Американскиот претседател Џо Бајден викендов потпиша помилување за својот син Хантер Бајден, истакнувајќи дека случајот против него бил политички мотивиран и неправеден. Во изјавата, претседателот нагласи дека од првиот ден на функцијата се заложил да не се меша во одлуките на Министерството за правда, но дека бил принуден да реагира поради, како што вели, „селективно и неправедно гонење“ на неговиот син.

„Одлуките за гонење за вакви случаи обично не завршуваат со кривични обвиненија. Вообичаено, луѓето кои задоцниле со плаќање на даноци, но потоа ги платиле со камати, добиваат некривични решенија. Јасно е дека Хантер беше третиран поинаку“, истакна Бајден во изјавата.

Претседателот посочи дека обвиненијата против неговиот син се појавиле откако политички противници во Конгресот инсистирале на истраги, обидувајќи се да го нападнат Бајден лично и да ја поткопаат неговата администрација. Исто така, тој додаде дека претходно постигнатиот договор за признавање на вината бил поништен под политички притисок.

„Нема разумна личност која би ги разгледала фактите и би дошла до поинаков заклучок освен дека Хантер беше таргетиран единствено затоа што е мој син. Во обидот да го скршат него, се обидоа да ме скршат мене. Но, доволно е“, порача Бајден.

Хантер Бајден, кој е пет и пол години трезен по борбата со зависноста, беше обвинет за неплаќање даноци и погрешно пополнување на формулар за купување оружје. Претседателот Бајден ја истакна потребата да ја каже вистината на американскиот народ, додавајќи дека оваа одлука ја донел поради „грубото мешање на политиката во процесот“.

„Се надевам дека Американците ќе разберат зошто еден татко и претседател би ја донел оваа одлука“, заклучи Бајден.

Овој чекор на Бајден се очекува да предизвика поделени реакции во американската јавност и дополнително да го разгорува политичкиот дискурс во Вашингтон.

Генералниот штрајк во Италија доведе до откажување на летови, прекин на јавниот превоз, затворање на некои училишта и ограничувања на здравствените услуги во петокот во знак на протест против буџетските планови на владата.

Најголемиот синдикат CGIL се противи на намалување на социјалните бенефиции, јавните услуги и инвестициите, а синдикатот UIL бара инвестиции во безбедноста на работниците по серијата несреќи на работното место.

Штрајкот е предизвик за десничарската влада на премиерот Џорџа Мелони, која се обидува да ги намали владините трошоци за да се усогласи со европските правила.

И покрај затегнатите јавни финансии, владата минатиот месец усвои државен буџет кој вклучува намалување на даноците за 24 милијарди евра и повисоки трошоци, понизок данок на доход и намалувања на социјалните бенефиции за работниците со средно и послабо платени.

Иако штрајкот требаше да трае цел ден, министерот за транспорт Матео Салвини минатата седмица одлучи дека прекинот во сообраќајот може да трае најмногу четири часа за да се олеснат прекините.

Останатите работници би можеле да ја напуштат работата целото работно време, а вработените во железничкиот патнички и товарен превоз воопшто не учествуваат во штрајкот.

На светските берзи цените на акциите пораснаа минатата по остриот пад седмица претходно, а инвеститорите се фокусираа на акциите на технолошките гиганти „Nvidia“ и „Alphabet“.

на Волстрите индексот Dow Jones скокна за речиси 2 отсто минатата седмица, на рекордни 44.296 поени, додека S&P 500 порасна за 1,7 отсто, на 5.969 поени, а индексот Nasdaq 1,7 отсто, на 19.003 поени.

Растот на индексите најмногу се должи на корекцијате на цените на акциите по остриот пад една седмица претходно, кога инвеститорите беа разочарани од пораката на претседателот на американската централна банка Федералните резерви (Federal Reserve – Fed), Џером Пауел, дека централната банка може да го забави темпото на намалување на каматните стапки.

Последните макроекономски податоци потврдија дека американската економија солидно расте, дека пазарот на трудот е стабилен, а инфлацијата и натаму е значително над целното ниво од 2 отсто.

Поради оваа причина, целосно е неизвесно дали Fed ќе ги намали каматните стапки уште еднаш, по трет пат оваа година, на состанокот во декември. Пазарот проценува дека има нешто повеќе од 50 проценти шанси да го направат тоа.

Минатата седмица, кварталниот деловен извештај на „Nvidia“ беше во фокусот на инвеститорите. Нето профитот на производителот на чипови достигна 19,3 милијарди долари во третиот квартал, двојно повеќе од истиот квартал минатата година. Приходите на „Nvidia“ скокнаа, пак, за 94 отсто на годишна основа, на 35 милијарди долари.

Иако резултатите беа подобри од очекувањата на аналитичарите, цената на акцијата падна по објавувањето на резултатите. Некои аналитичари велат дека тоа е последица на забавувањето на стапката на раст на приходите на „Nvidia“, која во претходните квартали изнесуваше повеќе од 120, па дури и 260 отсто.

„Иако Nvidia испорача импресивен раст на приходите, јасно е дека пазарот очекуваше повеќе“, рече Џорџ Бубурас, директор во „K2 Asset Management“.

Во фокусот на инвеститорите беше и акцијата на „Alphabet“, чија цена остро падна. Тоа следи по аргументот на американското Министерство за правда пред судот дека Google мора да го продаде својот прелистувач Chrome и да преземе други мерки за да го прекине својот монопол над онлајн пребарувањето.

Минатата седмица инвеститорите ја следеа ескалацијата на војната меѓу Русија и Украина, откако Украина истрела проектили од американско производство кон Русија. Рускиот претседател Владимир Путин изјави потоа дека Русија може да размисли за употреба на нуклеарно оружје доколку биде нападната со конвенционални ракети поддржани од нуклеарна сила.

Сепак, овие настани досега имаа само краткорочно и умерено влијание на пазарите.

Така пораснаа цените на акциите на повеќето европски берзи минатата недела, по две недели пад. Лондонскиот FTSE индекс зајакна за 2,5 отсто, на 8.262 поени, а франкфуртски DAX за 0,6 отсто, на 19.322 поени. Парискиот CAC, пак, ослабе за 0,2 отсто, на 7.255 поени.