Славниот шведски напаѓач Златан Ибрајимовиќ е еден од најдобрите на 21 век, кариерата ја заврши во дресот на италијански Милан.

Ибра имаше многу проблеми со повредите во последните неколку години, но на теренот се враќаше и во дресот на Манчестер Јунајтед и во Милан, а откако пред неколку дена беше објавено дека нема да остане на „Сан Сиро“, имаше најави дека славниот Ибра би можел да се пензионира, иако постоеше можност да се врати во Шведска и таму да одигра уште една сезона.

Но, откако Ибрахимовиќ подлегна на напливот од емоции и се расплака пред мечот меѓу Милан и Верона (кој го добија „росонерите“ со 3:1) беше јасно дека само прашање на време беше кога ќе стигне официјалната објава за крај на една најубавите фудбалски приказни.

Македонската одбојкарска репрезентација вечерва ја совлада Белгија со 3:1, по сетови 25:21, 25:23, 17:25 и 25:21.

На натпреварот одигран во СЦ „Борис Трајковски“ „црвено-жолтите“ до триумфот ги предводеше капитенот Никола Ѓорѓиев со 19 поени.

Следниот натпревар македонските одбојкари ќе го имаат в сабота, исто така во СЦ „Борис Трајковски“, кога ќе ја пречекаат репрезентацијата на Хрватска.

По две кола, во водство се Украинците со шест бодови, белгиската и македонската репрезентација имаат по три, Хрватите се последни без ниту еден бод.

На Балканското првенство за деца што оваа година се одржа од 25 до 28 мај во Бар, Црна Гора македонската карате репрезентација успеа да освои седум медали од кои три сребрени и четири бронзени.

Сребрени медали освоија: во категоријата -35 кг машки до 10 години Муареми Ајан со четири победи и еден пораз, во категоријата + 50 кг машки до 11 години Камбери Јасин со три победи и еден пораз), додека нашиот женски ката тим (Димитриева, Ѓоргиева, Златковска) 10-11 години исто така го освои сребрениот медал.

Бронзени медали освоија: во категоријата борби + 50 кг женски до 12 години Мила Николова со четири победи и еден пораз, како и Тодор Сутинов во категоријата кати до 11 години.

Во категоријата кати до 11 години Верон Дервиши како и женскиот ката тим (Грозданоска, Којческа, Минговска) 12-13 години исто така беа „бронзени“.

Нашата репрезентација настапи со 102 каратисти, со вкупно 108 пријави по категории. На ова Балканско првенство учествуваа 1345 каратисти со вкупно 1426 пријави од 11 држави.