Полскиот премиер Матеуш Моравјецки ја предупреди ЕУ да не ѝ држи „пиштол в глава, на Полска, тврдејќи дека Варшава ќе се брани со сите средства доколку Брисел ја започне Трета светска војна со тоа што ќе ја казни земјата со тоа што ќе ѝ ги ускрати парите од фондовите за обновување по пандемијата со ковид.
Острата изјава на Моравјецки дојде откако Европската комисија ѝ се закани на Полска дека ќе ја остави без милијарди грантови и заеми како одмазда за одлуката на Уставниот суд на земјата, кој даде приоритет на националното законодавство пред европското законодавство.
„Што ќе се случи ако Европската комисија ја започне Третата светска војна? Ќе ги браниме нашите права со сето оружје со кое располагаме“, рече Моравјецки на прашањето на „Фајненшл тајмс“ дали Полска може да стави вето на важните европски регулативи, како што е законодавниот климатски пакет.
„Сметаме дека ова е веќе прашање на дискриминација и пристап заснован на диктат од Брисел. Но, ако се влоши, ќе треба да размислиме за нашата стратегија“, изјави Моравјецки.
Полскиот премиер ги опиша заканите за негирање на пакетот помош од 36 милијарди евра за обнова по пандемијата како кршење на владеењето на правото и рече дека Полска нема да се предаде.
Моравјецки вели дека ЕУ треба да се откаже од своите неодамнешни потези против Полска, како дневните казни додека земјата не ги спроведе одлуките на Европскиот суд за судските реформи, со цел да се постигне компромис.
„Тоа би било најмудрото нешто што можат да го направат, бидејќи тогаш нема да разговараме со пиштолот вперен во главата“, рече Моравјецки.
Сепак, како што наведе, неговите неодамнешни разговори со германската канцеларка Ангела Меркел, францускиот претседател Емануел Макрон и шефицата на Европската комисија, Урсула фон дер Лајен, биле задоволителни. Тој додаде дека нема да има „Пореџит“, односно излегување на Полска од ЕУ.
Швајцарското село Албинен во кантонот Вале нуди повеќе од 50.000 евра на семејствата кои се подготвени да се преселат на 1.300 метри надморска височина каде што ќе ги пречека недопрената природа.
Имено, ова живописно село сместено на планинска падина последните години се соочува со проблем на депопулација поради недостиг на работа, а бидејќи има само околу 200 жители, швајцарската влада одлучила да им плати на луѓето да се преселат.
Владата нуди 25.000 евра за возрасен, 50.000 евра за двочлено семејство и дополнителни 10.000 евра по дете. Сепак, постојат неколку услови што мора да ги исполните.
10 години на село
Имено, сите оние кои сакаат да дојдат и да живеат тука од својата работа мора да бидат помлади од 45 години. Покрај тоа, тие мора да останат да живеат во селото најмалку 10 години.
Добиената финансиска поддршка мора да ја вложите во купување на недвижен имот со минимална вредност од 200.000 евра и тој да стане ваш постојан дом, а не второ живеалиште. Доколку ги прекршите условите, ќе мора да ги вратите парите на државата.
Дополнително, за да аплицирате, мора да сте швајцарски државјанин или да имате дозвола за постојан престој (Дозвола В). За оние кои доаѓаат од земја членка на Европската унија, дозволата може да се добие за пет години.
Банката на Ирска се соочи со криза откако многу нејзини клиенти се собраа на банкоматите обидувајќи се да го искористат компјутерски дефект. Илјадници луѓе се наредија пред филијалите за да подигнат пари што ги немаат на сметките. Во некои случаи, грешка во онлајн апликацијата им дозволуваше на луѓето без пари на нивната сметка да префрлат до 1.000 евра.
Дејли Мејл објави дека банката ги известила клиентите во раните попладневни часови дека има проблем со нејзината онлајн апликација за лично банкарство и веб-страница, откако претходно била преплавена со поплаки од клиенти.
До вечерта, клиентите на банките открија дека можат да подигнат готовина од банкомати иако имаат малку пари на нивните сметки. На властите им беше наложено да ги исчистат редиците надвор од банкоматите додека луѓето стоеја обидувајќи се да ја искористат грешката.
Откако веста се рашири на социјалните мрежи, избезуменото повлекување готовина продолжи во Даблин, Лимерик и Наван. Полицијата се обидуваше да ги запре, а граѓаните беа предупредени дека не постои бесплатна готовина и дека сите пари ќе мора да се вратат.
Големи поплави ја погодија Словенија на крајот на минатата недела, додека во Хрватска бројни реки соборија рекорди кога станува збор за нивото на водата.
Поплавите се забележани и од вселената. Споредбата на сателитски снимки Сентинел-1 САР пред поплавите на 24 јули и на денот на највисокото ниво на водата на 5 август ги покажува размерите на катастрофата, пишува „Н1“.
Според првата проценка, поплавената површина на овој простор е околу 13 километри квадратни.
Делови од Словенија се’ уште се поплавени, а многу патишта се затворени, јави денес словенечката новинска агенција СТА.