Македонија

Приведени десет лица меѓу кои и полицицајци и цариници во полициската акција во Куманово, Скопје и Тетово

Published

3 years ago

December 21, 2021

Скопје, 21 декември 2021 (МИА) – Во големата полициска акција што се спроведува од претпладнето полицијата приведе десет лица од Куманово, Скопје и Тетово меѓу кои и полициски и царински службеници. Деветмина се сомничат дека извршиле кривично дело криумчарење, а тројца од нив за неовластена трговија со прекурсори, а кај еден бил пронајден и одземен кокаин.

– По преземени повеќемесечни мерки и активности по насока на Јавен обвинител од Основното јавно обвинителство за гонење на организиран криминал и корупција, од страна на полициски службеници од Одделот за криминалистичка полиција – Сектор за недозволена трговија со дрога во содејство со Одделот за сузбивање на организиран и сериозен криминал, Одделот за специјални полициски операции и СВР Скопје спроведена е голема акција со претреси на повеќе локации во Куманово и Скопје, при што се лишени од слобода десет лица, и тоа Б.А.(35), М.А.(40), И.А.(45), И.Ф.(47), А.А.(43), сите од Куманово, А.Ж.(53), Т.Т.(54), Д.К.Ш.(43), Џ.Ш.(36), од Скопје и Љ.Љ.(36) од Тетово, меѓу кои тројца полициски службеници и петмина царински службеници. Деветмината се сомничат дека извршиле кривично дело „криумчарење“, а тројца од нив дека сториле и кривично дело „неовластено производство и пуштање во промет наркотични дроги, психотропни супстанции и прекурсори“ по чл.215 од Кривичниот законик, додека при претрес кај А.А. бил пронајден и одземен кокаин, соопшти МВР.

Во текот на месец ноември 2021 година четворица од нив, меѓу кои два полициски службеника, во два наврата учествувале во неовластено пренесување заради продажба на прекурсори, од царинската испостава на Меѓународен аеродром Скопје до зелениот појас во близина на државната граница меѓу нашата држава и Косово. Притоа, осомничените царински службеници постапиле спротивно на нивните службени надлежности и не извршиле соодветна контрола на стоката согласно декларираната.

Јавното обвинителство соопшти дека надлежен јавен обвинител донел наредба за спроведување на истражна постапка против деветте лица од кои двајца полициски службеници и петмина царински службеници. Лицата, како што посочија оттаму, се осомничени дека сториле кривично дело криумчарење, а на тројца на товар им се става и кривичното дело неовластено производство и пуштање во промет наркотични дроги, психотропни супстанции и прекурсори.

– Осомничените царински службеници спротивно на нивните службени надлежности и покрај тоа што за пристигнатата стока модулот за управување со ризик при системот СОЦДАД определил црвен канал, што подразбира задолжителен детален преглед со кој ќе се спореди фактичката состојба со декларацијата, не постапиле и не извршиле соодветна контрола со која би ги утврдиле неправилностите. Со ваквото постапување како службени лица овозможиле преку царинска линија пренесување на стоки различни од декларираните, соопшти Јавното обвинителство.

Осомничените ќе бидат изведени пред судија на претходна постапка при Основниот кривичен суд – Скопје во текот на денешниот ден. Надлежниот обвинител од Основното јавно обвинителство за гонење на организиран криминал и корупција ценејќи дека се исполнети условите, ќе му предложи на судот на сите осомничени да им биде изречена мерка притвор. Обвинителството, МВР и Царинската управа продолжуваат со интензивна работа во насока на расчистување на случајот.

Related Topics:апсење Куманово полиција скопје Тетово

Up Next

Пpoфecop до Цapoвcкa: Нeпoчитувaнa, бeвтe нajлoшиoт миниcтep во иcтoриjaтa

Don't Miss

Уaпceни пoлицajци и цaриници во aкциjата во „Дивo наceљe“

Македонија

СВР Тетово со соопштение за семејната трагедија која го потресе Тетово

Published

2 mins ago

January 3, 2025

Арлингтон

Соопштение СВР Тетово 2 јануари 2025

Денеска (02.01.2025) околу 18.50 часот во Блок 70 во Тетово, во неговиот дом бил пронајден С.Н.(39) без знаци на живот, со прострелна рана во главата.

С.Н. живеел со неговиот татко, кој бил пронајден во бессознание и од Итна медицинска помош бил пренесен во Ургентен центар Тетово. Во просторијата каде бил пронајден С.Н., пронајдена е ловечка пушка.

По преземени мерки и активности за расчистување на случајот, во координација со јавен обвинител, утврдено е дека
се работи за кривично дело “убиство” сторено на 31.12.2024, каде по претходна физичка пресметка, М.Н. (65) со ловечка пушка го усмртил неговиот син С.Н.

По документирање на случајот ќе биде поднесена соодветна пријава.

Македонија

Шест уапсени на различни локации во Скопје

Published

13 mins ago

January 3, 2025

Арлингтон

На 02.01.2025 во 14.15 часот во Скопје, на подрачјето на Бит Пазар, полициски службеници од Единицата за интервентна полиција при СВР Скопје, го лишиле од слобода Ф.С.(29) од Скопје, затоа што кај него била пронајдена и одземена марихуана. По целосно документирање на случајот ќе следува соодветен поднесок.

На 02.01.2025 во 16.15 часот во Скопје, на подрачјето на Шуто Оризари, полициски службеници од Единицата за интервентна полиција при СВР Скопје, го лишиле од слобода О.Р.(41) од Скопје, затоа што кај него била пронајдена и одземена марихуана. По целосно документирање на случајот ќе следува соодветен поднесок.

На 02.01.2025 во 14.10 часот во Скопје, на подрачјето на Карпош, полициски службеници од Единицата за интервентна полиција при СВР Скопје, го лишиле од слобода С.Ш.(28) од с.Крушопек, скопско, затоа што кај него била пронајдена и одземена марихуана. По целосно документирање на случајот ќе следува соодветен поднесок.

На 02.01.2025 во 21.40 часот во Скопје, на подрачјето на Гази Баба, полициски службеници од Единицата за интервентна полиција при СВР Скопје, го лишиле од слобода С.С.(22) од Кочани, затоа што кај него била пронајдена и одземена марихуана. По целосно документирање на случајот ќе следува соодветен поднесок.

На 02.01.2025 во 15.00 часот во Скопје, на подрачјето на општина Аеродром, полициски службеници од Единицата за интервентна полиција при СВР Скопје, го лишиле од слобода И.С.(39) од Скопје, затоа што кај него била пронајдена и одземена марихуана. По целосно документирање на случајот ќе следува соодветен поднесок.

На 02.01.2025 во 23.45 часот во Скопје, на подрачјето на Чаир, полициски службеници од Единицата за интервентна полиција при СВР Скопје, го лишиле од слобода А.Љ.(25) од Скопје, затоа што кај него била пронајдена и одземена марихуана. По целосно документирање на случајот ќе следува соодветен поднесок.

Македонија

Коњановски со младите: Заедно во подготовките за Бадниковата поворка

Published

1 hour ago

January 3, 2025

Арлингтон

Битола повторно го слави Бадник со големата Бадникова поворка, а во центарот на подготовките оваа година е градоначалникот на општина Битола, Тони Коњановски. Со несебична посветеност, Коњановски лично се вклучи во изработката на над 2000 Божиќни ѕвезди во работилницата, заедно со организаторите и најмладите жители на градот.

Овие светлечки симболи ќе го осветлуваат патот на Бадникарчињата на 6 јануари, кога точно на пладне, од Плоштадот Магнолија по Широк Сокак, ќе започне годинешната поворка. Секоја ѕвезда ја симболизира Божиќната ноќ, кога светот го пречекува Христовото раѓање, а учеството на децата во оваа традиција е најубавото навестување на празникот.

„Со задоволство се приклучив на подготовките за Бадниковата поворка, бидејќи ова е празник кој ја обединува целата заедница и ја слави традицијата на нашиот град,“ изјави Коњановски.

Организацискиот тим ја одржа и последната проба, со цел настанот да се реализира беспрекорно. Со поддршката на општината и посветеноста на учесниците, Битола се подготвува за уште едно празнување кое ќе ја зачува и пренесе убавината на македонските традиции.