Земјотрес попладнево бил почувствуван во западниот дел на Албанија, соопшти Европско-медитеранскиот сеизмолошки центар (EMSC).

Земјотресот со јачина од 3,8 степени бил на длабочина од пет километри во близина на градот Фиер.

Епицентарот на земјотресот бил на 7 километри југоисточно од градот Фиер, кој има околу 60 илјади жители.

Четиринаесетгодишно момче со нож уби еден и рани друг полицаец во полициска станица во североисточниот босански град Босанска Крупа. Во почетната фаза на истрагата нападот е окарактеризиран како терористички чин, објавија босанските медиуми.

Нападот се случи синоќа во 22 часот, а убиецот е уапсен на самото место. Локалните власти кажаа дека е подигнато безбедносното ниво во малиот град на брегот на реката Уна.

„Малолетник влезе во полициската станица и без повод избоде двајца полицајци. Еден почина, а другиот е во стабилна состојба“, изјави министерот за внатрешни работи на Федерацијата БиХ, Рамо Исак.

Портпаролот на МВР на Унско-санскиот кантон Аднан Бегановиќ изјави дека засега не се знаат мотивите на нападот.

„Обвинителството се изјасни дека настанот има обележја на тероризам, но истрагата ќе ги утврди мотивите и причините“, кажа Бегановиќ.

Двајца високи функционери на Католичката црква во Грција се под истрага од властите во Атина за наводно проневера на 3 милиони евра од црквата за да инвестираат во ноќни клубови.

Истрагата на грчката Управа за спречување перење пари – која откри дека парите на Католичката црква биле користени за финансирање на грчкиот ноќен живот – веќе ги замрзна банкарските сметки и имотот на пет сопственици на ноќни клубови во јужниот регион на Пелопонез.

Според пишувањата на домашниот печат, случајот е поврзан со настани од пред осум години, кога се случила првата необична трансакција на едно од петте приватници, маскирано во обична инвестиција.

Ревизијата, спроведена од страна на Грчката управа за спречување перење пари, откри дека околу 3 милиони евра биле пренасочени од средствата на Католичката црква и инвестирани во ноќни клубови.

Управата најпрво беше предупредена од банките кои пријавија „сомнителни“ трансакции со големи суми. Беше започната темелна истрага за следење на протокот на средства и идентификување на инволвираните лица.

Истрагата откри силни индиции за тешки кривични дела, како проневера и перење пари. Идентитетот на инволвираните свештеници и бизнисмени од ноќни клубови беше потврден откако беше утврдено дека средствата во износ од 3 милиони евра биле проневерени од сметките на Црквата.

Најновиот осомничен нелегален трансфер од 50.000 евра се случил пред само неколку дена.

Случајот, кој започна како случајна ревизија, е испратен до главното обвинителство за понатамошна кривична истрага. Обвинителството следно се очекува да ги испраша седумтемина за наводна проневера и перење пари и отворена постапка за кривично дело.

Како одговор на наводите, Католичката црква во Грција во соопштението во четвртокот рече дека не знаела за постапките на двајцата свештеници.

„По денешните извештаи во печатот за проневера и перење пари, изјавуваме дека немаме официјални информации за ова прашање. Затоа, чекаме ажурирање од надлежните органи за да можеме да заземеме официјален став по ова прашање“, се вели во соопштението.

Хараламбос Вурлиотис, шеф на грчката управа за спречување перење пари и поранешен заменик обвинител на Врховниот суд, иницираше замрзнување на банкарски сметки и имот на сопственици на ноќни клубови на Пелопонез. Овие бизнисмени биле приматели на значителни средства од двајца високи свештеници во хиерархијата на Католичката црква на Грција.

Наодите на Управата се проследени до органите на прогонот на Католичката црква на Грција, со фокус на истрагата за потенцијални кривични дела, вклучувајќи проневера од двајцата свештеници и перење пари од страна на инволвираните бизнисмени. Имено, еден од сопствениците на ноќните клубови имал историја на вмешаност во тешки криминални активности.

Седиштето на Римокатоличката црква во Ватикан, исто така, е информирано за активностите на Вурлиотис.