Македонија
Нова германска инвестиција – „Брејнчајлд производство“ се отвора во ИЗ „Жабени“ крај Битола
Битола – Шареноликост од бои и современи дизајни налик на крилја од рајски птици наликуваат крилја за сурфање на вода што ги произведува германската фабрика „Брејнчајлд продукција“ во Битола. Во производствената хала сместена во старата индустриска зона во Битола вредно се работи на секој еден детаљ на материјалите од кои се шијат и изработуваат платната за спортови на ветер и нивни аксесоари. Производите на „Брејнчајлд“ произведени во Македонија се препознатливи на светскиот пазар и наградувани за квалитетот.
Успешната приказна на германската фирма се проширува со нова фабрика во ИЗ „Жабени“ крај Битола.
Постојната фабриката од 2021 година работи во објект на поранешна „Битолатекст“, таму затекнавме работна атмосфера со германска дисциплина. Едни ги подготвуваат боите и дезените, други ги печатат платната, трети ги шијат и лепат, други изработуваат неверојатно силни јажиња иако навидум изгледаат како врвки за чевли и се така по ред до финален производ.
Готовите платна за сурфање раскрилени и со димензии и до 12 м2 чекаат да бидат спакувани во ранци од рециклирани материјали и се подготвуваат за извоз за Холандија, Франција, Германија…
Вака накусо може да се опише производството во „Брејнчајлд продукција“ во Битола сопственост на германскиот параглајдерист и кајтсурфер Ралф Гросел. Фабриката во Битола не е единствена на Гросел, тој веќе има основано фабрики во Украина и Шри Ланка, а веќе е подготвен и за новиот проект во ИЗ „Жабени“. Покрај германскиот гигант „Кромберг и Шуберт, оваа фабрика на Гросел ќе биде втора германска инвестиција во индустриската зона на Општина Битола.
Интересна е приказната како Гросел се одлучил да инвестира во Македонија и во Битола, а пред се тоа е неговата пасија за летање со параглајдер што го носи во Крушево, Галичица и на други места во државата.
Сега новост е што германската инвестиција веќе ги отпочнува подготовките за нов производствен капацитет во ИЗ „Жабени“ што ќе значи дека „Брејнчајлд продукција“ отвора нов капацитет со име „Брејнчајлд производство“. Капацитетот во зоната ќе подразбира вложување на нови 8,5 милиони вера од страна на германскиот инвеститор и изградба на производствена хала на површина од околу 3000 квадратни метри. Фабриката во „Жабени“ ќе биде готова на почетокот на 2025 година.
„Новата фабрика во ИЗ ‘Жабени’ ќе биде фокусирана само на производство на крилја за сурфање. Добивме земјиште, ја потврдивме одлуката. Во тек е изработката на проектот, таа ќе биде монтажна и се очекува да биде готова по Нова година. Ние не сакаме да ја затвориме оваа фирма овде –‘Брејнчајлд продукција’, туку ќе остане како истражување и развој, но делот за производство ќе биде во ‘Жабени’. Побарувачката за нашите производи расте и таму во зоната ќе го правиме производството на она што тука ќе го истражиме“, вели Наталија Ристевска, менаџер во германската инвестиција во разговор за „Независен“.
Според неа германскиот инвеститор има позитивни искуства од соработката со државата и Општина Битола.
„Државата и Општина Битола во секој дел од инвестирањето ни излегоа во пресрет и за постојната фирма и за новата што допрва ќе се отвори. Добивме препораки и за земјиштето иако инвестицијата е наша, самостојна. До крајот на овој месец ќе имаме состанок со Владата за да се дефинира инвестицијата во целост. Ние можевме да инвестираме во било која ТИРЗ зона, но тука ни излегуваат во пресрет и ќе имаме одредени поволности“, вели Ристевска.
Досега фирмата брои околу 70 вработени (до Нова година ќе има уште десеттина нови вработувања) додека во ИЗ „Жабени“ ќе бидат нововработени над стотина работници. Ако производството напредува инвеститорот најавува и поголема бројка на нововработени. Ако ги прашате инвеститорите какви плати даваат и ветуваат, дали европски или по македонски стандард велат дека „се нешто помеѓу“.
„Брејнчајлд продукција“ во овој период е насочена кон обезбедување на кадарот за работа пред се на машински техничари и општи работници, шивачи, магационери, се она што го покрива основното производство во една текстилна индустрија.
„Најголем дел од нашите вработени се од поранешни текстилни фабрики во Битола, со стекнато искуство, само што кај нас се бара голема прецизност. Текстилните работници со обуката навистина можат да се пронајдат во оваа средина“, вели Ристевска.
„Брејнчајлд продукција“ се отвори во Битола пред три години, во едно исклучително кризно време за стопанството, во период на корона кризата како потреба од истражување и развој на два типови на крилја за сурфање на вода. За прв пат се воведува дигитално принтање и ултрасонично лепење на материјалите. Тоа значи флексибилно платно за сурферите и прилагодување на вибрациите на ветрот.
„Крилјата се изработуваат комплетно како структура, принт, а бидејќи производот не е лесен и едноставен за работа бара обука на вработените. За таа цел основавме и училиште за да ги обучиме работниците, па кога ќе дојдат тука да имаат предзнаење за работата што ги очекува оти производот е комплициран. Иновативноста на нашиот производ е што досега во светот на крилјата за сурфање не постоело сублимационо принтање, односно дигитално принтање на самиот материјал. Поклопувањето на двата панели на платното треба да биде детално до милиметар. Ако има грешки од милиметар, два се губи целата структура на самото крило“, објаснува Ристевска.
Претседателката на Република Македонија, Гордана Сињановска Давкова, со гордост ја истакна својата улога како покровителка на најстариот детски музички фестивал на Балканот, Златно славејче.
„Привилегија е да се биде дел од традицијата која 54 години го чува детскиот дух, ја слави креативноста и ја негува љубовта кон музиката. Златно славејче е повеќе од фестивал – тоа е симбол на радоста, сонот и инспирацијата што секое дете ја носи во себе,“ изјави претседателката.
Фестивалот, кој е вистински синоним за детската уметност и автентична македонска музика, продолжува да обединува генерации низ магијата на песната, носејќи го духот на иднината преку креативните изрази на најмладите.
Сиљановска Давкова ја нагласи важноста на поддршката за културните настани кои го градат идентитетот и ги инспирираат идните генерации. Таа изрази уверување дека Златно славејче и понатаму ќе биде мост на соработка, љубов и креативност.
Македонија
Претседателката бара да се оспори неправдатa, Сиљановска Давкова на 16 дена активизам против родово-заснованото насилство
Да ја оспориме неправдата е пораката од претседателката Сиљановска Давкова на централниот настан во рамки на активностите од 16 дена активизам против родово-заснованото насилство.
Претседателката Гордана Сиљановска Давкова денеска се обрати на централниот настан насловен „Насилство врз младите жени и девојки: сексуално вознемирување, демнење и контролирачко однесување“ што во организација на мисијата на ОБСЕ во Скопје се одржа во Културно-едукативниот центар Лабораториум, а во рамки на 16-те дена активизам против родово-заснованото насилство.
Во своето обраќање, претседателката Сиљановска Давкова истакна дека овде се собрани за да се фрли светлина на едно прашање што предолго време фрла сенка на премногу животи, а тоа е родово-заснованото насилство, злосторство што ги надминува границите, ги надминува културите, го надминува социо-економскиот статус и бара обединета акција, се вели во соопштението од кабинетот на претседателката.
„Најважна за лекувањето на проблемот е идентификацијата, видливоста на оние кои се најранливите категории зошто идентификацијата тогаш е со нив и се чувствуваат покомотно и позаштитено“, порачала претседателката повикувајќи ги сите, не само жената и децата да ја прекинат тишината и молкот.
„Треба да ја оспориме неправдата, треба да ја потврдиме посветеноста во свет кадешто безбедноста и достоинството не се привилегија на најголемите и најсилните, туку се права што мора да ги уживаат сите, и малите држави и запоставените и поинаквите по било кој основ, тоа е човечка обврска“, рече претседателката Сиљановска Давкова.
„Овде како лидери, како креатори на политики, како застапници на сечии интереси, а најмногу на интересите на најранливите, имаме моќ да обликуваме еден свет во којшто нема да го толерираме ваквото насилство“, нагласи Претседателката додавајќи дека за да се постигне тоа треба да се отворат мировни фронтови на сите страни, мора да се оспорат, да се предизвикаат штетните стереотипи, мора да се посочува и да се спроведува еднаквост без оглед на припадноста, но најважно е мора да се почитуваат вредностите, да се промовира ненасилство уште од најрана возраст”, рекла претседателката.
На настанот на кој што се обратиле и министерката за образование и наука, Весна Јаневска, пратеничката и претседателка на собраниската Комисија за еднакви можности на жените и мажите, Жаклина Пешевска, а видео обраќање имаше шефот на Мисијата на ОБСЕ во Скопје, Килиан Вал, беше прикажан видео материјал создаден во соработка со Факултетот за драмски уметности при Универзитетот „Св. Кирил и Методиј“ Скопје, по што се одржала панел дискусија со релевантните чинители.
Централен дел на настанот била потпишувањето на Декларацијата на намери, како јавна заложба за борба против насилството врз младите жени и девојки и којашто содржи десет акциски точки со конкретни мерки кои Мисијата на ОБСЕ во Скопје ќе ги поддржи во 2025 година. Декларацијата беше потпишана од претседателката Сиљановска Давкова, министерката за образование, Весна Јаневска, претставници на локални училишта, младински организации и НВО-и активни во борбата за ставање крај на насилството врз жените.
Гордана Сиљановска Давкова: „Златно славејче е симбол на детската радост и креативност“
Претседателката бара да се оспори неправдатa, Сиљановска Давкова на 16 дена активизам против родово-заснованото насилство
СДСМ избра нов Централен одбор, ова се имињата
Ахмети од Швајцарија: Без Албанците, Северна Македонија нема иднина
До кога дел од Тетово ќе биде без вода?
Револтиран угостител до Филипче: 15 години сум дел од ова не може да седам на страна без кажан збор!
БОМБА НА МАКЕДОНСКА ДОКТОРКА: Од 10 заболени вчера ревакцинирани со 2 дози се 8
Мехмети: Не прашувајте како изгоре болницата-Таа ја ИЗГОРЕВМЕ СИТЕ!
Затвор ли е Идризово, кафана ли е ? (Видео)
„Спремен сум да влезам во инфективна и со заболените БЕЗ МАСКА да седам 24/7 седум дена„“ – Предизвик до Филипче
(Видеo) Драма во Албанија: Гори 12-катница, 40 лица се заробени во становитe
Мистepиja на гpoбот на Свети Никола: И покрај paзopниот земjoтpec останал целoceн – се останато било yништено (ВИДЕО)
ПАЛЧО СО ИСТАТА БАНДА ВО МАЈ БЕШЕ ФАТЕН СО ПИШТОЛ БЕЗ ДОЗВОЛА како бара злато (ФОТО)
ВО ЖИВО ОД МВР – ФАТЕН Е И УАПСЕН ПАЛЧО (ВИДЕО)
(Видео) Излегов да берам дренки кога пред мене излезе мечката и ме нападна
-
Македонија6 days agoШтекли ја напушти Македонија? Од авион прати порака до сите
-
Бизнис4 days agoКоја е дамата што шопингот го замени со купување 100 акции во НЛБ Банка и плати 80.000 евра во еден ден?
-
Македонија4 days agoИнтервенција на пожарната во Тетовско, има загинати
-
Македонија3 days agoПрекин на струја утре во дел од Тетовско
-
Македонија4 days agoКој ќе биде без струја утре? Проверете ги деталите за прекинот!
-
Македонија4 days agoТепачка во Брвеница, полицијата морала да интервенира
-
Македонија2 days agoВо случај на вооружен напад само 18 отсто од населението на Македонија ќе има каде да се засолни
-
Македонија4 days agoВажно известувања од општина Тетово