Сериозни злоупотреби во безбедносно-разузнавачкиот систем, за време на претходната власт предводена од СДСМ и ДУИ, напиша на Фејсбук, Наќе Чулев.

„Безбедносно-разузнавачките институции не се реформирани, а во нивните рамки се направени сериозни злоупотреби кои мора да бидат предмет на истрага од страна на Јавното обвинителство. Овие злоупотреби се потврда за користење на институциите за следење и негативно етикетирање на личности, како и за обиди за спречување на промена на власта. Во контекст на наводите објавени од премиерот Христијан Мицкоски за фабрикувани конструкции за пара-полициски вооружени формации, јавно го повикувам Обвинителството да истражи зошто ваквите информации не беа доставени до МВР, иако тоа експлицитно го побаравме во неколку наврати. Имено, по преземањето на функцијата технички министер, побарав писмено, но и во рамки на работен состанок, од надлежните институции да достават информации за потенцијални безбедносни ризици во пресрет на одржување на изборите. Вакви информации, до мене, МВР, но и до владата и Советот за координација на безбедносно-разузнавачката заедница во тој период воопшто не беа доставени. Тука се поставува јавно прашањето: доколку институциите располагале со такви информации за сериозни безбедносни закани, зошто истите не беа доставени до надлежните институции во исклучително сензитивниот предизборен период и покрај тоа што истото во неколку наврати беше побарано од моја страна?“, прашува Чулев и додава:

„Неопходно е јавното обвинителство да отпочне активности за решавање на овие отворени прашања и утврдување на сите инволвирани лица и незаконски дејствија, додаде тој“.

На 07.01.2025 во 16.20 часот во СВР Тетово, Ф.И.(30) од с.Групчин, тетовско, пријавил дека околу 16.00 часот на улица „Благоја Тоска“ во Тетово бил физички нападнат од две лица. Се преземаат мерки за расчистување на случајот.  

На 07.01.2025 во 13.10 часот кај влезот за с.Бродец, тетовско, на подрачјето на Национален парк „Шар Планина“, полициски службеници од Полициското одделение Попова Шапка го лишиле од слобода А.Р.(38) од Тетово поради основи на  сомнение дека сторил кривично дело „незаконит лов“ по член 228 од Кривичниот законик. Кај него биле пронајдени и одземени ловечка пушка и осум куршуми, дозвола за оружјето на негово име и дозвола од ловечко друштво. Тој е задржан во полициска станица и по документирање на случајот ќе му биде изготвен соодветен поднесок.