Лидерот на ДУИ вети дека Груби ќе се врати и дека ќе се појави пред органите на правдата, но не и, како што реле, пред „одмазничката правда“.

Лидерот на ДУИ, Али Ахмети, за косовските медиуми зборуваше за поранешниот прв вицепремиер Артан Груби по кого веќе е распишана потерница, а изречена е и мерка притвор, пренесува ТВ21.

Ахмети рече дека Груби не избегал и дека тој самиот немал контакт со него, но тврди дека има информации дека поранешниот прв вицепремиер е добро и дека се наоѓа на албанска територија.

Лидерот на ДУИ вети дека Груби ќе се врати и дека ќе се појави пред органите на правдата, но не и, како што рече, пред „одмазничката правда“.

Ахмети уште еднаш го повтори својот став дека во Македонија треба да се изврши ветинг за да се истражи политичката активност и богатството на секој носител на високи државни функции.

– Ние сме против селективна правда и употреба на навреди и клевети за дневно-политички цели и подготвени сме да одговориме во секој момент. Груби не избега, ќе одговара пред органите на правдата, но во договор правдата да не се злоупотребува за политички цели – изјави првиот човек на ДУИ, пренесуваат дел од медиумите во земјава на албански јазик.

Ахмети е во посета на Косово каде присуствувал на прием за ветераните на ОВК, организиран од лидерот на косовската опозиција, Рамуш Харадинај.

Инцидентот се случил во вторникот во австрискиот град Нојкирхен на Вокла, во областа Воклабрук.

Македонски граѓанин, чија етничка припадност не се открива, тврдел дека не го видел знакот за дозволена брзина односно се правел „наудрен” кога го фатиле како вози 100 километри на час над дозволената брзина.

Инцидентот се случил во вторникот во австрискиот град Нојкирхен на Вокла, во областа Воклабрук.

Македонецот возел со 128 км/ч во зона каде што било дозволено само 30 км/ч.

На возачот кој има 28 години веднаш му било запленето возилото од марката „Мерцедес АМГ“.

Ново вакво возило, во зависност од моделот и опремата, може да вреди над 200.000 евра.

Со одлука на судот може да му биде целосно одземено затоа што се работи за тешко прекршување на законот.

За загрозување на безбедноста македонскиот граѓанин може да добие и затворска казна.

На вечерниот поткаст „ВМРО-ДПМНЕ зборува“, гостуваше премиерот и претседател на ВМРО-ДПМНЕ, Христијан Мицкоски, кој се осврна на последиците од политиките на СДС и нагласи дека тие нанесоа длабоки рани и болка на македонскиот народ. Мицкоски додаде и дека дејствата на СДС нема да бидат заборавени ниту простени со децении. Според него тоа беа тешки времиња за Македонија како држава полни со криминал, а посочи и дека Македонија беше раководена од ,,национално исплакнати луѓе“ кои не го ценеа идентитетот на Македонците.

„Тоа беа тешки времиња за ВМРО-ДПМНЕ, но ВМРО-ДПМНЕ е помалку важно во случајот, поважна е Македонија. Прво, беа тешки за Македонија како држава. Времиња во кои криминалот царуваше, не само политичкиот, туку и на улиците. Времиња во кои државата ја раководеа луѓе кои за идентитетските прашања гледаа со потсмев, за нив ништо тоа не значеше“, нагласи Мицкоски.

Мицкоски продолжи со критика на СДС, нагласувајќи дека оваа партија, иако била дел од коалицијата, е одговорна за големите проблеми што ги имала земјата. Мицкоски истакна дека овие политики им донеле многу штета на македонскиот народ и ќе останат трајно запишани како нешто што не може да биде простено.

„Тука пред се зборувам за поголемата партија во владата на СДСМ, иако тие функционираа како малцинска, но зборувам по бројки, во секој случај тие беа поголема партија. Од оваа перспектива денеска ако ги гледаме работите, покрај сите оние лоши работи кои што ги направија додека беа на власт, јас бев отприлика 6 години откако тие беа влада, претседател на ВМРО-ДПМНЕ, и покрај сето тоа што го направија тие генерално најмногу себеси си направија лошо поради политиките кои што ги водеа. Сега тие се перцепирани од страна на јавноста како луѓе кои што го изгубиле угледот, почитта и кредибилитетот што го имаа“, изјави Мицкоски.

Мицкоски нагласи и дека поранешната власт е често предмет на критики од јавноста, а граѓаните не ги забораваат нивните дејства.

„Честопати претпоставувам се сведоци на непријатни ситуации додека одат по улиците, додека се во друштво на луѓе, се предмет на критика. Слушаат дека сето тоа кое што го работеле било погрешно и дека не требало така да го прават сето тоа“, додаде Мицкоски.

Мицкоски истакна и дека не само што СДС си направија голема штета себеси, туку и на Македонија како татковина. Тој е уверен дека тоа нема да биде заборавено.

„Но тоа што она што тие себе си си го направија и на Македонија како нивна татковина е нешто кое што мислам дека децении ќе биде незаборавено и нема да им биде простено од граѓаните, пред се од македонците бидејки нанесоа многу болка на македонците. Мислејќи дека се национално исплакнати, мислејќи дека ќе водат таква би рекол квази политика нанесоа многу болка на граѓаните а пред се на македонскиот народ и тоа нема да им биде простено, верувајте, и тоа нема да им биде простено со децении, ниту пак заборавено.“, заклучи Мицкоски.