Германските власти денеска соопштија дека неколку патници се повредени во напад со остар предмет во брз воз кој патувал од Хамбург кон Виена. Според полицијата од Баварија, инцидентот се случил околу 13:55 часот по локално време додека возот минувал низ градот Регнсбург на пат кон Платлинг.

Полицијата потврди дека четири лица се полесно повредени, а напаѓачот е уапсен на лице место. Во моментот на нападот во возот имало околу 500 патници. Некои медиуми известуваат дека станува збор за напад со нож, додека други споменуваат и употреба на чекан и секира. Германскиот весник „Билд“ јави дека напаѓачот е сириски државјанин.

Хитните служби брзо интервенирале, а возот бил принудно запрен откако патниците ја активирале рачната кочница. Областа околу местото на нападот била оградена додека истражителите ги собирале доказите и проценувале ситуацијата.

Најмалку шест сегашни членки на ЕВропската Унија (ЕУ) не ги исполнуваат Копенхашките критериуми за влез во Унијата, според анализата на три алатки за вештачката интелигенција (ВИ) со кои ја направивме симулацијата. Еден од главните услови за една земја да стане членка на Европската Унија е првин да ги исполни строгите Копенхашки критериуми. Овие критериуми се донесени во 1992 година на конференцијата во Копенхаген и претставуваат суштински услови за секоја земја која сака да се приклучи на Европската Унија. Тие се однесуваат на политичката стабилност, економската функционалност и усвојувањето на законодавството на ЕУ, односно административно-правните критериуми, пишува СДК.

Одговорот на прашањето дали сите сегашни 27 членки на ЕУ дeнес ги исполнуваат овие критериуми го побаравме од алатки за вештачка интелигенција. Анализата ја побаравме според овие насоки:

„Да претпоставиме дека сите сегашни 27 членки на Европската Унија треба повторно да поминат низ процесот за влез во Унијата и при што треба стриктно да се запазат Копенхашките критериуми за пристапување. Анализирај ја моменталната политичка, економска и административно-правна состојба во сите овие 27 земји и дај ни информација кои од нив не ги исполнуваат Копенхашките критериуми“.

Најпопуларната и најпозната ВИ Четџипити (Chatgpt) го даде следниов одговор:

„Ако денес сите 27 земји членки на ЕУ би морале повторно да аплицираат под строгите Копенхашки критериуми, резултатот би бил повеќеслојна селекција. Политичкиот критериум – стабилна демократија, владеење на правото и почитување на човековите права, би бил најтешкиот филтер. Унгарија, поради системско уназадување во судството, медиумската слобода и дискриминацијата врз ЛГБТИ+ заедницата, веројатно би ја загубила шансата уште во првиот круг. Словачка ризикува „унгарско сценарио“ со брзата демонтажа на антикорупциските институции и нападите врз невладините организации и медиумите. Малта е подолгорочно е на удар поради сериозни не решени скандали со корупција и заробени институции, а Полска, која штотуку излезе од шестгодишна санкциска постапка, останува под засилено набљудување“, вели ВИ и продолжува за дугите критериуми.

Прочитај повеќе на СакамДаКажам.мк

Премиерот Христијан Мицкоски денеска на прес-конференција изјави дека трговскиот дефицит на Македонија е значително намален, а извозот конечно бележи позитивна стапка. Според него, разликата меѓу извозот и увозот е намалена трипати во споредба со претходните квартали.

– Ако се вратите неколку квартали наназад и ако се направи анализа, ќе се види дека трипати е намалена таа разлика помеѓу извозот и увозот и конечно извозот бележи позитивна стапка – истакна Мицкоски, одговарајќи на новинарско прашање.

Тој додаде дека стабилизацијата на извозот доаѓа и покрај предизвиците со кои се соочува автомобилската индустрија, која има силно влијание врз македонската економија. Затоа, Владата, како што рече, почнала процес на диверзификација на економското портфолио, со фокус на други индустрии.

– Почнуваме практично да правиме дивергирање на портфолиото во некои други области. Има огромен напредок ако се споредува со кварталите од пред една година – изјави премиерот.

Мицкоски посочи и на позитивните трендови кај индустриското и преработувачкото производство, како и на намалувањето на невработеноста и отворањето нови работни места во последните два квартали.

Според него, растот на Бруто домашниот производ (БДП) меѓу три и четири проценти не е доволен за суштински напредок, и изрази надеж дека ќе се постигне повисок раст меѓу четири и шест проценти на подолг рок.

– Нашата економија не зависи само од домашните перформанси, туку многу и од надворешните. Имајќи го предвид растот на ЕУ, нашите резултати се исклучок, а не правило – подвлече Мицкоски.