Амбасадорката на САД во земјава, Ангела Агелер денеска на прес-конференција информираше дека поранешниот вицепремиер Артан Груби и апелацискиот судија Енвер Беџети се ставени на американската црна листа поради политичко мешање и обиди за оцрнување на судството во државата. Таа подвлече дека на нив и на нивните најблиски им е забранет влезот во САД, а во Вашингтон во меѓувреме се разгледуваат и дополнителни санкции.

-Стејт департментот на Соединетите Aмерикански Држави вчера презедоа значаен чекор во борбата против корупцијата, со ставање на поранешниот вицепремиер Артан Груби и апелацискиот судија Енвер Беџети на американската црна листа, поради политичко мешање во судството. Затоа, на нив и на нивните најблиски членови на семејството им е забранет влезот во САД. Во Вашингтон во меѓувреме се разгледуваат и дополнителни санкции, рече Агелер.

Како што рече, се надева оти со ова ќе покажат дека САД ги користи сите можни алатки за повикување на одговорност кон овие лица, чии криминални активности ја нарушуваат безбедноста, стабилноста и доброто владеење во земјава.

-Согласно законот во САД, мора да ги ставиме на црната листа лица за кои постојат докази дека се вклучени во корупција, без оглед на нивните минати или сегашни функции. Велиме дека правдата е слепа, но таа мора да биде непристрасна и обејктивна за сите, без разлика на политичка партија, пол или етничката припадност, додаде Агелер.

Таа смета дека корупцијата во ниедна форма не треба да се толерира во оваа држава.

-Оние кои го поткопуваат владеењето на правото заради лична добивка, а на сметка на народот во Северна Македонија, треба да разберат дека корупцијата има последици. САД ќе продолжи да повикува на одговорност за сите инволвирани во коруопција, и се надевам дека судството и оние кои го спроведуваат законот во оваа држава ќе го направат истото. Граѓаните на оваа тоа го заслужуваат, додаде Агелер.

Маж(52), македонски државјанин починал во зимскиот туристички центар Банско, во месноста Шилигарнка. Мажот бил пријавен за исчезнат вчера околу 16.30 часот, јавува Struma.com.

Медицинските лица кои пристигнале на местото на настанот констатирале смрт, бидејќи при преглед на телото немало траги на насилство.

Се претпоставува дека добил инфаркт додека бил на терените, пренесува днес.бг

Васко Ковачевски и Васко Стефанов не се уапсени во мега акцијата на МВР бидејќи не се во државава.

Според информации кои ги пренесе Радио Лидер, Васко Стефанов се наоѓа во соседна земја, додека Васко Ковачевски е во Австрија која е земја членка на Европската унија.

– Доколку нашите информации се покажат за вистинити, Васко Ковачевски за брз период би можел да биде екстрадиран назад во Македонија, објави порталот