Балкан

Министерството за одбрана на Србија: Наводните безбедносни сили кои Курти ги спомнува се шверцери

Министерството за одбрана на Србија соопшти дека тврдењата на косовскиот премиер Аљбин Курти за движење на припадници на војската на Србија во близина на административната линија со Косово и Метохија е продолжување на кампањата на дезинформации насочени против безбедносните сили на Србија.

Курти ја обвини војската на Србија дека била на 50 метри од линијата со Косово, но дека, како што кажа, „војниците избегале“ штом биле забележани и додаде дека станува збор за поттикнување тензии.

Тој објави повеќе фотографии на кои се гледа воено возило, како и повеќе лица во воени униформи, а ги наведе и координатите на локацијата на која тоа наводно се случило.

Министерството за одбрана на Србија соопшти дека во постот на социјалната мрежа се гледаат припадници на војската на Србија во копнената зона на безбедност кои извршуваат редовни задачи за обезбедување на административната линија и контрола на зоната на безбедност, во согласност со Воено-техничкиот и сите други потпишани договори.

„Наводните безбедносни сили кои Курти ги спомнува во медиумите, кои дошле во контакт со припадници на војската на Србија на спомнатата локација, се всушност шверцери на бесправно исечена шума од територијата на централна Србија, што е инаку вносна нелегална активност. Органите за обезбедување на административната линија со своите активности ги пресекле нелегалните активности на префрлање на дрвната граѓа на територијата на Косово и Метохија, при што дрвокрадците избегале на просторот на КиМ, а затечените подвижни средства кои ги користеле за криминалната активност им се предадени на припадниците на министерството за внатрешни работи“, соопшти српското министерство за одбрана.

Се додава дека во обезбедувањето на административната линија кон Косово нема место за косовска полиција или косовски безбедносни сили, бидејќи Резолуцијата 1244 на Советот за безбедност на Обединетите нации и Воено-техничкиот договор не препознаваат други субјекти освен меѓународното цивилно и безбедносно присуство на Косово и Метохија и силите за безбедност на Србија.

„Во таа смисла, тврдењата дека косовските власти блиско ја следат ситуацијата во случајот на некакви активности на силите на Србија и косовските безбедносни сили долж административната линија немаат основа во реалноста и покажуваат целосно игнорирање на постигнатите договори“, се наведува во соопштението.

Балкан

Илјадници граѓани на протест во Софија – Дали ќе падне владата?

Софија, 10 декември 2025 – Илјадници граѓани денеска се собраа во триаголникот на власта во Софија на протест под мотото „Пеевски и Борисов надвор од власта“. Демонстрантите ја искажаа својата незадоволство со скандирање „Оставка“.

Денот започна со долга парламентарна дебата, која траеше повеќе од четири часа, за гласањето за недоверба на владата поднесено од „Продолжуваме со промената – Демократска Бугарија“. Од дискусиите стана јасно дека четирите партии кои ја поддржуваат владата ќе гласаат против нејзиното соборување.

Протестите се очекува да се прошрат во најмалку 35 градови во Бугарија и во странство. Студентите од Националната академија за театар и филмска уметност (НАТФА) и од Софискиот универзитет блокираа дел од улицата Раковски, додека студентите од Правниот факултет се собраа пред главниот кампус на Универзитетот.

Во главниот град, околу 150 редари во рефлектирачки елеци го следат текот на демонстрациите на повеќе од 40 локации во радиус од 500 метри.

На сцената на протестот, водителот со иронија се обрати до Делјан Пеевски, кој е санкциониран за корупција, посочувајќи на контрадемонстрациите на „ДПС-Нов почеток“ под слоганот „Не на омразата“.

„Сорос нè прати мене и тебе да ги лажеме сите за тоа колку е лошо тоа што го гледаме секоја вечер… Дали знаеме што правиме тука? Вчера видовме луѓе на други протести кои веројатно не беа многу сигурни што прават таму“, рече тој пред присутните.

Балкан

Уапсен осомничениот за двојното убиство во Никшиќ

Полициски службеници од Регионалниот безбедносен центар „Југ“ и Одделот за безбедност Бар, во соработка со Секторот за гранична полиција, ја лоцираа и уапсија лицето осомничено за двојното убиство во Никшиќ, соопшти полицијата.

Осомничениот, Лазар Вулевиќ, беше пронајден во изолиран објект во Бар со помош на полициско куче и приведен во краток рок. Тој ќе биде предаден на Вишото државно обвинителство во Подгорица за понатамошна постапка со кривична пријава во законскиот рок.

Балкан

Србија на тест: Дали реформите ќе ја отворат вратата кон ЕУ?

Преговорите за пристапување на Србија кон Европската Унија, започнати во 2014 година, се многу бавни. Годините минуваат, ветувањата остануваат неисполнети, а виталните реформи се. На Европската Унија ѝ е преку глава, па сега со зголемен притисок бара од Белград конечно да докаже вистинска посветеност.

Пораката беше јасна како ден: „Очекуваме Србија да покаже посветеност, со дела како и со зборови“, изјави претседателката на Европската комисија, Урсула фон дер Лајен, за време на нејзината посета на Белград на 15 октомври.

Овој остар тон беше дел од нејзината турнеја низ Западен Балкан, наменета за инспекција на напредокот на земјите кандидати. Истиот ден, Фон дер Лајен му испрати отворена покана на српскиот претседател, Александар Вучиќ, да допатува во Брисел еден месец подоцна, за заедно да направат „биланс“.

Долгоочекуваната средба била дискретно одложена. Причината била наводно дека Србија немала значаен напредок што би го претставила пред европските лидери.

Сепак, конечно има термин: во вторникот (9.12) беше потврдено дека претседателот Вучиќ денес патува за Брисел на средба со врвот на ЕУ – Урсула фон дер Лајен од Европската комисија и Антонио Кошта од Европскиот совет.

ЕУ не само што е уморна од чекање, туку има и јасно дефинирани барања.

Немања Тодоровиќ Стиплија, главен уредник на порталот European Western Balkans, истакнува дека Европската комисија и Европскиот совет го сведоа напредокот на Србија на три клучни теста: подобрување на медиумската слобода, обезбедување слободни и фер избори и целосно усогласување на надворешната политика на Србија со онаа на ЕУ.

Дополнително, портпарол на Европската Комисијата потврди дека ова не е сѐ. Од Србија се бара да вложи повеќе напор и да направи компромиси за да го унапреди нормализирањето на односите со Косово и да се справи со дезинформации и странска манипулација со информации.

На крај, Брисел јасно бара стратешка гаранција од Белград:

„Србија треба да ги засили своите напори кон постабилно и повисоко усогласување и да нè увери во нејзината стратешка насока, вклучително и преку усогласување со рестриктивните мерки на ЕУ донесени поради агресивната војна на Русија против Украина.“

Вучиќ во Брисел нема да има лесна средба. Времето за зборови е завршено – сега на маса се бараат дела.

Остатокот од веста може да го прочитате на: Може ли Србија да покаже на ЕУ дека е сериозна за реформите? – DW – 10.12.2025