише со поливина гради, кога воздухот е траорен а земјата и небото се завиткани во црно за загубата на Фросина, која беше убиена од еден дијаболик…тогаш се јавува овој лик кој се поставува во улога на емотивен проценител на човек кој штотуку загубил чедо.

Дополнително ликов кој се презива Илиевски, го мери секој негов збор, гест, поглед , експресија, небаре станува збор за директен пратеник на синот Божји и истиот носи суд!

Има ли соодветна институција која ќе се позанимава со вакви ликови кои шират омраза, личен дефетизам и бескрајна малициозност ? Добиваме ли нов „Тричковски“?

Извор: Канал 5