Connect with us

Спорт

Македонците од Специјална Олимпијада од Берлин се враќаат со пет освоени медали

Published

on

Атлетите од Специјална Олимпијада – Северна Македонија освоија пет медали на светските Специјални Олимписки Игри во Берлин. Со одличје се закитија:

Агрон Хајредини – златен медал, атлетика, категорија Скок во далечина од место
Јулијана Петровска – сребрен медал, атлетика, категорија Скок во далечина од место
Стефан Трпковски – сребрен медал, пливање, категорија 100 метри грбно
Марио Мицковски – бронзен медал, пливање, категорија 100 метри слободен стил
Јане Никодиновски – бронзен медал, бадминтон

На Игрите кои се одржаа од 17 до 25 јуни учествуваа над 7.000 атлети од 190 земји.

-За мене, секој член, претставник од нашата Специјална Олимпијада – Македонија е победник. Заедно покажавме како со посветеност, вложен труд и многу работа резултатите се загарантирани. Освоивме пет медали, но уште поважно – ги освоивме и срцата на присутните во Берлин, а верувам и во Македонија. Навистина се гордееме со сите наши атлети, партнери, помагатели и директни учесници во овие Светски Специјални Олимписки Игри. Честитки и до тренерите кои беа во секој миг до нашите атлети, поддржувајќи ги неуморно, изјави Моника Бошкоска, Претседател на Специјална Олимпијада – Северна Македонија.

На Светските Специјални Олимписки Игри (Special Olympics World Games) македонската делегација ја преставуваа 13 атлети, шест тренери, шест партнери и пет делегати.

Спорт

Омерагиќ: Поддршка од УЕФА за реформите во македонскиот фудбал

Published

on

Претседателот на Фудбалската федерација на Македонија, Масар Омерагиќ, заедно со в.д. генералниот секретар Дрилон Ганиу, престојуваше во официјална посета на Нион на покана на претседателот на УЕФА, Александар Чеферин. На средбата со челниците на европската фудбалска организација, предводени од Зоран Лаковиќ, беа дискутирани важни теми за иднината на македонскиот фудбал.

„Имавме прекрасен состанок и срдечен пречек од првиот човек на европскиот фудбал и неговите соработници. Споделивме многу корисни информации за состојбата во нашиот фудбал и отворено разговаравме за клучните предизвици,“ истакна Омерагиќ.

Тој нагласи дека постои взаемна почит и јасна желба да се најдат најдобрите решенија за развој на македонскиот фудбал. Главен фокус на разговорите биле инвестициите од фондовите на УЕФА и неопходните реформи кои треба да се спроведат.

„Мора да дејствуваме веднаш за да избегнеме несакани последици и да тргнеме во позитивен тренд кон нови успеси,“ додаде Омерагиќ, потенцирајќи дека поддршката од УЕФА е клучна за иднината на македонскиот фудбал.

Continue Reading

Спорт

Пелистер со ново засилување, Бошковски се врати под Тумбекафе

Published

on

Денес, само на еден ден до завршување на преодниот рок за фудбалерите од Првата лига Пелистер во Битола претстави уште едно ново име, кое е добро познато на битолската фудбалска јавност.

Во таборот на битолчани се враќа Филип Бошковски. Станува збор за 24-годишен играч кој е примарно десен бек, а може да одговори и на спротивната страна и кој првите фудбалски чекори ги направи во Пелистер. 

Бошковски во јули 2022 година заигра за Работнички, а негов последен клуб е грузискиот прволигаш Самтредиа.

-Подготвен сум за нови предизвици во мојот омилен дрес, здрав сум, и желен за да се докажам во зелено-белиот дрес, кажа Бошковски.

Пелистер пролетниот дел од ПМФЛ го започнува викендов на свој терен против тимот на Брера.

Continue Reading

Спорт

️Новиот бисер во македонската ракометна репрезентација

Published

on

Марко Митев (роден на 23 февруари 2003) е македонски ракометар кој игра на позицијата среден бек за РК Алкалоид и македонската машка ракометна репрезентација.

Лични информации

• Датум на раѓање: 23 февруари 2003 (21 година)

• Место на раѓање: Скопје, Северна Македонија

• Националност: Македонец

• Висина: 1,83 м (6 ft 0 in)

• Играчка позиција: Среден бек

Клупска кариера

Марко Митев своите први чекори во ракометот ги направил во младинските категории на РК Аеродром, каде што настапувал од 2012 до 2018 година.

Во својата сениорска кариера, тој ги бранел боите на неколку македонски клубови:

• 2018–2020 – РК Аеродром

• 2020–2023 – ХЦ Бутел Скопје

• 2023–до денес – РК Алкалоид (дрес со број 10)

Репрезентативна кариера

Од 2022 година, Митев е дел од македонската машка ракометна репрезентација, каде што со својата игра и визија на теренот придонесува за успесите на националниот тим.

Continue Reading
Advertisement
Advertisement

Трендинг

Copyright © 2024 Булевар.мк