Македонија

Меџити: Инвестираме во заштита од поплави за сигурна иднина на Полошкиот регион

Published

1 month ago

December 6, 2024

Првиот заменик-премиер и министер за животна средина и просторно планирање, Изет Меџити, учествуваше на завршниот настан од програмата „Подобрување на отпорноста од поплави во Полошкиот регион“, организиран од УНДП во Тетово.

Проектот вклучуваше значајни инвестиции за заштита од поплави, како регулирање на коритото на реката во Боговиње, изградба и чистење на канализациони системи во Тетово и Гостивар, чистење и стабилизирање на коритото на реката Вардар во Гостивар и Јегуновце, стабилизирање на 7 критични свлечишта и пошумување на 42 хектари во Националниот парк Шар Планина.

Меџити истакна дека овој проект предизвикал трансформативни промени во управувањето со ризикот од поплави, преминувајќи од реактивни мерки кон интегрирани системи за управување со ризиците. Проектот вклучува и едукативни активности за зголемување на отпорноста и подготвеноста на локалните заедници за справување со природни катастрофи.

Проектот е финансиран од Владата на Швајцарија со 12,7 милиони долари, дополнително поддржан од Министерството за животна средина со 400.000 долари и 130.000 долари од општините во регионот во партнерство со УНДП.

Македонија

Ограбена менувачница, полицијата превзема мерки за расчистување на случајот

Published

1 hour ago

January 9, 2025

Арлингтон

МВР информира дека вчера во СВР Битола било пријавено дека во периодот од 17.00 часот на 04-ти овој месец, па до вчера, до 08.00 часот, со употреба на сила и подесен алат било влезено во менувачница на ул. „Рузвелтова“ во Битола, сопственост на И.И.(67) од Битола.

Информациите се дека биле одземени пари во различни валути и апоени.

Увид извршила увидна екипа на СВР Битола и се преземаат мерки за расчистување на случајот.

Македонија

Автомобил излета од пат, повредени две лица

Published

1 hour ago

January 9, 2025

Арлингтон

На 08.01.2025 во 19.15 часот во СВР Куманово било пријавено дека на регионалниот пат с.Ропаљце – с.Матејче, општина Липково, патничко возило „фолксваген голф“ со кумановски регистарски ознаки, управувано од Ш.А.(29) од с.Лопате, кумановско, излетало надвор од коловозот.

-Во несреќата со тешки телесни повреди се здобил возачот, а со телесни повреди се здобила неговата сопатничка Х.М.А.(28) од Скопје, констатирани во Општата болница Куманово, информира МВР.

Извршен бил увид од увидна екипа од СВР Куманово.

Македонија

Семејна драма во тетовско: Син ја заштитил мајка од напад

Published

1 hour ago

January 9, 2025

Арлингтон

На 08.01.2025 во 19.20 часот во Полициското одделение Камењане, 44-годишна жена од тетовско село пријавила дека нејзиниот вонбрачен сопруг Б.Т.(43) од истото село агресивно се однесувал кон неа и се обидел физички да ја нападне, но бил спречен од нивниот син. Се преземаат мерки за расчистување на случајот.