Connect with us

Свет

Путин: Доњецк, Луганск, Запорожје и Херсон од денеска се руски засекогаш

Published

on

Пред стотици гости, пратеници, верски лидери во салата Свети Ѓорѓи во Големата палата во Кремљ, Владимир Путин порача дека Доњецк, Луганск, Запорожје и Херсон од денеска се руски засекогаш. Во говор проследен со овации, а на кој претходеше едноминутно молчење за руските жртви во војната, рускиот претседател рече, Западот нека запомни, тоа се сега наши граѓани. Советскиот сојуз веќе не постои, тоа е историја, која на Русија не ѝ е потребна.

-Денеска потпишуваме договор за приклучување во составот на Русија на Република Доњецк и Лиганск и Запорошката и Херсонската област. Убеден сум дека Федералното Собрание ќе ги поддржи Уставот и законите за присоединување Кон Русија на четирите нови региони и нови субјекти на Руската Федерација, затоа што тоа е волја на милиони луѓе. , изјави Владимир Путин, претседател на Русија.

И додека во Кремљ се официјализираше анксијата на четирите региони, под неговите ѕидини, на Црвениот Плоштад се прават последните подготовки за вечерашниот концерт, со единствената дилема кај Русите дали ќе присуствува и Владимир Путин. И додека Москва се подготвува за славје, а државната телевизија во програмата одбројуваше до историскиот чин, крвав масакр претпладнето потсети дека мирот е подалеку од кога и да е. Најмалку 24-ца цивили загинаа, а 30-ина се ранети, во сега анектираното Запорожје, во како што обвини украинската војска, руско гранатирање на конвој со цивилни возила. Москва отфрла одговорност и ги обвинува украинската сили за нападот, во кој половина од жртвите биле жени, вклучително и едно дете.

Украинскиот претседател Зеленски го свика Советот безбедност и порача дека ќе ги поврати сите украински територии. На руски јазик побара поддршка и од граѓаните на Русија.

-Ова се уште може да се заопре. Но за да се запре ова, вие треба да го запрете тој еден (Путин) во Русија, кој сака војна повеќе од живот, вашиот живот, граѓани на Русија. , изјави Володомир Зеленски, претседател на Украина.

Осуди и денеска пристигнуваат од сите западните сојузници. По најавениот 8-ми пакет санкции на Брисел, и Вашингтон најави нови остри мерки против Русија.

-Сакам да бидам многу јасен во врска со ова, САД никогаш, никогаш, никогаш нема да ги признаат руските претензии врз суверената украинска територија. Овој таканаречен референдум беше лажна, апсолутна измама со резултатите фабрикувани во Москва. , изјави Џо Бајден, претседател на САД.

-Ова е спротивно на целите и принципите на Обединетите Нации. Ова е опасна ескалација, за која нема место во современиот свет и не смее да се прифати. , изјави Антонио Гутереш, Генерален секретар на ОН.

Анектирањето на четирите украински региони, следи една недела по таканаречените референдуми во четирите региони, кои по урнекот на Крим, пред осум години, се изјаснија за припојување кон Русија. Доколку се реализира руското сценарио, Украина би загубила 15 проценти од територијата, односно 90 илјади квадратни километри, што за споредба чинат една Португалија или Унгарија.

Свет

Јужна Кореја го доби првиот САМОВОЗЕЧКИ АВТОБУС, кај нас уште приватен автобус се чека (ВИДЕО)

Published

on

Главниот град на Јужна Кореја го доби првиот вистински самовозечки автобус. Новото возило не изгледа како обичен автобус – целосно е симетрично, со заоблени рабови и големи прозорци, пораки кои повеќе изгледа како играчка отколку како најсовремена форма на превоз.

Од страртапот 42 Dot, во сопственост на јужнокорејската компанија Hyundai, кој ја направил технологијата за автономно возење, велат дека таквиот дизајн е намерен и дека тоа е иднината на возењето, па затоа бара и извонреден дизајн.

Автобусот изгледа како Лего затоа што е направен од композитни делови за да се намалат трошоците и да се олесни реплицирањето. Како што велат од стартапот, целта на компанијата е да ја направат технологијата евтина, безбедна и лесно пренослива на многу видови возила во иднина.

Засега под надзор на возач автобусот ќе вози по кружна рута од 3,4 км во центарот на Сеул, во траење од околу 20 минути. Луѓето можат да се качат на една од две станици откако бесплатно ќе резервираат безплатно место преку апликација.

Автобусот за навигација користи камера и ласер наместо скапи сензори. На денот на воведувањето на новата автобуска линија многу минувачи ги заинтригирал дизајнот на автобусот. Застанале за да го фотографираат и да ѕирнат внатре.

Continue Reading

Свет

Путин им изрази сочувство на мајките на војниците кои војуваат во Украина

Published

on

Рускиот претседател Владимир Путин се сретна со мајките на војниците кои учествуваат во војната во Украина и им кажа дека сочувствува со нивните страдања.

На претходно снимен состанок што беше емитуван на државната телевизија, Путин им рече на мајките на војниците да не веруваат во се што гледаат на телевизија или читаат на Интернет, тврдејќи дека има многу лаги за конфликтот.

Седејќи со група мајки на маса со чај, колачи и чинии со свежи бобинки, Путин рече дека тој и целото руско раководство ја разбираат и сочувствуваат со болката на оние кои ги загубија синовите во борбите во Украина.

I share pain': Vladimir Putin says to mothers of soldiers killed in Ukraine  | Mint

„Сакам да знаете дека јас лично и целото раководство на земјата ја споделуваме вашата болка. Разбираме дека ништо не може да ја замени загубата на синот, особено за мајката. Ја споделуваме вашата болка“, рече Путин.

Според „Гардијан“, Путин, наводно, рекол дека не жали што започнал специјална воена операција во Украина и ја опишал војната како „славниот момент“ во кој Москва конечно застанала против „западната хегемонија“.

Коментарите на мајките до претседателот не беа веднаш прикажани во снимениот телевизиски клип.

Руските медиуми јавуваат дека на средбата со претседателот присуствувале мајките на 17 руски војници кои учествуваат во војната, кои потекнуваат од различни региони на земјата.

Continue Reading

Свет

Како да не ги сакаш – ГО ИСЧИСТИЈА ЦЕЛОТО ЃУБРЕ ОД ТРИБИНИ (Видео)

Published

on

Јапонија вчера го приреди второто големо изненадување на Светското првенство во Катар кога ја совлада Германија со 2:1, но место да продолжат да слават, јапонските навивачи покажаа дека добрите манири и навики се на првото место, без разлика на ситуацијата.

По завршувањето на натпреварите, трибините вообичаено се полни со отпадоци, најчесто од храна и пијалаци, зашто навивачите сметаат дека има кој да зачисти зад нив. Јапонците не се однесуваат така.

Додека нивните фудбалери го напуштаа теренот, јапонските фанови зедоа пауза од славењето со цел да го соберат ѓубрето од стадионот „Халифа“. Тие го правеа истото и на последното Светско првенство во Русија, па дури и по првиот меч во Катар, кога Јапонија не ни играше, туку домашната селекција против Еквадор.

Во Јапонија, чистењето е дел од културата и оваа навика им се всадува на луѓето уште на рана возраст.

„Чистењето е начин на кој Јапонците ја демонстрираат гордоста со нивниот начин на живот. Собирањето ѓубре по фудбалски натпревари е само продолжување на основното однесување што го учат во училиште, каде што децата редовно ги чистат училниците и ходниците“, вели Скот Норт, професор по социологија на Универзитетот во Осака.

Continue Reading
Advertisement
Advertisement

Трендинг

Copyright © 2021 Булевар.мк