Граѓаните кои ги немаат сменето возачките дозволи и регистарските таблички кои претстанаа да важат, во овој период не треба да бидат казнети, изјави денеска министерот за внатрешни работи Панче Тошковски.

Тој упати апел до полициските службеници да ги има предвид законските одредби што се однесуваат на укажувања, опомени, …

– Сметам дека ниеден македонски полицаец не треба да изрече парична казна за овој тип на прекршоци, затоа што македонскиот граѓанин не треба парично да плаќа затоа што сме имале некадарни политичари во минатото. Овој период треба да помине во превентивно делување од страна на полицијата, со цел да се усогласиме со законот – изјави Тошковски, одговарајќи на новинарски прашања по отварањето на скијачкиот центар „Михајлово“.

Казната за несменета возачка дозвола е 100 евра во денарска противвредност.

Во врска со личните карти, Тошковски ги демантираше пишувањата во дел од медиумите дека и овие документи престануваат да важат .

– Сите лични карти кои се со важечки втиснат датум, се во важност и ќе продолжат да бидат во важност. Ниту една законска измена не се однесувала на личните карти, така што граѓаните од тој аспект може да бидат мирни – нагласи Тошковски.

Од денеска возачките дозволи со старото име на државата престанат да важат. Досега се издадени повеќе од 800.000 возачки со новото уставно име на државата.

Според Преспанскиот договор, по промената на уставното име на државата, граѓаните имаа обврска да ги промени личните документи, а на регистарски таблички треба да имаат ознака НМК. Министерството за внатрешни работи соопшти дека краен рок да ги заменат регистарските таблички со нови или на старите да залепат налепница НМК беше до 31 декември 2024 година.

Министерот за внатрешни работи Панче Тошковски безбедносната состојба во државата за време на новогодишната ноќ ја оцени како мирна и стабилна.

На територија на државата се случиле вкупно 29 кривично-правни дела и се приведени 33 лица, а се случиле 28 сообраќајни незгоди од кои во 3 има повреени лица.

Премиерот Христијан Мицкоски во новогодишното интервју за МИА нагласува дека е подготвен во секое време да разговара со кој било политичар, кој има каква било идеја, која води кон национално помирување за државните стратешки интереси. 

Мицкоски нагласува оти е добро што идејата за заедничка стратегија, на која повика тој самиот, а потоа и коалицискиот партнер ЗНАМ преку предложената платформа, но и лидерот на опозицијата Венко Филипче со предлагање на натпартиска стратегија е сѐ поприсутна и се втемелува во јавноста. Во однос на зголемувањето на минималната плата вели дека тоа ќе се случи согласно законските прописи и таа ќе биде на ниво од над 24 илјади денари, а во однос на барањата таа да достигне 450 до 500 евра, вели доколку работодавачите и работниците се согласат за поголемо зголемување можат многу лесно законски да интервенираат и како Влада тоа ќе го прифатат.

Во однос на зголемувањето на минималната плата вели дека тоа ќе се случи согласно законските прописи и таа ќе биде на ниво од над 24 илјади денари, а во однос на барањата таа да достигне 450 до 500 евра, вели доколку работодавачите и работниците се согласат за поголемо зголемување можат многу лесно законски да интервенираат и како Влада тоа ќе го прифатат. Ова прашање ќе го отворат на следниот Економско социјален совет, што ќе се одржи во текот на месецов.

И покрај препораките на Фискалниот совет (ФС) и на Светска банка (СБ) за зголемувањето на старосната граница за заминување во пензија на 67 години, останува на ставот дека такво нешто нема да се случи. Не е планирано ниту зголемување на давачките за пензиското осигурување, ниту на ДДВ-то што исто така беше дел од препораките на СБ.

„Апсолутно останувам на ставот, тука не треба никој да има никаква дилема…Ние сме фокусирани на политики коишто ќе значат намалување на сивата економија, намалување на даночната евазија, повеќе пари да собереме во буџетот, истовремено раст на економијата и повеќе пари да собереме на тој начин во буџетот како би можеле сето ова да го сервисираме за што во моментот морам да кажам дека сме апсолутно ликвидни, дури после долго време имавме и суфицит во буџетот во еден месец, мислам дека беше октомври месец, од прилика 17 милиони евра, не беа милијарди и 200-300 милиони, така што најлесно е да удриме на грбот на граѓаните. Тоа нема никогаш да го направиме, ако не ги исцрпиме сите можности коишто ги црпиме затоа што оваа Влада е избрана со огромна доверба од страна на граѓаните и таа доверба не смее да ја изгуби со тоа што ќе води дволични лицемерни политики, туку стабилни политики, политики коишто се предвидливи и политики на долг рок“, вели Мицкоски.

Најавено е дека за време на престојот во Вашингтон, македонскиот премиер ќе се сретне со Хауард Лутник, копретседавач на тимот за транзиција на претседателот Доналд Трамп и министер за трговија, Девин Нунес, претседавач со советодавното тело за разузнавање на претседателот Доналд Трамп и извршен директор на Трамп медиумската корпорација и со извршниот директор на Рамбл, Крис Павловски.

Македонскиот премиер Христијан Мицкоски е еден од европските лидери кои добија покана за присуство на инаугурацијата на Доналд Трамп за претседател на САД а 18 јануари.

Македонскиот премиер на 20 јануари ќе присуствува и на свеченоста насловена како „Гласови на слободата“ која ќе се одржи по инаугурацијата организирана од компаниите Трамп медиа и Рампл.

Македонскиот премиер Христијан Мицкоски е еден од европските лидери кои добија покана за присуство на инаугурацијата на Доналд Трамп за претседател на САД а 18 јануари.

Македонскиот премиер на 20 јануари ќе присуствува и на свеченоста насловена како „Гласови на слободата“ која ќе се одржи по инаугурацијата организирана од компаниите Трамп медиа и Рампл.

Можни се и средби со Ричард Гренел, пратеник за специјални мисии на претседателот на САД, со државниот секретар Марко Рубио и со Илон Маск, кој е назначен за шеф на Министерството за владина ефикасност.

Посетата ја потврди и премиерот во интервјуто за МИА.

– Покрај Брисел, Вашингтон е исклучително значајно место за нас како држава и за нас како Влада. Навистина ќе имам квалитетни средби од тоа што е досега договорено со водечките луѓе од администрацијата во Вашингтон и очекувам да го привлечам вниманието и со поинаква оптика да гледаат кон Балканот. Мораме прво регионално да го привлечеме вниманието, односно оптиката на Вашингтон да гледа кај нас како регион, не како единка во тој регион. Да, важна единка, природна раскрсница, срцето на Балканот, но сепак ако го гледаме Балканот како целина, како регион, тогаш низ оптиката на Вашингтон поубаво можеме да ги гледаме работите и сакам сето тоа да го презентирам таму кои се предностите коишто ние како мала, убава земја во срцето на Балканот ги нудиме, но и кои се предизвиците за регионот – вели Мицкоски.