Градежната компанија Стентон Градба слави повеќе од две децении успешно работење, од своите скромни почетоци во 2003 година до позицијата на еден од водечките играчи во градежната индустрија.

Компанијата започна како производител на градежен материјал, но со текот на годините ја прошири својата дејност, станувајќи синоним за квалитет и иновативност. Денес, Стентон Градба активно работи на меѓународни партнерства со цел да ги имплементира најсовремените градежни решенија и технологии.

Со визија насочена кон иднината, компанијата продолжува да инвестира во развој, одржливост и висококвалитетни градежни проекти.

Стентон Градба е основана во 2003 година како компанија која започна со производство на градежни материјали, а подоцна и со изведба на договорни проекти за приватни лица, големи компании, министерства, општини и различни други субјекти.

Во 2004 година од производител на речен песок Стентон Градба во текот на своето работење се разви во производител на бетон, со што стана водечка градежна компанија во Пелагонискиот регион.

Од 2007 година Стентон Градба во својот спектар на експертиза додаде хидроинженеринг, изградба на патишта, инфраструктурни проекти, санирање на свлечишта, изведба на индустриски објекти и друго.

Во 2013 година Стентон Градба успешно го финализира еден од најголемите проекти во општина Битола насловен како „Реконструкција на Црн – Мост Битола“.

Во 2015 Стентон Градба беше една од компаниите основачи на Градежна комора на Македонија.

Во 2017 година Стентон Градба го изгради „Центар за за Технички преглед, дијагностика, сервис и поправка на Моторни возила“ во сопственост на СН Осигурителен Брокер АД Битола. 

Во 2017, 2018 и 2020 година Стентон Градба добива признание за една од 200 најголеми фирми во Македонија.

Во истата 2017 година Стентон Градба учествуваше во изградбата на – индустриска хала за преработка на тутун во индустриска зона Опаленик, Крушево на површина од 10.000 м^2.

Во 2021 година Стентон Градба го реализира еден од најголемите проекти во Преспанскиот регион насловен како „Санација на свлечиште на регионален пат Р1308 Претор – Маркова нога“.

Денес Стентон Градба активно се залага за диверзитет во својот бизнис потфат, како и се труди да воспостави меѓународни партнерства со компании чија специјалност е хидротехника, инфраструктура, патишта, електромеханичко инжинерство, обновливи извори на енергија и така натаму.

Повеќе информации за историјата и активностите на Стентон Градба може да се најдат на нивната официјална веб-страница.

Контакт:

🌐 www.stenton.mk

📧 info@stentongradba.mk

📞 +389 47 229 077 / +389 78 373 094

Бојкотот на маркетите организиран на последниот ден од јануари во Босна и Херцеговина во знак на протест поради големите цени според податоците на сојузната даночна управа не ги дал очекуваните резултати, додека организаторите на акцијата најавуваат нови подолготрајни мерки.

Официјалните статистики покажуваат дека прометот во продавниците на 31 јануари бил ист или дури и поголем во однос на претходните денови. Според податоците на Даночната управа на ентитетот Федерација БиХ, продавниците оствариле промет од 52,1 милион евра, што е дури повеќе од ден претходно кога изнесувал 51,9 милиони, и значително повеќе во споредба со една недела претходно кога прометот бил 47,2 милиони.

Сличен извештај има и Даночната управа на ентитетот Република Српска, каде на 31 јануари е евидентиран промет од 20,3 милиони евра, што не е значителен пад во однос на претходната недела, кога прометот изнесувал 21,8 милиони евра.

Тие бројки предизвикаа сомнеж меѓу организаторите на бојкотот и дел од јавноста, бидејќи бројни граѓани и медиуми известуваа за значително испразнети продавници и трговски центри. Фејсбук групата Бојкот БиХ, која има над 50.000 члена, извести дека продавниците забележале значителен пад на прометот и најави продолжување на бојкотот.

Се поставува прашањето дали зголемено индивидуално трошење на купувачите на денот на бојкотот може да го надомести намалениот број трансакции или податоците се пак резултат на манипулација за да се намали ефектот на акцијата.

И покрај неочекуваните статистики, организаторите на бојкотот не се откажуваат и најавуваат нови, подолготрајни акции со цел притисок на трговските ланци да ги намалат цените и да обезбедат пофер услови за потрошувачите. Се планира повеќенеделен бојкот, како и промовирање алтернативни облици на набавка на производи директно од произведувачите и локалните трговци. Така за работните денови, од понеделник до петок 6 февруари организаторите ги повикаа граѓаните на редуцирано купување, додека во петок и сабота, 7 и 8 февруари, повикуваат на целосен бојкот на продавниците.

Додека регионот и Македонија ги тресат протести против големите маркети, за кои се вели дека наметнуваат неоправдано високи цени, Пари истражува кој колку ставил плус во целиот синџир на исхрана за да стигнеме до високите цени. Ги анализираме десетте најголеми производители и трговци на големо, како и седумте најголеми продажни синџири на храна на мало. Во центарот на истражувањето ни се нето-профитните маржи. По дефиниција, тие претставуваат процентуално учество на остварената нето-добивка во вкупните приходи.

Завршните сметки за 2024 година сѐ уште не се поднесени, па заедно со Бизнис Мрежа ги анализираме податоците од 2023 година.

Во просек, секој од најпознатите трговски синџири има профитна маржа од 4,11 насто. Кај десетте најголеми производители по приход просекот на нивните маржи е 6,53 насто, а кај дистрибутерите е 3,47 насто.

Нето-профитната маржа не значи дека толкава маржа е ставена на производите, но, секако, тие маржи на производи влијаат на нето-профитната маржа. Од друга страна, во расходната страна на компаниите не се само трошоците за суровини, тековно производство и тековни услуги, туку и разни други капитални расходи коишто компанијата ги инвестира. А, тука може да влезат и имот и возила што се водат на име на фирмата, а кои, во крајна линија, се за потребите на сопствениците. Во пракса има секакви случаи…

КАЈ ТРГОВЦИТЕ ИМА НЕТО-ПРОФИТНИ МАРЖИ ОД 1,42 ДО 10,12 НАСТО

Во седумте најголеми малопродажни синџири: КАМ, Стокомак, Кипер, Тинекс, Веро, Кит-го и Рамстор, нето-профитните маржи се движеле од 1,42 насто во Тинекс до 10,12 насто во Веро. Секако, иако нето-профитната маржа е најниска во Тинекс, на сите им е јасно дека тој не е најевтиниот продажен синџир.

Целиот текст: pari.mk