ССМ не попушта. Останува на барањето за разрешување на директорот на Водовод.
Бараат најдоцна до утре да се сретнат со скопската градоначалничка околу состојбите во претпријатието, но иако досега испратиле две писма до Арсовска, повратен одговор не добиле, вели Претседателот на синдикатот Дарко Димовски.
Доколку нема средба, најавува, дека веднаш ќе ја почнат постапката за штрајк а ако во рок од 10 дена со помош на медијатор не се изнајде прифатливо решение, вработените ќе престанат со извршување на своите работни задачи. Сепак, уверува дека оваа не е закана дека ќе биде запрено водоснабдувањето, како што првично беше разбрано.
Димовски не се согласува со тврдењата на Арсовска дека Водовод е претворено во канцеларија за партиски вработувања, пред се во администрацијата. Не верува во најавите за хоризонтална реорганизација и, како што кажа, синдикатот нема да дозволи анархија во претпријатието.
Арсовска ги повика надлежните органи да ги спречат најавите за прекин на водоснабдувањето на градот во случај на штрајк. Од Основното јавно обвинителство за Канал 5 истакнаа дека ги следат сите информации и ќе постапат доколку бидат утврдени елементи на кривично дело.
Елката во Скопје иако крива, но и недокитена – стана популарната во Македонија. Ги засени сите декорации направени во другите делови од Македонија, но и другите општини во Скопје. Никој не знае зошто не е целосно украсена, а ниту која е фирмата која ја поставува за што ќе треба да платат скопјани. За нејзината популарност зборуваат бројните коментари и фотографии со неа.
„Каков народ, таква елка на плоштад: сиромашен, ужасен, грд за гледање“, стои во коментар на „Х“.
Тага и молк во основното училиште на убиената Вања Ѓорчевска. Во Ј.Х.Песталоци отворена книга на жалост. Се потпишуваат родители, познаници, но и соученици.Наместо детски џагор, тишина низ школскиот двор.
-Наставниците не умеат да ја решат оваа задача, Вања. Прости ни, не можеме, не знаеме како да се поздравиме… Нека ти биде светол патот кон вечноста! Твојата насмевка и искрена душа засекогаш ќе останат во нашите срца. Со неизмерна болка и љубов, твоите наставници и соученици, најмила Вања!- стои во објавата.
Умре и третата жирафа во скопската Зоолошка градина Флопи. Како што дозна САКАМДАКАЖАМ.МК од вработени во градината, единствената жирафа која остана во градината починала вчера попладне.
Сега во градината нема ниту една жирафа. Во мај годинава умре Каспер, а во јануари 2021 година Тобого.
Жирафите Тобого, Каспер и Флопи беа омилените жители на посетителите во скопската зоолошка градина.