Започнати се активности за реализација на два значајни проекти – ФЕ Битола 1 со инсталирана моќност од 20 MW и ФЕЦ Осломеј 2 со моќност од 10 МW.

АД ЕСМ во согласност со својата стратешка цел за развој на обновливи извори на енергија, започна со активности за реализација на два значајни проекти – ФЕ Битола 1 со инсталирана моќност од 20 MW и ФЕЦ Осломеј 2 со моќност од 10 МW.

Со цел информирање на јавноста и активно вклучување на сите заинтересирани страни во процесот на реализација, Компанијата организираше јавна презентација на двата проекти во соработка со консултантите, општините Новаци и Кичево, како и со изработувачите на документација за заштита на животната средина.

Во рамките на двата настани, беа презентирани клучни аспекти на проектите, а главната цел беше да се олесни и унапреди процесот на донесување одлуки, да се обезбеди навремено вклучување на сите засегнати страни и да се овозможи платформа за изразување на мислења и потенцијални ризици кои би можеле да влијаат на понатамошната нивна реализација.

Проектот за ФЕЦ Осломеј 2 го презентираше заменик генералниот директор на АД ЕСМ, Реџеп Асани.

– Во функција на енергетската трансформација која е една од стратешките цели на Владата и на АД ЕСМ за производство на зелена енергија, го презентираме значењето на проектот за изградба на Фотоволтаичната централа Осломеј 2, со годишно производство од 16 GWh електрична енергија. Со неговата реализација, ќе се уредат и рекултивираат околу 20 хектари земјиште во кругот на исцрпениот рудник за јаглен во РЕК Осломеј, а преку зголемување на учеството на обновливите извори во производството на електрична енергија би се компензирале годишни емисии на јаглерод диоксид што директно ќе влијае кон поздрава животна средина за Кичево, Осломеј и околината – истакна Асани.

Во Општина Новаци, проектот за ФЕ Битола 1 го претстави Александар Стефановски од Секторот за развој и инвестиции на АД ЕСМ. Просечното годишно производство на електрична енергија од овој капацитет ќе изнесува околу 30 GWh електрична енергија, а ќе се изгради во кругот на РЕК Битола.

Овој процес има цел да ја зголеми транспарентноста на компанијата и да го обезбеди учеството на сите важни субјекти и засегнати страни во развојот на инфраструктурни проекти што ќе се реализираат во наредниот период. Со имплементација на двата проекти, чија реализација доби на динамика благодарение на одличната соработка помеѓу Министерството за енергетика, рударство и минерални суровини, АД ЕСМ и ЕБОР, се зголемува портфолиото на обновливи извори на енергија во сопственост на државата што ќе претставува значаен чекор кон исполнување на стратешките определби и обврски, на патот кон зелената енергетска транзиција. АД ЕСМ пред неколку дена ја објави постапката за избор на изведувач за проектирање, набавка и изградба на двата капацитети, додека набавката и евалуацијата на понудите ќе се спроведува согласно правилата и условите на Европската Банка за обнова и развој.

Оној дел кој што е најбитен и се однесува на домаќинствата и најголем дел од малите потрошувачи, кај делот од мрежарината, како и преносот и дистрибуцијата, имаме намалување за 7%, рече првиот човек на РКЕ, Марко Бислимоски за понудите со цената со која ќе се снабдува универзалниот снабдувач и околу формирањето на новата цена на струјата која треба да стапи на сила од 1-ви јануари 2025 година.

Во однос на просечните цени, цената на МЕПСО за пренос на електрична енергија се зголемува за 5,68%, при што влијанието на крајната цена е 4%. Цената за дистрибуција се намалува за 5,52%, а влијанието на крајната цена изнесува 33%. Цената на операторот на пазарот се зголемува за 19,8%, каде што влијанието е многу мало и изнесува само 0,19%.

Според Бислимоски, не се очекува поголемо покачување на просечната цена на струјата кај домаќинствата, односно не очекува да биде поголема од еден процент.

Дел од мрежарината кои што го плаќаат домаќинствата и 90% од малите потрошувачи се намалува за 7%. По носењето на овие одлуки, ЕВН Хоум како универзален снабдувач до РКЕ ќе ги достави на контрола цените за домаќинствата и за малите потрошувачи.

Работниците во приватниот и јавниот сектор годинава треба да добијат регрес за годишен одмор. За вработените во приватниот минималната сума што треба да биде исплатена изнесува 16.800 денари, односно 40 отсто од просечната плата исплатена во последните три месеци, додека за вработените во државниот сектор сумата е нешто помаа и изнесува 11 илјади денари

Исплатата треба да се изврши до крајот на годината, а законски може да почне да се исплаќа од мај. Услов за исплата на К-15 е работникот најмалку шест месеци во календарската година да работи кај ист работодавец. К-15 им следува и на оние работници што ја смениле работата, ако претходно непрекинато работеле половина година во иста компанија.

За работодавците што нема да им исплатат регрес за годишен одмор на своите вработени, Законот предвидува казна до 4.000 евра, од кои од 2.000 до 3.000 евра за компанијата и од 500 до 1.000 евра за одговорното лице во неа.