Connect with us

Свет

(ВИДЕО) Додека известуваше за земјотресот, удри и втор, новинарот едвај остана на нозе

Published

on

Новинар на агенцијата Demirören Haber Ajansi во живо известуваше од Кахраманмарас, Турција, за последиците од земјотресот во раните утрински часови што го погоди југот на оваа земја и соседна Сирија, а токму додека известуваше во живо за програмата, градит беше погоден од втор земјотрес со јачина од 7,7 степени според Рихтеровата скала.

Паника настана меѓу луѓето кои ги пребаруваа урнатините зад него, некои луѓе скокнаа од урнатините, а новинарот едвај остана на нозе.

Погледнете ја снимката:

Свет

Што разговараа Трамп и Путин: Дали доаѓа крај на војната

Published

on

По едно и полчасовниот телефонски разговор со рускиот претседател Владимир Путин, американскиот претседател Доналд Трамп денеска разговарал и со украинскиот претседател Володимир Зеленски, пренесе Киев индипендент.

„Штотуку разговарав со претседателот на Украина, Володимир Зеленски“,напиша Трамп на Трут сошл. „Разговорот помина многу добро. Тој, како и претседателот Путин, сака да постигне МИР. Разговаравме за различни теми поврзани со војната, но најмногу за средбата што се одржува в петок во Минхен, каде што делегацијата ќе ја предводат потпретседателот Џеј-Ди Венс и државниот секретар Марко Рубио. Се надевам дека резултатите од таа средба ќе бидат позитивни. Време е да се запре оваа бесмислена војна, каде што имаше масовни, и тотално непотребни СМРТ и УНИШТУВАЊЕ. Господ да го благослови народот на Русија и Украина!“

https://truthsocial.com/@realDonaldTrump/113992264519415084/embed„Само што разговарав со Доналд Трамп“, изјави Зеленски по разговорот. „Долг разговор. За можностите за постигнување мир. За нашата спремност да работиме заедно. За нашите технолошки способности, вклучувајќи беспилотни летала и друго модерно производство“.

„Украина сака мир повеќе од кој било друг. Ги дефинираме нашите заеднички чекори со Америка за да ја запреме руската агресија и да гарантираме сигурен, траен мир“, додаде тој.

Неколку часа претходно, Трамп оствари повик со рускиот претседател Владимир Путин, во кој се согласиле дека преговорите за ставање крај на војната во Украина ќе почнат „веднаш“.

Според портпаролот на Кремљ, Дмитриј Песков, двајцата лидери разговарале 90 минути, а Путин го поканил Трамп во Москва.

Трамп додаде дека оформил тим, составен од државниот секретар Марко Рубио, директорот на ЦИА Џон Ретклиф и советникот за национална безбедност Мајкл Валц, да ги водат преговорите.

Американскиот потпретседател Џеј-Ди Венс и Рубио ќе се сретнат со Зеленски на 14 февруари за да започнат официјални мировни преговори, објави Трамп на Трут сошл.

Continue Reading

Свет

ДАНЦИТЕ МУ НАПРАВИЈА ЈАКА ФИНТА НА ТРАМП Собраа 200.000 потписи, решиле да ја купуваат Калифорнија

Published

on

Граѓани на Данска иницираа петиција за купување на најнаселената и економски најразвиена американска сојузна држава, Калифорнија, како одговор на напорите на актуелниот претседател на САД, Доналд Трамп, за купување на Гренланд, пишува лондонски Индипендент.

Трамп во последно време ги интензивираше повиците за откуп на автономната данска територија поради „националната безбедност“, иако и премиерот на Данска и премиерот на Гренланд јасно порачаа дека арктичкиот остров не е на продажба.

Ветувајќи дека „Ќе ја направат Калифорнија повторно голема“, Данците покренаа иронична кампања за „данскофикација“ на петтата најголема економија во светот. Петицијата, која наводно има за цел да собере еден билион долари преку донирање од граѓаните за купување на „Златната држава“, до денеска попладне веќе имаше над 200.000 потписи.

Оваа иницијатива доаѓа во период кога државната секретарка на Калифорнија, Ширли Вебстер, одобри почеток на собирање потписи за организирање референдум во 2028 година за отцепување на државата од САД и нејзино прогласување за независна земја.

Според организаторите на оваа пародична кампања, Калифорнија би се преименувала во „Нова Данска“, а познатиот забавен парк Дизниленд би бил ребрендиран во „Земјата на Ханс Кристијан Андерсен“.

Во петицијата се наведуваат и некои „придобивки“ од евентуалното купување на Калифорнија од страна на Данска, меѓу кои „технолошка доминација“ и „авокадо на тост засекогаш“.

„Дали некогаш сте погледнале на мапа и си помислиле: ‘Што и недостасува на Данска? Повеќе сонце, палми и ролери!’“, се наведува на веб-страницата на кампањата. „Сега имаме единствена можност овој сон да го претвориме во реалност“.

За преговори за договорот би биле ангажирани претставници од компанијата ЛЕГО и актерската екипа на политичката серија „Борген“, а како дополнителен „бонус“ би се нудел доживотен бесплатен пристап до дански пецива.

На дното од страницата е објавено и известување: „Оваа кампања е 100% вистинита… во нашите соништа“.

Во меѓувреме, Трамп и неговите сојузници продолжуваат да повикуваат на приклучување на Гренланд кон САД како дел од стратешките напори за зајакнување на националната безбедност. Трамп изјави дека „економската сигурност“ е една од причините за овој потег, истакнувајќи дека островот располага со огромни неискористени минерални ресурси, пишува Индипендент.

Според проценките на Американската геолошка служба, Гренланд, со своите 2,1 милиони квадратни километри, има околу 31,4 милијарди барели еквивалент нафта и околу 148 трилиони кубни стапки природен гас. „Вашингтон пост“ проценува дека купувањето на островот би чинело околу 1,7 билиони долари.

Минатиот месец Трамп изјави дека мнозинството од 56.000 жители на Гренланд „сакаат“ да станат Американци. Сепак, анкетата на данскиот весник „Берлингске“ и гренландскиот „Сермитсиак“ покажува дека 85 отсто од населението се против приклучувањето кон САД, само 6 проценти поддржуваат таква идеја, а 9 отсто се неопределени.

Истовремено, конгресмен од Републиканската партија предложи нов закон со кој би се поддржале напорите на Трамп за купување на Гренланд, но и за промена на неговото име. Претставникот на Џорџија, Бади Картер, предложи Гренланд да се преименува во „Земја на црвената, белата и сината боја“.

„Америка се врати и наскоро ќе биде поголема од кога било со додавањето на ‘Земјата на црвената, белата и сината боја’“, изјави Картер за „Њујорк пост“. –  Претседателот Трамп правилно го идентификуваше купувањето на Гренланд како национален безбедносен приоритет и со гордост ќе го пречекаме неговото население како дел од најслободната нација во историјата, кога нашиот главен преговарач ќе го потпише овој историски договор, изјави Картер.

Continue Reading

Свет

Папата Франциско: Политиката на Трамп кон мигрантите ќе заврши лошо

Published

on

Папата Франциско во отворено писмо до католичките епископи во САД остро го критикуваше планот на американскиот претседател Доналд Трамп за депортација на милиони мигранти. Западните медиуми посочуваат дека вакво директно писмо од папата до верниците е реткост.

Папата, кој претходно го нарече планот „срамота“, во писмото нагласува дека е неправедно да се сметаат сите мигранти без документи за криминалци.

„Ги повикувам сите верници во Католичката црква да не подлегнуваат на пораки кои дискриминираат и предизвикуваат непотребни страдања кај нашите браќа и сестри – мигрантите и бегалците“, пишува папата.

Франциско, кој е папа од 2013 година, долго ја критикува имиграциската политика на Трамп. Во 2016 година, за време на првата кампања на Трамп во Белата куќа, папата рече дека Трамп „не е христијанин“ во неговите ставови за имиграцијата.

Во своето денешно писмо, папата ја нарече акцијата за имиграција „голема криза“ за САД.

„Она што се гради врз основа на сила, а не на вистината за еднаквото достоинство на секој човек, почнува лошо и лошо ќе заврши“, порача тој.

Трамп, републиканец кој беше претседател во 2017-2021 година, освои втор последователен мандат ветувајќи дека ќе депортира милиони имигранти кои се илегално во САД.

Откако ја презеде функцијата минатиот месец, тој издаде низа извршни наредби за пренасочување на воените ресурси за поддршка на напорите за масовно депортирање и ги овласти американските службеници за имиграција да извршат повеќе апсења, вклучително и во училишта, цркви и болници.

Во писмото, исто така, се чини дека папата индиректно одговори на одбраната на потпретседателот Џеј Ди Венс за депортациите.
Венс, католик, кој во јануари во објава на социјалните мрежи ја бранеше репресијата, повикувајќи се на раниот католички теолошки концепт познат како „ордо аморис“, или „ред на љубовта“, за да сугерира дека католиците мора да им дадат приоритет на неимигрантите.

Папата рече: „Вистинскиот „ордо аморис“ што мора да се промовира (е) … со медитација за љубовта што гради братство отворено за сите, без исклучок“.

Continue Reading
Advertisement
Advertisement

Трендинг

Copyright © 2024 Булевар.мк