Кралот Чарлс Трети посетил џамија во Лондон со сопругата Камила, а сите погледи биле вперени во дупката во неговиот чорап.
Камила и Чарлс ја посетија џамијата во средата, 8 февруари, а како што наложува правилото, кралот ги соблече чевлите за да влезе во зградата при што ја откри дупката на врвот на својот десен чорап.
Фотографите веднаш ја снимија таа глетка, која стана вирална, а луѓето иронично коментираат што мислат за тоа во коментарите.
„Како да нема леб да јаде“, „Слушнав дека кралот Чарлс бил толку горд на своите дупнати чорапи што не сакал да ги фрли и продолжил да ги носи – додека еден ден не му паднале сите прсти на нозете“, „Дури и кралските членови не се имуни на модните промашувања“, се само дел од коментарите на Твитер.
Минатиот месец, кралот беше пофален што го облекол своето палто од твид дури од 1980-тите години.
„Јас сум еден од оние луѓе кои чевлите – или која било облека – би ги поправал ако можам, наместо само да ги фрлам“, изјави Чарлс за британскиот „Вог“ во 2020 година.
Згора на тоа, Чарлс објасни за овој моден магазин: „Ми се чини дека постојат огромни можности, особено сега, во целиот сектор на одржлива мода, да се спротивставиме на овој тренд на фрлање облека или фрлање што било, искрено“, потсетува „ЈуЕсмагазин“
Чарлс, кој го наследи тронот по смртта на неговата мајка, кралицата Елизабета Втора, во септември 2022 година, ќе одржи свечена церемонија на крунисување во мај. Меѓутоа, во фокусот на јавноста е неговиот константен раздор со неговиот син, принцот Хари.