Американската амбасадорка Анџела Агелер изјави дека е задоволна што поранешниот вицепремиер Артан Груби е на црната листа на САД. За случајот со Груби вели дека е објавен кога е завршен, а не затоа што тој паднал од власт. Aмериканската амбасадорка уште вели дека нејзина работа како амбасадор е да има средби и со македонски функционери кои се дел од истрагите за црната листа.

Агелер во поткастот на македонско-американската алумни асоцијација од серијалот интервјуа за борба против корупција, вели дека за случајот што тој е обележан од американските власти, доказите се на дофат на македонските власти, но како што рече, тие не се орган на прогонот.

„Доказите се тука, најголемиот дел од нив, не сите. Може да се отвори случај од она што е достапно тука и во регионот и тоа е она што ние како амбасада се надеваме дека ќе се случи, но исто така ние не сме орган на прогонот. Јас нема да му влезам никому дома, но се надевам дека ова поттикнува акција и можам да кажам дека последните неколку имиња на црната листа навистина предизвикаа реакција“, вели Агелер.

Aмериканската амбасадорка уште кажа дека нејзина работа како амбасадор е да има средби и со македонски функционери кои се дел од истрагите за црната листа.

„Но, знам да препознаам луѓе кои лажат в лице кога велат дека се борат против корупција“, рече Агелер во поткастот на македонско-американската алумни асоцијација од серијалот интервјуа за борба против корупција.

Министерот за јавна администрација Горан Минчев како физичко лице, по допрен глас, поднесе претставка до Државниот инспекторат за труд барајќи вонреден инспекциски надзор во Јавното комунално претпријатие „Пиша“ од селото Липково.

Во претставката Минчев укажува на сериозни неправилности во објавениот јавен оглас број 03-204/3, со кој се бараат четири нови вработувања на неопределено време.

Според огласот, критериумите за вработување вклучуваат етничка припадност, што е во спротивност со Законот за вработените во јавниот сектор, Законот за работните односи и Правилникот за задолжителните елементи на јавните огласи, информираа од неговиот кабинет.

„Ова е директно нарушување на принципите на еднаквост и недискриминација. Законот е јасен – вработувањата во јавниот сектор треба да се базираат на квалификации, компетенции и транспарентност, а не на етничка или друга дискриминаторска основа“, истакна Минчев.

Како министер, но и како граѓанин, Минчев посочи дека ваквите случаи ја нарушуваат довербата во институциите и ги охрабрува граѓаните да се борат за почитување на своите права.

„Должни сме да изградиме праведен систем, кој функционира еднакво за сите. Политичката волја за почитување на законите мора да биде основен принцип на секоја јавна институција. Само така можеме да создадеме силна и правична држава“, нагласи Минчев.

Претставката до Државниот инспекторат за труд е поднесена со цел да се утврди дали во конкретниот случај постојат основи за прекршување на законите. Минчев повика Инспекторатот да спроведе темелна истрага и да информира за преземените мерки.

Црниот мраз е најопасното нешто што може да ви се случи на патот. Првиот снег во декември веќе ни ги покри патиштата, а падна по период на мраз на патиштата.

Ноќните температури се спуштија под нула, што го зголеми ризикот од мраз на патот, особено ноќе и со лапавица која се лепи за асфалтот, претворајќи се во тенок слој на кој автомобилот тешко се контролира.

Ваквите услови го отежнуваат возењето, особено на улици кои службите немаат време да ги расчистат при ненадејни врнежи. Затоа, ве потсетуваме на петте најдобри совети за возење во услови на снег и мраз на патот, особено за младите возачи и оние постарите со помалку рефлекси зад воланот.

Предвидувањето на сообраќајот е клучот: одржувајте безбедно растојание

Првото правило за зимско возење е она што треба да се примени на возењето воопшто: предвидете што доаѓа. Овој совет е уште поважен во зимски услови, бидејќи ви треба повеќе време за да го забавите или безбедно да го управувате возилото.

Според истражувањето, снегот може да го одложи времето на реакција на возачот за 34 проценти, додека растојанието за сопирање може да биде десет пати подолго до целосно запирање во зимски услови на патот.

Колку побавно возите и колку поголемо растојание држите од возилото пред вас, толку повеќе време имате да реагирате. Предвидете што следува и возете полека, тоа е основното правило за возење во тешки услови. Меѓутоа, многумина брзаат затоа што стануваат нетрпеливи кога се формираат колоните и ги преценуваат нивните способности, што може да доведе до катастрофа. Трпението е многу важно, подобро да стигнете подоцна отколку никогаш.

Кога возите, користете моторно сопирање

Корисна техника за забавување на стрмни падини отсекогаш била т.н моторно сопирање. Ако имате рачен менувач, префрлете се во помала брзина и пуштете полека за да ја намалувате брзината без користење на сопирачката, а во автомобил со автоматски менувач, едноставно отпуштете ја педалата за гас или ставете пониска брзина „рачно“, ако ја имате таа опција.

Додека ја користите ножната сопирачка, можете да почувствувате дека системот за противблокирање на сопирањето ABS „работи прекувремено“, така што моторното сопирање ве забавува и го контролира лизгањето на тркалата. Потоа можете внимателно да започнете со сопирање. Возењето по удолница со мали брзини ќе ви помогне да ја одржите контролата над автомобилот и да ја намалите брзината.

„Црниот мраз“ е невидлив убиец

Кога возите во зима, секогаш имајте ја на ум појавата на „црн мраз“, што е исклучително опасно бидејќи е многу тешко да се забележи. Тоа е тенок леден слој на патот кој се формира по замрзнати дождови или снег кој повторно замрзнува на патот кога температурата паѓа.

Автомобилите дури придонесуваат за оваа појава бидејќи „топлите“ гуми ги топат снегот и мразот на патот, но снегот брзо повторно замрзнува во многу тенок, често проѕирен слој кога нема сообраќај. Запомнете го ова особено ако возите на патишта каде што нема многу сообраќај: ноќе и во утринските часови, кога има најмалку возила на патиштата.

Што правите кога ќе видите дека наеднаш сте изгубиле контрола?

Важно е да останете смирени што е можно повеќе и да избегнувате ненадејни маневри. Треба да го свртите воланот нежно и нежно да ја дозирате сопирачката додека не ја поминете заледената површина и тркалата повторно не го допрат асфалтот. Исто така, би било добро да се префрли во помала брзина за да може да се забави без сопирање.

Користете светла за магла, но само кога е потребно!

Ова е совет во корист на другите учесници во сообраќајот, а се однесува и на предните, а особено на задните фарови за магла. Светлата за магла се наменети само кога снегот, дождот или маглата се екстремно густи и обезбедуваат другите возачи да ве видат порано. Меѓутоа, кога ќе излезете од лошо време, не заборавајте да ги исклучите светлата за магла, бидејќи тие исклучително им го одвлекуваат вниманието на другите возачи, особено на задните светла.