Семејна живинарска фарма во населбата Мезез во Тирана е жариште на птичји грип(Х5Н1). Извршена е контрола и се преземат соодветни мерки, објавија медиумите во албанскиот главен град.
Во меѓувреме се врши проверка и во други фарми во поблиските места за да се потврди дали има и други случаи.

– Надлежните издадоа забрана за продажба и тргување на отворен простор и пазари за жива живина, како и за движење на жива живина од фарма до фарма и од фарма до сточни пазари, додаваат медиумите.

Исто така не се дозволува движење на живи птици без овластување од официјален ветеринар, без извршен PCR тест и потврда дека птиците се негативни на болеста птичји грип.

Од Институтот за јавно здравје попладнево информираа дека засега нема регистриран случаи со птичји грип кај човек.

Уште еден посилен земјотрес ја стресе Грција предмалку, петти по ред во 20 минути. Последниот земјотрес е со магнитуда од 4.2 степени по Рихтер, малку послаб од оној првиот со јачина од 5.3 степени по Рихтер.

Сите земјотреси се со ист епицентар, на 62 километри од Солун, а овој пат земјотресот беше на длабочина од 8.3 километри.

Останатите земјотреси беа нешто послаби со магнитуда од 2.7 и 2.3 степени по Рихтер.

Сите земјотреси беа почувствувани и во повеќе делови на Македонија каде значително се занишаа домовите на граѓаните.

Албанскиот премиер Еди Рама беше топло пречекан во Солун, Грција, каде се сретна со припадници на албанската заедница.

Рама изјави дека 50 албански наставници во Грција наскоро ќе почнат да го предаваат албанскиот јазик.

Тој исто така додаде дека концептот на грчката крајна десница за „Северен Епир“ е завршен.