Во рамки на „Бетмен Илиевски шоу “ на Алфа ТВ, повик за кривична одговорност за врхушката на предходната власт на ДУИ и нивните сдс измеќари упати лидерот на Македонски Концепт, Петар Богојески.

Тој говореше за потребата од кривична одговорност за политичарите за лажни политички ветувања и за нивни погрешни одлуки.

„Говориме за кривична одговорност за лажни политички ветувања. Премногу трпат државата и граѓаните од погрешните проценки и одлуки на политичарите. За проценка не, но кога имаме одлука, мора да има и одговорност. Но не само казна на избори, поминаа изборите и толку. Тоа не е завршена работа. Потребно е да има и кривична одговорност. Посебно во делот на двата протоколи кон бугарскиот договор, потпишани од Димитров и Османи, кои драстично ја влошија македонската позиција во однос на бугарската. Потоа прифаќањето на францускиот предлог со кој бугарските уцени станаа дел од европската рамка. Да не говорам за предвремената имплементација на Преспанскиот договор и наметнување на северна во сите пори на животот во земјава, без отварање на преговори со ЕУ. Македонија ја разоружаа. Најмалку што треба да направиме е да утврдиме одговорност за врхушката која го туркаше тој процес, надвор од одредбите на договорот.“ – истакна Богојески.

Богојески даде забелешки и на процесот за реформирање на ЕУ и неможноста Унијата да се проширува, без внатрешно да се стабилизира. Особено за решение на бугарските уцени преку донесување на граѓански или европски Устав на Македонија, сличен на тој во Грција.

Мартин Цани, 14-годишниот фудбалер на Динамо од Тирана е убиен во училишниот двор во главниот град на Албанија, јавуваат локалните медиуми.

Цани бил избоден шест пати, што за жал било фатално.

Динамо излезе со соопштение во кое изразува длабоко сочувство до семејството Цани и ја истакнува поддршката во овие тешки моменти.

– Бевме длабоко шокирани од трагичната вест за прераното заминување на нашиот играч Мартин Цани, член на селекцијата до 15 години. Претседателот Адријан Барди и клубот ФК Динамо Сити изразуваат искрено сочувство до семејството Кана и се со нив во овие многу тешки моменти. Почивај во мир Мартин – гласеше соопштението на клубот од Тирана.

Министерката за енергетика, рударство и минерални суровини, Сања Божиновска, денеска го потпиша меморандумот за енергетска соработка меѓу Македонија и Косово.

Со овој документ се поставуваат темелите за заеднички енергетски проекти, инвестиции и размена на знаење, насочени кон стабилна енергетска транзиција, развој на обновливи извори на енергија и обезбедување сигурно снабдување.

„Балканот може и мора да биде пример за енергетска одржливост. Ова партнерство е важен чекор кон градење подобра енергетска иднина за сите нас,“ истакна Божиновска.

Меморандумот ја истакнува важноста на регионалната соработка за постигнување долгорочна енергетска стабилност и одржлив развој.