Connect with us

Македонија

Бурни реакции за намалената казна на пијаниот возач кој ја усмрти Магдалена: Наместо дом со смеа, им остави дом со плач!

Published

on

Неверување и гнев искажуваат голем број на велешани денес, откако се објави веста дека затворската казна на Ангелче Николов (31) од 18 години е намалена на осум години затвор. Станува збор за случајот кој ја потресе јавноста во декември лани, кога Николов под дејство на алкохол, возејќи двојно побрзо од дозволеното, на пешачки премин во Велес ја прегази 11-годишната Магдалена, која почина, а мајка и беше повредена.

Тој побегна од местото на настанот и се криеше неколку дена, по што се предаде на полицијата.

-Од дом исполнет со смеа, им остави на луѓето дом со плач и доживотна тага, каква правда е ова? Наместо како поука за сите кои возат пребрзо и дивеат по улиците, за сите кои одзеле невин човечки живот, да му се даде максимална казна, тој по неколку години пак ќе биде слободен граѓанин и ќе си продолжи со животот како ништо да не се случило – се дел од бурните реакции на разочараните граѓани, кои прашуваат како судиите ќе спијат мирно по оваа пресуда.

-И пред да се случи трагедијата со Магдалена тој леташе по улиците, беше опоменат од сограѓани многу пати, дека ќе одземе нечиј живот, што ете и се случи. Се однесуваше како никој ништо да не му може.

Уништи едно семејство, поради него го изгубија најмилото, и ова е шокантна одлука, да му се намали казна и пак за неколку години да го гледаме како дивее по улиците –реагираат граѓаните.

Како што потврдија од ОЈО Велес по несреќата, на Николов и во минатото веќе му биле изречени две прекршочни казни за забрана за управување со моторно возило поради алкохолизираност, кои не ги почитувал.

За местото каде пијаниот Николов го усмрти девојчето, граѓани кои живеат во близина тогаш раскажуваа дека со години укажувале дека таму се вози многу бргу, но ништо не се превзема, иако е во близина на училиште.

Извор: Фокус

Македонија

30 дневен притвор за струмичанецот кој го транспортираше Палевски до Турција

Published

on

Кривичен го прифати барањето на обвинителството за 30-дневен притвор на струмичанецот, кој од Белград преку Бугарија го траспортирал првоосомничениот Палевски до Турција, каде беше уапсен.

Палевски, кој е  осомничен за грабнувањето и убиство на 14 годишната Вања Ѓорчевска и 74 годишниот Панче Жежовски беше фатен во турскиот град Баликесир.

Првоосомничениот за злосторството најпрвин во Белград го однел неговиот адвокат,  Васко Стојков кој мислел дека осомничениот имал закажан лекарски преглед. Потоа Димковски, кој сега е во притвор го пренел во Бугарија и оттаму во Турција.  Димковски беше фатен на граничниот премин кај Дојран.

Димковски, според пишувањата во некои медиуми, додека го превезувал Палевски не знаел дека е осомничен  за убиствата и бил искористен од него. Тој на Фејсбук споделил и фотографија од Турција, објавена утрото на 3 декември.

Continue Reading

Македонија

Мајката на убиената Вања: Несфатливо ми е како и зошто моето прекрасно девојче е во гроб, сега важно ми е да ја знам вистината

Published

on

Несфатливо ми е како и зошто моето прекрасно девојче е во гроб, сега важно ми е да ја знам вистината, вели мајката на Вања Ѓорчевска која беше убиена во атарот на селото Бразда, Зорица, за српска „Република“. Оваа е нејзина прва изјава по смртта на девојчето.

– Не можам да зборувам. Сè уште не знам зошто се случи ова. Сè уште го чекам епилогот од сето ова. Сè уште не ми е јасно зошто мојот најнормален живот се претвори во пекол, вели Зорица во интервјуто, кое го пренесува „Макфакс“.

– Просто ми е несфатливо како и зошто моето прекрасно девојче сега е во гроб. Имам хронична болест, но се држам, важно ми е да ја знам вистината, а другата ќерка моментално е болна, сите се надеваат дека ќе биде добро. Ве молам, премногу ве замолувам да почекаме додека не дознаеме зошто се случило тоа, рече таа.

Зорица за поранешниот сопруг вели дека биле во добри односи, но разведени веќе пет години.

– Ништо не знам. Сето ова ми е нереално. Но, веќе пет години сме разведени и не знам што правеше и со кого. Бевме во добри односи поради децата. Не се расправавме за старателство, за воспитување, му дозволуваа да ги гледа кога сака или кога сакаат децата, рече Зорица.

Таа понатаму наведува дека не знае дали нејзиниот поранешен бил во коцкарски долгови, бидејќи не му се мешала во животот.

– Не знам и не ме интересираше неговиот живот. Мојот живот беа моите деца и мојата работа. Остана сам за да ме остави на мира. Секогаш кога разговаравме, зборувавме за децата. Ве молам, не ми поставувајте повеќе прашања бидејќи си поставувам многу прашања зошто се случи ова. И чекам да дознаам, рче таа.

Таа им порача на новинарите да не ја прашуваат ништо за нејзината друга ќерка и како таа се справува со сето тоа. Таа дури и нема да каже колку години има.

– Ве молам не ме прашувајте за другото дете. Сега ми е најважно да ја заштитам, вели Зорица и додава дека има најголема можна доверба во полицијата.

Вања Горчевска беше киднапирана и убиена на 27 ноември, а меѓу петмината осомничени е и нејзиниот татко. Ова е првпат да се огласи мајката на Вања откако беше пронајдено телото на убиеното девојче.

Continue Reading

Македонија

Морбидна група за поддршка на Љупчо Палевски Палчо се шири на социјалните мрежи

Published

on

На социјалните мрежи е креирана и група, која во моментов брои околу 90 членови, која бара правда за Палчо.

Во групата насловена како „Правда за Палчо, правда за Вања, правда за Панчо, правда за Македонија“, членовите изнесуваат теории на заговор дека случајот е монтиран, со цел Палчо да се тргне од политичката сцена. Во нивните теории на заговор, радикалните десничари сметаат дека случајот е смислен од УДБА, ЦИА и НАТО за „заплашување на македонскиот порив за родољубие и за одбрана на канонската чистина на православието“.

Continue Reading
Advertisement
Advertisement

Трендинг

Copyright © 2021 Булевар.мк