Азербејџан започна „антитерористичка операција“ од локален карактер во Нагорно-Карабах за да го врати уставниот поредок, соопшти тамошното Министерство за одбрана. Азербејџанските медиуми јавуваат дека Баку го затвора воздушниот простор на земјата за Ерменија.

Како што се наведува во соопштението, овие мерки се преземени поради систематското гранатирање на вооружените сили на Ерменија, како и поради континуираното минирање на територијата.

Сирените за воздушен напад се огласуваат во главниот град на непризнатата Република Нагорно-Карабах.

Како што соопштија во Баку, армијата со високопрецизно оружје изведува напади на линијата на фронтот и во длабочина, врз позициите на единиците на ерменските вооружени сили и воените објекти.

Во написот се забележува дека „цивилното население и цивилната инфраструктура не се цели“.

Бројот на загинати во земјотресот што го погоди Мароко минатата недела се искачи на 2.901, додека бројот на повредени е повеќе од двојно зголемен на 5.530, јави денеска мароканската државна телевизија.

Голем број преживеани се наоѓаат во импровизирани засолништа откако поминале четири ноќи на отворено.

Спасувачите од Шпанија, Велика Британија и Катар им помагаат на мароканските спасувачки тимови, додека Италија, Белгија, Франција и Германија изјавија дека нивните понуди за помош допрва треба да бидат одобрени.

На социјалните мрежи се уште се објавуваат нови вознемирувачки снимки од земјотресот во Мароко. Една од нив кога група граѓани додека удира земјотресот се веселат на свадбена церемонија, а едно дете завршува со големи повреди на главата.

Од земјотресот цело село е збришано од лицето на земјата, лоцирано во близина на епицентарот на потресот, каде во него живееле како што се пишува на социјалниите мрежи многу деца.

Силно невреме ја погоди Мека во Саудиска Арабија. Ветерот соборувал луѓе и превртел тешки метални конструкции.

Националниот метеоролошки центар (НКМ) и за денеска издаде црвено метео предупредување во покраината и некои области на Кралството.

Голем број видеа споделени на социјалните мрежи покажуваат како аџии брзаат да се засолнат, додека вработените во Големата џамија се речиси преплавени од налетите на ветерот кој носи големи канти за отпад.

На снимките исто така се гледаат и поплавени улици и автомобили кои речиси целосно се потопени.