Момчето кое вчера го изврши злосторството во ОУ„Владислав Рибникар“ во Врачар, Белград, имало детален план, изготвен еден месец, во кој го разработувал секој сегмент од делото што го направил, од моментот кога влегол во училиштето додека не заминал од истото, а имал и список на жртви.
Меѓу жртвите немало само ученици, туку негова прва жртва бил чуварот, кој пукал токму на влезот од училиштето, а потоа и професорката по историја Т.С., која во тој момент предавала.
Имено, училницата во која учениците го одржуваа час по историја е првиот кабинет во близина на влезот, па учениците и наставничката веднаш го слушнале пукањето што се случило во холот, кога прво било нападнато обезбедувањето, а потоа и три ученички.
Како што дознава српски „Курир“, наставничката ја отворила вратата за да види што се случува.
Момчето со пиштолот во рака вперило и кон неа. Таа се обиде да го спречи и буквално ги стави рацете на пиштолот, претпоставувам дека во тие моменти сакаше да ги прекине истрелите. Сепак, ја удри во раката и стомакот – велат упатени извори и додаваат:
– Наставничката се однесуваше херојски, сакаше да ги заштити учениците, а тој нејзин потег веројатно спасил некои деца. Се претпоставува дека стоејќи на влезот од училницата и движејќи ги рацете кон пиштолот, наставничката им купила време на учениците да се сокријат и ја намалила штетата.