Министерката за енергетика, Сања Божиновска, ја посети јамата на рудникот САСА, најголемиот рудник за олово и цинк во Македонија, и одблиску се запозна со секојдневните предизвици на рударите. Облечена во полна рударска опрема, министерката истакна дека безбедното и одржливо рударство е клучно не само за економијата, туку и за луѓето кои стојат зад оваа индустрија.

САСА, кој вработува 770 луѓе, најголемиот дел од локалната заедница, во последните шест години донесе над 85 милиони долари во државната каса. За време на посетата, Божиновска беше информирана за значајните инвестиции во нови постројки и технологии за заштита на животната средина, што гарантираат дека рудникот нема да има потреба од ново јаловишно езеро за време на неговото функционирање.

„Како министерка, останувам посветена на поддршка на иновативни и одговорни рударски практики кои обезбедуваат безбедна и одржлива иднина за сите,“ изјави Божиновска.

Видеото може да го погледнете тука

Министерката за енергетика, рударство и минерални суровини Сања Божиновска денеска го посети рудникот САСА, најголемиот подземен рудник за олово и цинк во земјава, кој произведува приближно 800.000 тони руда годишно. На средбата со претставниците на менаџерскиот тим на рудникот, Божиноска посочи дека ги поддржува рударските практики кои се одржливи и безбедни, а воедно ја истакна и важноста на иновациите во рударството.

-САСА е важен дел од економската структура на нашата земја. Поддршката за овие проекти е клучна за одржливиот развој и за подобрување на условите за живот на локалната заедница. Како министерка мојата цел е да ги поддржам рударските практики кои се одржливи и безбедни и да ја истакнам важноста на иновациите во рударството. Со поддршка на модерни технологии, да работиме на создавање рударството кое е безбедно и одржливо, истакна Божиновска на средбата.

Од Министерството соопштија дека во САСА директно се вработени околу 770 лица, најголем дел жители на локалната заедница, а успешното работење на рудникот Саса во изминатите шест години му овозможи да плати повеќе од 85 милиони долари во форма на даноци, кои се искористени за поддршка на развојот на земјата и подобрување на квалитетот на животот на луѓето.

Генералниот директор на Рудник САСА, Кристофер Колбурн истакна дека во изминатите шест години како дел од Централ Азија Металс, интернационална рударска компанија, вложени се над 80 милиони долари во капитални проекти, современа рударска опрема, дигитализација, подобрување на безбедноста, стандардите и условите за работа во рудникот,

-Оваа посета на министерката Божиновска, која раководи со еден исклучително значаен ресор, за нас во САСА има посебно значење. Таа е дел од вкупната наша комуникација и соработка со институциите на централно и локално ниво, која е неопходна за натамошниот успех на САСА. Целта е да ги реализираме нашите инвестициски планови и проекти за безбедна, еколошки одговорна и стабилна работа на САСА, обезбедувајќи благосостојба за своите вработени и нивните семејства, поддржувајќи ја локалната заедница и придонесувајќи за целокупниот просперитет на земјата, изјави Колбурн.

За време на посетата министерката ги посетила и подземните руднички коридори каде разговараше со рударите за нивните искуства и предизвици. Работниците нагласија дека безбедноста на теренот е приоритет и дека постојано работат на подобрување на условите на работа.

-Рударите се срцето на овој рудник. Нивната безбедност и задоволство од работа се од суштинско значење за успешното функционирање на САСА, истакна министерката.

Божиновска ги посети и новите постројки кои се дел од инвестициски проекти значајни за заштита на животна средина и здравјето. Како, постројката за подготовка на паста за засип што ќе ја максимизира екстракцијата на ресурсите, намалувајќи ја потребата од оставање на руда на самото место. Со изградбата на постојка за подготовка на јаловина за суво одлагање ќе се намали еколошкиот отпечаток, со тоа што нема да има потреба да гради уште едно јаловишно езеро во текот на постојниот животен век на рудникот.

Посетата на САСА е дел од континуираните активности на министерката Божиновска за директна комуникација и редовна посета на сите капацитети под ингеренции на министерството.

РС Македонија доби потврда за политиките од кредитната агенција „Стандард и Пурс“, задржувајќи го кредитниот рејтинг ББ- со стабилни изгледи. Агенцијата ја нотира определбата на Владата за сеопфатни реформи со цел забрзување на економскиот раст, зајакнување на административните капацитети, борба против корупцијата и зајакнување на владеењето на правото.

Во извештајот Агенцијата наведува дека главен приоритет на Владата е стимулирање на економскиот раст и постигнување стапки на раст до 5% преку реализација на големи инфрастуктурни проекти. Агецијата посочува и дека се вложуваат напори и за зајакнување на инвестициите, подобра наплата на даноците, како и зголемување на пензиите и платите за поддршка на граѓаните. Притоа, посочуваат на потребата од спроведување засилена фискална консолидација.

Со усвоениот Буџет за 2025 година, како што стои во извештајот, дефицитот е проектиран на 4% од БДП. Приходите се очекува да се зголемат за 13%, достигнувајќи 35,7% од БДП, поттикнати од поголемата наплата на даноци и придонеси за социјално осигурување, како и повисоки стапки на економски раст. Расходите ќе забележат раст од 10,3%, што изнесува 40% од БДП, пред се заради повисоките плати во јавниот сектор и социјални трансфери, повеќе средства за здравствена заштита, како и за капитални инвестиции, кои се планирани на 47,2 милијарди денари или 4,2% од БДП. Притисок врз остварување на проектираниот буџетски дефицит според „Стандард и пурс“ може да претставуваат меѓу другото осварувањето на пониски стапки на раст од проектираното, помалата наплата на даноците, сивата економијата, како и згоелмување на трошоците за инвестциите.

Агенцијата наведува дека слабата надворешна побарувачка и ограничена инвестициска активност го ограничија растот на економијата на 2,6% во првите три квартали од 2024 година. Подобрување Агенцијата очекува во 2025 година со раст на економијата од 2,9% и негово стабилизирање на ниво од околу 3% до 2027 година, поттикнати од постепеното закрепнување на надворешната побарувачка и пораст на инвестициската активност.

Агенцијата очекува стапката на инфлација да остане во просек од 3,5% како резултат на растот на цените на храната.

Агенцијата смета дека спроведување на структурните реформи може да донесат значителен напредок за земјата, поддржани од подобрите фискални перформанси, намалување на долгот и силниот економски раст.

„Стандард и пурс„го оценува кредитниот рејтинг на земјата два пати во годината. Кредитниот рејтинг на земјата се оценува двапати во годината и од страна на „Фич“. Тој претставува клучен инфикатор за потенцијалите инвеститорите при носењето одлуки за инвестирање, а го покажува степенот на ризик од инвестирање.