Connect with us

Забава

Убави вести за Рибите, Близнаците да очекуваат интересна љубовна средба

Published

on

ОВЕН

Можно е во минатиот период да сте имале многу работни проблеми, а сега настапува фаза на олеснување. Полето флерт ви е добро поставено и може да очекувате дека ќе бидете задоволни. Внесувајте повеќе магнезиум.

БИК

Ве очекува шанса да ги покажете своите амбиции. Ќе успеете да ги остварите зацртаните цели. Очекувајте интересно познанство со личноста која ќе покаже интерес кон вас. Ќе ви годи масажа.

БЛИЗНАЦИ

Доколку се занимавате со работа која има врска со комуникација, имате можност да постигнете значаен успех. Очекувајте интересна љубовна средба со личност која ја познавате веќе подолго време. Ќе ви годи прошетка.

РАК

Ве очекува поволен период за остварување на напредок. Судбината е на ваша страна ако се занимавате со приватна работа. Пред вас е одличен ден за ново познанство. Би требало да биде добро.

ЛАВ

Може да очекувате разрешување кога е во прашање вашата работа. Ќе имате доста среќа на ова поле. Ве очекува интересно познанство во кое ќе уживате. Подготвени сте за љубовна авантура. Добро здравје.

ДЕВИЦА

Можно е да имате прилика да напредувате. Ве очекуваат нови шанси и можности. Ве очекува флерт со личност која ќе покаже дека е подготвена за врска. Бешиката ви е чувствителна.

ВАГА

Се потпирате на своите соработници и подготвени сте да покажете иницијатива за поттикнување на нови проекти. Саканата личност е подготвена вашата врска да напредува. Добро се чувствувате.

ШКОРПИЈА

Имате некои важни работни договори. Може да очекувате дека судбината ќе ви биде наклонета. Очекувајте добар однос со личноста која ви значи. Пад на имунитетот.

СТРЕЛЕЦ

Ќе немате премногу работа и обврски во текот на овој ден. Ќе имате шанса да се одморите.Може да се надевате на средба со вашата симпатија. Наскоро би требало да дојде до почеток на врска. Минлива аритмија.

ЈАРЕЦ

Нови случувања ве очекуваат, а ви се пружа шанса на работното поле да правите големи промени. Односот со саканата личност постепено напредува и искрени сте еден кон друг. Водете сметка околу стомакот.

ВОДОЛИЈА

Комуникацијата со вашите блиски соработници станува отежната, постојат проблеми кои може да се нерешливи. Не ви е лесно да бидете сосема отворени по прашањето на своите емоции кон партнерот. Избегнувајте цигари.

РИБИ

Ве очекуваат некои убави вести кои ќе ви ја поттикнат надежта за добра иднина за работата. Отворено покажувате дека сте подготвени со саканата личност да работите вашиот однос да напредува. Водете сметка околу исхраната.

Забава

Мизар за новите убави деца на Скопје и Македонија!

Published

on

Ќе напишам рецензија за вчерашниот концерт на Мизар, но не очекувајте никаква објективност од мене дека дури и со сила да се обидам нема да можам.

Тие кои ме познавате одамна знаете дека бев и сум исклучително голем фан. Така и ќе започнам. Се сеќавам точно на денот некаде 1991/2 кога на Зелено пазарче (на она истото каде што се продава овошје и зеленчук) ја купив касетата односно вториот албум на Мизар „Свјат Дримс“. Сѐ после ова одеше по некој природен тек на нештата или мојата желба да свирам, запознавањето со првиот албум „Девојка од бронза“, наоѓање на гаражни демо снимки од сите можни постави особено некои верзии на кои пее Горан Трајковски, па Вртев, следејќи ги сите откровенија на Мизар, па сите нови постави од Горан, па Нора, па Хармосини, Кисмет проектот на Горазд варијантата со девојката (нека ми прости ѝ го заборавив името). Да бидам малку реален сепак, некои од поставите имаа повеќе, а некои помалку успех.

Но, дури вчера во МКЦ сфатив дека секој кој „прошол“ низ Мизар имал причина или попрецизно минал дека така требало да биде за да можеме да ги слушаме во живо Мизар и во 2024 година. За жал, Мизар во постава со Горан Таневски имав можност да ги гледам само еднаш во живо пред платото на денешна зграда на влада, а тогашна ЦК. Беше групна свирка и звучеа страшно добро, а таа вечер со Деан Ќурчиев (Ќуре) мислам го запознавме и нашиот прв тапанар Пајо кој исто така беше фан на Мизар. Веќе на вториот концерт на кој бев присутен во Куршумли ан – Мизар имаа нов вокален изведувач односно пееше Нора наместо Таневски.

Во изминативе 3-4 години имав на некој начин подиректна врска, односно моите музички проекти меѓу другите локации ги снимав и правев во студиото на Нико (сегашниот вокал), „Вруток“, а таму проби правеа Мизар во горе доле екипа со вчерашната постава. Имав можност да ги слушнам неколку пати на проба и да ја осетам новата енергија. Ако не грешам Нико минатата година почна да пее бек вокали со Мизар за од оваа година да биде лид вокал. Истиот ден кога дознав за најновиот лајнап на Мизар, беше моментот кога започнав како Годо да го чекам вчерашниот ден за концертот во Скопје.

Денсинг салата на МКЦ вчера во ден недела кој не е не баш идеален ден за концерт на Мизар беше полна со народ како на времето. Локацијата за концертот е единствениот објект во Скопје кој во 2024 тоа и го залужил да биде. Пред концертот им се убацив на тонската проба и слушајќи ги како го нивелираат звукот свирејќи ја „Униније“ конечно ми дојде сознанието за она погоре што го напишав, за тоа дека секој што бил дел од Мизар бил со причина во Мизар за да остави трага, да остави ѕвездена прашинка и да ја пренесе на новите кои доаѓаат по него. И, сѐ ова за да може Горзад сето тоа да го склопи да звучи како што звучеше вчера – „силно и моќно – како да е направено за 2024 година“!

Влезот на концертот беше со новата ствар „Псалм 135“, а во првите 20 секунди присутните во МКЦ од кои повеќето не ги познаваа вокалните капацитети на новиот пејач Нико мислам дека беа разнесени од точноста, прецизноста и полниот израз на бендот. Некаде на половина песна знаев кој ќе биде муабетот утре у Скопје – „Мизар звучеа беспрекорно под конец“. На концерт бев со пријател странец кој да речеме има рафиниран музички вкус (малку повеќе џез) и кој за првпат ги слуша Мизар. Нему сите песни му имаа исто значење така што неговата констатација дека звучат како сериозен светски бенд има веројатно поголема објективна тежина од мојава рецензија. Скопје од доцните 80-ти и почеток на 90-тите вчера беше во МКЦ, но беа и нивните деца млади, некои претпоставувам ги донеле старциве на „сила“ да видат и да чујат како растеле. Но, тоа што мене особено ме импресионираше вчера е дека тие нови деца не слушаа некој стар бенд со носталгични звуци, туку слушаа зрел легендарен бенд кој произведува модерен звук.

Рецептот на Горазд – функционира и за младиве генерации.

После првите нови ствари кои ги отсвирија маестрално, со нови аранжмани започна серијата на концертот со старите ствари од „Униније“, преку „Дождот“, „Магла“ и очекуваната кулминација со „Девојка од бронза“ и хорскиот крај на сите заедно со публика и повик од истата „Разбудииииии се……разбудиииии се“!

После ова концертот течеше би рекол природно како што треба кон својот крај.

Тоа што сакам да го напишам на крај е дека ги имаме Мизар во 2024 година кои ако сакаат можат уште многу да донесат во нашево општество.

Влијанието на музиката е исклучително важно во развојот на генерации млади луѓе и тоа не само од аспект на музиката како уметност сама по себе. Факт е дека тоа на каква музика растеш, таа те води кон тоа какви книги читаш, како се образуваш, до моментот каков партнер(ка) ќе одбереш, другар, пријател, колега, дали ќе ти заминат некои од нив да станат монаси или да возат камион во САД, каде ќе се вработиш, дали ти ќе придонесуваш во социјално-општествена смисла за твојата земја одредена додадена вредност или нема и таканатака.

Мизар придонесуваат многу, веќе долги години, но тоа што ме радува е дека продолжуваат да го прават истото и тука ќе се, во Скопје, Македонија за децава во годиниве пред нас.

Извор: МКД.мк

Continue Reading

Забава

Боки 13 го откажа и гостувањето во поткастот кај Стефан Лазаров

Published

on

Бојан Јовановски, познат во јавноста како Боки 13 преку социјалните мрежи соопшти дека поради влошена здравствена состојба го откажува и најавеното гостување во поткастот кај Лазаров кое беше закажано за утре.

Како што е познато, Бојан Јовановски деновиве се откажа и од организацијата околу големата наградна игра со Стефан Лазаров, исто поради влошена здравствена состојба, но и претрпен стрес.

Continue Reading

Забава

ДВА ЗБОРА СОВРШЕНО ГО ОПИШУВААТ: Југо стана ХИТ во Америка, заради регистрацијата

Published

on

Фотографија од „југо“ на американски автопат предизвика возбуда на социјалните мрежи, иако автентичноста на сликата не е потврдена. Луѓето најмногу ги возбуди натписот на регистрацијата за кој не се знае дали е вистински или монтиран, а кој со хуморот предизвика носталгија кај корисниците на социјалната мрежа Фејсбук и започна дискусија на интернет.

Пред речиси пет децении во фабриката „Застава“ во Крагуевац беше склопен првиот автомобил „Застава корал“, попознат како Југо, кој стана еден од најпрепознатливите симболи на Југославија.

Првиот автомобил беше подарен во далечната 1977 година на Јосип Броз Тито. Автомобилот, кој некогаш важеше за гордост на југословенската автомобилска индустрија, беше претставен на американскиот пазар во 80-тите години, но подоцна стана предмет на потсмев. Често се нарекува „најлошиот автомобил на сите времиња“.

На Фејсбук во групата Scenic Depictions of Slavic Life беше споделена фотографија од југото, а направена на американските патишта. Креативната регистарска табличка со натпис „bad car“ лош автомобил) ги насмеа корисниците.

Следуваа многубројни коментари. „Кажете што сакате, но автомобилот е сè уште во возна состојба“, гласи еден од нив. „Легенда“ и „Мојот прв автомобил“, напишале други корисници. Друг корисник додал дека се работи за бесмртна југословенска кола. „Немам возачка дозвола, но ако некогаш добијам, ќе биде на југо“, напишала една корисничка.

Continue Reading
Advertisement
Advertisement

Трендинг

Copyright © 2024 Булевар.мк