Со визија и одлучност, градоначалникот Орце Ѓорѓиевски продолжува да докажува дека Општина Кисела Вода е лидер во поддршката на семејствата и децата. Најновата одлука за двојно зголемување на паричната помош за новороденчиња, од 6.000 на 12.000 денари, е уште еден доказ за неговата заложба за создавање општество кое расте и се развива.

Оваа мерка не е само финансиска помош, туку и симбол на посветеноста кон подобра иднина за сите. Заедно со проектите како „Ранче за секое прваче“, новите градинки, субвенционираниот целодневен престој и бесплатните оброци за деца од семејства во социјален ризик, Орце Ѓорѓиевски поставува стандарди за социјална грижа и инклузија.

Под негово водство, Општина Кисела Вода станува пример за општина која активно инвестира во образованието, младите и семејствата. Тоа е вистински доказ дека најдоброто допрва доаѓа!

Девет месеци по формирањето на српската влада и три месеци по уривањето на настрешницата во Нови Сад, во која загинаа 15 лица и предизвика бран протести и студентски блокади, српскиот премиерот Милош Вучевиќ поднесе неотповиклива оставка.

Со оставката на премиерот завршува и мандатот на целата влада.

Вучевиќ рече дека поднесува оставка по нападот врз студентите во Нови Сад и дека имал долг разговор со српскиот претседател Александар Вучиќ, кој, додаде, има разбирање за неговите аргументи.

Вучевиќ го осуди нападот врз студентите при што девојка е тешко повредена.

Тој додаде дека е уверен дека полицијата брзо ќе го реши случајот и ќе ги фати напаѓачите.

Воедно најави и дека оставка ќе поднесе и градоначалникот на Нови Сад, Милан Ѓуриќ.

„Сметаме дека објективно сме одговорни за она што се случи и затоа поднесуваме оставка“, рече Вучевиќ.

Тој беше назначен за премиер по парламентарните избори во декември 2023 година.

Во Нови Сад, родниот град на Вучевиќ, чиј градоначалник беше тој, се случи голема трагедија на 1 ноември 2024 година, кога се урна настрешница на железничка станица, при што загинаа 15 лица, а двајца беа тешко повредени.

Трагедијата предизвика протести низ целата земја кои деновиве станаа масовни.

Студентите повеќе од два месеци ги блокираат факултетите во Србија, барајќи одговорност за смртта на 15 лица, а институциите да почнат да работат според законот.

Само еден ден претходно, Вучевиќ беше на прес-конференција со српскиот претседател Александар Вучиќ и претседателката на парламентот Ана Брнабиќ, кога ги покани студентите и професорите на дискусија за излез од актуелната криза во земјата.

На истата конференција Вучиќ најави голема реконструкција на владата, велејќи дека очекува „да бидат сменети повеќе од 50 проценти од министрите“.

Српскиот парламент требаше да расправа за гласање доверба на владата во среда, на 29 јануари, на претходно барање на опозицијата.

По реакцијата на тетовскиот сојуз на борци, на СДСМ, Левица и на ВМРО-ДПМНЕ, владејачката партија Беса, од која доаѓа тетовскиот градоначалник Билал Касами, ретерира дека ќе ги менува имињата на тетовските улици без консензус и Бадентерово мнозинство во Советот на Општината.

Владејачката Беса ретерира дека ќе ги менува имињата на тетовските улици без консензус и Бадентерово мнозинство, откако борците од НОБ и македонскиот политички блок реагираа дека нема да дозволат улици да се именуваат по поранешни припадници на ОНА и на балисти. Претседателот на Комисијата за промена на имињата на улиците при Општина Тетово, Арѓенд Велиу, за „Слободен печат“ вели дека без консензус ќе нема промена на имиња на улици и дека не е точно дека веќе има изготвено список со нови имиња.

Од Владата му порачаа на тетовскиот градоначалник и владин партнер Билал Касами дека предлогот нема да му помине. Опозициските СДСМ и Левица, како и владејачката ВМРО-ДПМНЕ, се децидни дека без Бадентерово мнозинство нема да се именува и да се преименува ниту една улица во Тетово.

Целиот текст на slobodenpecat.mk