Основното јавно обвинителство Кавадарци презема повеќе дејствија за испитување на причините за смртта на 64-годишен скопјанец кој на 16 декември беше пронајден починат во својот автомобил во водите на Црна Река, на територија на Општина Росоман.

Веднаш по настанот беше извршен увид на лице место, а при првичниот преглед на телото на починатиот не се констатирани видливи траги на насилство. Издадена е наредба за обдукција, а обдукцискиот наод се уште се изготвува и не е доставен до обвинителството. Освен тоа, наредени се и дополнителни лабораториски анализи.

Со цел испитување на настанот, надлежниот јавен обвинител издаде и барања до мобилни оператори за проверка на листинзи и податоци од базни станици за евентуална телефонска комуникација. Воедно, од АД ЕСМ – Подружница ХЕЦ Тиквеш побарани се информации дали во временскиот период на настанот е вршено испуштање вода од браната на хидроелектраната и дали при таков испуст се подига значително нивото на водата во Црна Река на критичната локација.

Врз основа на сите овие наоди и информации Основното јавно обвинителство Кавадарци целосно ќе го провери настанот.

Извор: 4news

Македонски железници – Транспорт АД успешно ја заврши работната недела со нова добивка за товарниот сообраќај. Од денес, електричната локомотива од серија 443 е пуштена во функција, со што се зголемува ефикасноста и капацитетот на транспортот на стоки.

„Оваа локомотива е уште еден значаен чекор напред во модернизацијата на нашиот железнички систем и подобрување на услугите за товарниот сообраќај,“ истакнуваат од Македонски железници – Транспорт АД.

Со оваа инвестиција, компанијата продолжува со посветената работа на подобрување на инфраструктурата и одржување на возниот парк, што претставува клучна компонента за унапредување на железничкиот сообраќај во земјата.

https://www.facebook.com/share/v/15bWy87Sh9/?mibextid=wwXIfr

Градоначалникот на општина Јегуновце, Димитар Костадиноски, ги поканува сите сограѓани на настанот „Три години посветена работа за модерна општина Јегуновце“, кој ќе се одржи во сабота, 21 декември, во 18:00 часот, во салата на библиотеката „Светлина“ во Прељубиште.

На настанот, Костадиноски ќе ги презентира бројните реализирани проекти, активности и достигнувања во текот на неговиот мандат.

„Ми претставува чест и огромно задоволство да ги споделам со вас успесите што ги постигнавме заедно како заедница. Ве поканувам заеднички да ги проследиме овие резултати и да ја продолжиме нашата визија за модерна и напредна општина,“ порача Костадиноски.

Оваа средба ќе биде можност граѓаните одблизу да се запознаат со развојот на општината и со плановите за иднината.