Најмладата ќерка на Доналд Трамп, Тифани, се омажи за египетско-американскиот претприемач Мајкл Булос на семејниот имот Мар-а-Лаго.

На свадбата на Тифани преовладуваа белата и сината боја, а поранешниот претседател дефинитивно не штедел на свадбата на својата ќерка, за која отворено призна дека не му е омилена, туку всушност, „најмалку омилена“.

Кума била полусестрата на невестата Иванка Трамп, миленичката на Доналд, која според многумина ја засенила самата Тифани, која блескала во луксузната венчаница со долги ракави како принцеза од Ели Сааб.

Марла Мејплс, мајката на Тифани се појави во фустан од лаванда на едно рамо од истиот дизајнер.

Трамп беше во смокинг, понекогаш расположен, понекогаш со мрачно лице.

Младенците се венчаа пред семејството и пријателите под олтар украсен со розови, сини и бели цветови.

Цветниот аранжман одговараше на светлосиниот фустан што го носеа деверушите на Тифани Трамп, меѓу кои беше и нејзината полусестра Иванка Трамп. Постарата ќерка на Доналд Трамп, која американскиот милијардер ја имаше со поранешната сопруга Ивана Трамп, блесна во луксузна тоалета, кој ја искомбинира со фантастични металик сандали.

Откако младенците кажаа „I do“, започна уживањето во коктели. А кога падна ноќта, дојде време за екстравагантна церемонија на Флорида. Тифани и Мајкл ангажирале бенд со најмалку 10 членови и танчери, пишува Page Six.

Гостите уживаа во забавата на маси покриени со бујни цветни аранжмани и високи кристални канделабри.

Свадбата беше како раскошна бајка, но среќниот крај не беше без предизвици.

pic.twitter.com/aePBEtSxVv

— Pluton (@Pluton45873221) November 13, 2022

Само неколку дена пред големиот настан, Тифани, наводно, била лута откако нејзината „вечера за добредојде“ била загрозена поради ураганот Никол.

„Тие го испратија персоналот дома. Тифани сè уште беше таму“, изјави инсајдер за Page Six во четвртокот, мислејќи на луксузната резиденција на Доналд во Палм Бич.

“Некои гости доаѓаа една недела и ги планираа сите овие работи. Тоа требаше да биде гала настан. Мораа да ги откажат денешните настани и излегувањето на голф за утре. Сите останаа внатре”, додал изворот.

Ураганот Никол удри во Флорида претходно оваа недела и го затвори меѓународниот аеродром во Палм Бич, влијаејќи на тоа кој би можел да лета на свадбата.

Изворот претходно изјави дека младенците очекуваат 500 гости. Тогаш не се знаеше колку од нив морале да го откажат доаѓањето или начинот на кој стигнале до свадбата поради невремето.

„Тифани планираше голема свадба, нејзиниот вереник е од многу богато семејство, а таа е од многу богато семејство и тие сакаат сите нивни пријатели од целиот свет да бидат на свадбата“, изјави извор пред гала настанот.

Сепак, парот успеа да добие дозвола за венчавка во вторникот – само неколку часа пред судот во округот Палм Бич да биде принуден да затвори цела недела.

И покрај лошото време, Тифани вчера успеа да ја прослави својата венчавка со семејството и најблиските пријатели.

Да потсетиме, Тифани и нејзиниот четири години помлад сопруг Мајкл се свршија во јануари оваа година во дворот на Белата куќа.

Вереничкиот прстен чинел 1,2 милиони долари.

„Беше чест да прославувам многу пресвртници, историски прилики и да создадам спомени со моето семејство во Белата куќа. Ништо поспецијално од мојот ангажман со мојот неверојатен свршеник Мајкл“, напиша тогаш Тифани, а тие исто така го посетија Белград пред неколку години.

Зетот на Трамп е наследник на нигерискиот конгломерат „Boulos Enterprises“, за кој се претпоставува дека вреди неколку милијарди долари.

Двојката се запознала четири години претходно додека тој студирал во Лондон, а таа била на европски одмор. Младиот бизнисмен пред да ја запознае четири години постарата сопруга, често менувал девојки и се забавувал, а слободното време го користел за крстарење по Медитеранот. Меѓутоа, кога ја запознал Тифани – сè се променило.

„Црната овца на семејството“, како што американските медиуми ја нарекуваат Тифани, е една од ретките членови на семејството Трамп против кои не се води кривична постапка.

Фактот дека пораснала само со нејзината мајка Марла Мејплс, која му била втора сопруга на Доналд, ја направи Тифани сосема поинаква од остатокот од семејството, а и денес не е некој што „притиска“ да биде во центарот на вниманието. Всушност, фактот што сите овие години важеше за аутсајдер ја спаси од „влечење низ калта“ низ која поминаа нејзините браќа и сестри, пренесува Story.hr.

Врската помеѓу поранешниот американски претседател Доналд Трамп и неговата втора сопруга, актерката и поранешна манекенка Марла Мејплс, своевремено зовре во сите медиуми. Причината е едноставна – во времето кога двајцата ја започнаа својата романса, тој сè уште беше во брак со покојната Ивана Трамп.

Проблемите во бракот со Ивана станаа познати во 1989 година, кога на одмор во ски-центарот во Аспен изби јавна расправија, а Ивана поднесе барање за развод откако дозна дека Трамп има љубовница Марла.

По неговиот развод, прељубничкиот пар се венчал, а биле во брак од 1993 до 1999 година.

Разводот бил неизбежен бидејќи, како што подоцна објаснила Марла, „тие не се согласувале во погледите на светот, а имале поинаква идеја за воспитување на својата ќерка“.

После тоа, Марла се преселила во Калифорнија каде сама ја одгледала Тифани.

Фото: Инстаграм ТифаниТрамп/ИванкаТрамп/профи/инстаграм HABIBSAIDI_