Полицијата и Обвинителството истражуваат што се случувало на извидничкиот камп за сексуална едукација викендов во Зелениково, а Јавното обвинителство ги преземаат сите мерки, но реагираше и Град Скопје.
Според информациите до кои дојде „Фокус“, Град Скопје во 2019 година финансиски го поддржал кампот наречен „Секс, извидници и рокенрол“ или „Sex scouts and Rock n Roll“ организиран од Првиот скопски извиднички одред, а сега се оградува.
„Сакаме да информираме дека во проектната документација доставена до нас, ја нема наведено спорната активност ниту имаат доставено каква било информација која би укажала на одржување на истата.
Дополнително, учесниците на настанот учествувале во приватна режија и не биле организирани од училиштата. Имајќи предвид дека настанот кој се случил предизвика лавина негативни реакции во јавноста и не шокираше и нас како институција, Град Скопје го прекинува договорот со Првиот скопски извиднички одред.
Ја споделуваме загриженоста и осудите од страна на стручните лица и општата јавност и се согласуваме дека сексуалното образование не може да се спроведува од ентузијасти туку исклучиво од професионалци во областа“, посочија оттаму.
Родител на малолетнича за Слободен Печат алармираше дека активностите биле несоодветни: Вклучувале соблекување на облеката и прашање колку сексуални партнери имале децата, глумење секс пози, сликање панорамска слика со секс пози до манастир.
Извидничкиот камп кој се одржал викендов, а каде како што споменавме имало непримерни активности во кои малолетници ги боеле своите полови органи и оставале отпечатоци од нив на хамер и симулирале секс пози…