Во гостување на поткаст на тема „Жените во енергетиката“ министерката за енергетика, рударство и минерални суровини на прашање за работењето на Министерството во изминатиот период го потенцираше правењето на повеќе закони како клучна активност.

„Моментално сме во процес на изработка на четири закони кои се многу важни. Првиот е законот за енергетика на кој работат експерти и имаме помош од Европската Унија и од Енергеската заедница во Виена. Работиме на Законот за обновливи извори на енергија, бидејќи ние сме држава со многу сончеви денови и сакаме да имаме зелена транзиција. Работиме и на законот за минерални суровини и на Законот за геологија.“ истакна Божиновска.

Божиновска открива дека во моментов Министерството работи на поставување на законската рамка, но во исто време контактира и со приватни инвеститори кои сакаат да инвестираат тука, но и со ЕСМ и МЕПСО со кои се прави стратегија како ќе се развива енергетиката на краткорочен и долгорочен период.

На прашање за плановите за развој на енергетскиот сектор за 2025та година, министерката Божиновска потенцира дека во енергетиката се се планира долгорочно, како што е и изградбата на еден енергетски објект за кој се потребни повеќе години. Со донесување на законска регулатива министерката предвидува дека ќе се постави основата на енергетиката и се надева дека тоа ќе биде добро прифатено, како што е големата поддршка од енергетската заедница од Виена со кои се во постојана комуникација. 

Во новиот закон за енергетика ќе биде опфатено и складирањето на електрична енергија, како и ќе се отвори дебата за употребата на хидрогенот што значи дека Министерството активно ги следи светските трендови и работи на имплементација на најдобрите практики и решенија за Македонија.

По реакцијата на тетовскиот сојуз на борци, на СДСМ, Левица и на ВМРО-ДПМНЕ, владејачката партија Беса, од која доаѓа тетовскиот градоначалник Билал Касами, ретерира дека ќе ги менува имињата на тетовските улици без консензус и Бадентерово мнозинство во Советот на Општината.

Владејачката Беса ретерира дека ќе ги менува имињата на тетовските улици без консензус и Бадентерово мнозинство, откако борците од НОБ и македонскиот политички блок реагираа дека нема да дозволат улици да се именуваат по поранешни припадници на ОНА и на балисти. Претседателот на Комисијата за промена на имињата на улиците при Општина Тетово, Арѓенд Велиу, за „Слободен печат“ вели дека без консензус ќе нема промена на имиња на улици и дека не е точно дека веќе има изготвено список со нови имиња.

Од Владата му порачаа на тетовскиот градоначалник и владин партнер Билал Касами дека предлогот нема да му помине. Опозициските СДСМ и Левица, како и владејачката ВМРО-ДПМНЕ, се децидни дека без Бадентерово мнозинство нема да се именува и да се преименува ниту една улица во Тетово.

Целиот текст на slobodenpecat.mk

Според она што можам да го кажам, и тоа со најновото ужурирање на прогностичките модели, големо враќање на зимата  и големо заладување на времето, со многу ниски температури на воздухот, северен ветер и можност за нов снег можно е од 3 февруари па во деновите потоа, што значи по се изгледа дека од тој период ќе навлеземе во нов многу ладен период, најавува метеорологот Славчо Попоски.

„Состојбата околу ова постојано ќе ја следам, што значи дека јавноста навремено ќе биде информирана што точно не очекува од првите денови на месец февруари, и дали навистина зимата своето право лице повторно наскоро и тоа како ќе го покаже“, вели тој.