Министерството за енергетика, рударство и минерални суровини предлага домаќинствата и малите потрошувачи да можат да купуваат струја според концептот „динамична цена“ наместо да ја плаќаат како фиксна кај универзалниот снабдувач (во случајов ЕВН Хоме).

Според дополнителните и најнови предложени измени на Законот за енергетика, домаќинствата ќе може да купуваат струја од снабдувачи со динамична, односно тековна цена, каква што е во моментот на пазарот.  Бидејќи оваа цена е варијабилна, потрошувачот ќе може да ги користи периодите кога таа е ниска.

Снабдувачот ќе треба да им обезбедува постојани информации на потрошувачите за цената на струјата преку паметни мерни уреди, а своја улога како обезбедувач на информации и контрола ќе има Регулаторната комисија за енергетика.

Од Министерството за енергетика, на нашето прашање колку е веројатно ова да профункционира во пракса и колку време ке биде потребно овој концепт да се воспостави, велат дека оваа можност веќе е започната да се имплементира во некои земји од Европската унија.

– Оваа новина, која почнува да се имплементира во дел од земјите од Европската Унија, ја инкорпорираме и во нашето законодавство како дел од усогласувањето со европските стандарди. Министерството за енергетика смета дека, воведувањето на можноста домаќинствата и малите потрошувачи да склучуваат договори со снабдувачи на електрична енергија по динамична цена, е изводливо и во интерес на граѓаните, бидејќи ова ќе им овозможи флексибилност и оптимизирање на трошоците во согласност со реалната потрошувачка. Искуствата и праксата покажуваат дека потребното време за целосна имплементација зависи од техничките подготовки и договорите со снабдувачите. Што секако ќе биде во координација со потребите на потрошувачите и ќе се развива паралелно со прилагодувањето на потребите на пазарот и техничките капацитети, велат од министерството.

Од таму додаваат дека потрошувачите – во слуачјов домаќинствата и малите потрошувачи, ќе треба да инсталираат посебно броило во договор со снабдувачот за плаќање на електричната енергија по динамична (променлива) цена.

– Во однос на евентуалните трошоци за корисниците, единствениот можен почетен трошок би бил за инсталирање ново броило со опција за далечинско читање. Министерството се стреми да се минимизираат дополнителните трошоци, со цел да го направи овој модел достапен за што поголем број граѓани без дополнителен финансиски товар, гласи одговорот од Министерството за енергетика.

Извор: Faktor.mk

Очигледно дека акцијата на НЛБ Банка е една од најатрактивните хартии од вредност на нашата берза. Причините за тоа се бројни, но веројатно една од најважните е редовна и обилна дивиденда која контиуирано ја добиваат нејзините акционери

Интересен ден на Македонската берза за хартии од вредност. Откако „Фактор“ објави дека градежните компании „Адора Инженеринг“ и „Настел“ се меѓу тројцата најголеми инвеститори во НЛБ Банка таа акција не мирува. Во последниве пет трговски дена нејзнината пазарна цена порасна за 5.5000 денари и таа акција сега се тргува и на ниво од 49.500 денари за акција. Ова е највисока пазарна цена што акцијата на НЛБ Банка ја достигна во период од цела година наназад.

Очигледно дека интересот за таа акција јакне и расте. Вчера беа истргувани вкупно 109 акции за промет од речиси 900.000 евра. Највисоката цена беше 49.500 денари, а таа е воедно и највисока годишна цена за таа акција.

Но вчерашното тргување имаше посебен белег. Истргуваната количина беше видно повисока од вообичаените истргувани количества акции. Вчераутро беше поставен налог на куповната страна за 100 акции на НЛБ Банка.

Инвеститорите и трговците на продажната страна ја прифатија фрлената ракавица. Во текот на целото тргување од 10 до 14 часот беа истргувани вкупно 109 акции.

При тоа беше реализиран и целиот куповен налог на 100 акции.

Неофицијално дознаваме дека станува збор за дама, која воедно е блиска роднина на познат македонски бизнисмен од стар ков. Очигледно дамата решила шопингот да го замени во вложување во акции на голема домашна банка која е позната на како редовен делач на дивиденди кои не се за потценување и се едни од најдобрите во редот на домашните банки кои делат дивиденда.

Таткото пак од друга страна во периодов е во фокус на инвеститорската јавност затоа што е се споменува во процес на менување на сопственоста во една домашна голема компанија – акционерско друштво.

Извор: faktor.mk

Четри члена на Регулаторната комисија за енергетика и водни услуги ќе бидат разрешени по одлука на Владата на Република Македонија оджана на почетокот на месецов. 

Меѓу разрешените се Андреј Тасев, Мерита Дема, Лирим Сулејмани и Фатон Амбари. Иако сите четворица се уште имаат важечки мандати, односно требало да им истечат во 2026 или 2028 година, Владата одлучуи да ги разреши. 

Како што е појаснето во документот доставен пред пратениците, член на комисијата може да биде разрешен од функцијата доколку несовесно и нестручно ја врши функцијата, доколку извршил повреда на обврските за непристрасност и незавиност, или ја злоупотребил функцијата, или пак работел спротивно на законот. 

Притоа е посочено дека Андреј Тасев, за член на комисијата е изгласан на 5 мај 2021 година, и неговиот петгодишен мандат му истекува на 5 мај 2026 година. Што се однесува пак до Лирим Сулејмани, неговиот мандат започнал на 18 мај 2021 година и истекува на 18 мај 2026 година. Фатон Амбари и Мерита Дема добиле мандати на 26 јули 2023 година, и нивните истекуваат на 26 јули 2028 година.

–  Во периодот пред именувањето, Андреј Тасев почнувајќи од 2002 година работи како сопственик и управител на Фабрика за амортизери СТД ДОО увози-извоз Нов Дојран, што согласно националната класификација е „производство на други делови и дополнителен прибор за моторни возила“, а не дејност од областа на енергетиката или водните услуги, ниту има доставено доказ преглед на регистрирани податоци во матичната евиденција од Фонд за пензиско и инвалидско осигурување, ниту од Агенцијата за вработување, па оттаму именуваниот во последните 15 години нема најмалку десет години работно искуство во енергетката, односно водните услуги – се напоменува во документот доставен во Собранието. 

Посочено дека Дема, согласно податоците на Фондот за пензиско осигурувње е во редовен работен однос од 13 март 2013 година и при именувањето немала 15 години работно искуство, што е предуслов за членовите на РКЕ, поради што предлагачите посочуваат дека е некомпетентна за наведената позиција.

–  Во моментот на именување на Лирим Сулејамни за член на РКЕ како стручно лице за правни прашања од областа на енергетиката веќе бил именуван членот Енвер Елмази од 17 октомври 2016 година. Во моментот на именување на Фатон Амбари за член, како стручно лице веќе била именувана Анадријана Нелкова – Чучук од 27 август 2019 година. Владата му предлага на Собранието да ги разреши од должност членовите на РКЕ – стои во документот доставен во Собранието. 

Во документот е појаснето оти комисијата е составена од седум члена од кои еден е претседател. Еден член на комисијата е стручно лице за правни прашања од областа на енергетиката, еден член е стручен за економски прашања од областа на енергетиакта или водните услуги, потоа член за технички прашања од областа на водните услуги, а останатите се технички прашања од областа на енергетиката. Предлагачите на разрешувањето појаснуваат дека член на комисијата може да биде државјанин на земајва кој има високо образовение, и тоа од областа на енергетиката, машинството, технолошки науки, градежништво, економија или право. Потоа да има 10 години работно искуство во областа, две години пред именвуање во комисијата да не бил член на управување или надзор на друштво кое врши енергетска дејност, а во моментот на именување да нема казна забрана за дејност. 

Мандатот на секој член и на претседателот е пет години, и тие не можат да бидат на функцијата повеќе од два последователни мандати